Yeremia 23:40 - BAIBLO ALOO NGMAMI KLƆUKLƆU Ɔ

⁴⁰ Ma bɔ mɛ ahlua, nɛ a hɛ mi ma pue si kɛ ya neneene. Nɛ nɔ ko nɔ ko hɛ be nɔ́ nɛ ɔ nɔ jee gblegbleegble.”

Yeremia 23:40 ပူးပေါင်းရင်းမြစ်များ

Yeremia 20:11

Se mo Yawɛ, moo lɛɛ o ngɛ ye se kpɛii kaa tatsɛ kpanaa; ni nɛmɛ nɛ ngɛ mi yi mi wae ɔ be mi nyɛe. Zo maa gbe mɛ daa, ejakaa a be nyɛe maa pee nɔ́ ko nɔ́ ko. A zo ɔ hu nɔ ko hɛ be nɔ jee gblegbleegble.

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Hosea 4:7

“Si abɔ nɛ nyɛ, osɔfo ɔmɛ nyɛ he ngɛ hiɛe ɔ, si abɔ nɛ nyɛ ngɛ yayami babauu pee kɛ ngɛ mi sie. Lɔ ɔ he ɔ, i be nyɛ hɛ mi nyami woe; ma pue nyɛ hɛ mi si mohu.

Daniel 12:2

Ni nɛmɛ nɛ gbo momo nɛ a pu mɛ ɔ, a ti nihi babauu maa te si ekohu: ni komɛ maa ya neneene wami mi, nɛ ni komɛ hu maa ya neneene hɛ mi si puemi mi.

Daniel 9:16

Mo ji nɔ nɛ fa wa he be ko nɛ be ɔ. Lɔ ɔ he ɔ, wa kpa mo pɛɛ nɛ o mi mi ko fu Yerusalem hu. Mo nitsɛ o ma ji lɛ; o yo klɔuklɔu. Wa he yayami ɔmɛ, kɛ wa nɛmɛ ɔmɛ a ní yayami ɔmɛ nɛ a pee ɔ a he je ɔ, je ma amɛ tsuo nɛ bɔle wɔ ɔ yeɔ Yerusalem kɛ o ma a a he fɛu.

Yeremia 24:9

Ma ngɔ haomi nɛ nya wa wawɛɛ nitsɛ kɛ ba a nɔ, nɛ nɔ́ nɛ ɔ ma ha nɛ je ma amɛ tsuo maa nu sawale. A maa ye a he fɛu, a maa bɔ mɛ ahlua, nɛ a maa wo mɛ la ngɛ he tsuaa he nɛ ma fie mɛ kɛ ya a.

Mose V, 28:37

Ma amɛ, he nɛ Yawɛ maa ngɔ nyɛ kɛ ya a, a mi bi ɔmɛ maa ye gbeye ngɛ nyakpɛ nɔ́ nɛ ba nyɛ nɔ nɛ ɔ he; a maa muɔ nyɛ, nɛ a maa ye nyɛ he fɛu.

Ezekiel 16:52

O hɛ mi lɛ pue si nɛ ɔ nɛ! O ha a bu o nyɛmiyi ɔmɛ nihi nɛ da pe mo! Yayamihi nɛ o pee pe mɛ ɔ ha a da pe mo. O hɛ mi pue si; zo gbe mo kpɔtɔɔ, ejakaa o ha o nyɛmimɛ ɔmɛ pee kaa nihi nɛ mɛɛ lɛɛ a da!”