Yeremia 23:4 - BAIBLO ALOO NGMAMI KLƆUKLƆU Ɔ

⁴ Ma je nɔ yeli kpakpahi ha mɛ nɛ a hyɛ a nɔ. A be gbeye yee hu; sawale be mɛ nue hu, nɛ i be a tue gblae hu. Imi, Yawɛ lɛ i de.”

Yeremia 23:4 ပူးပေါင်းရင်းမြစ်များ

1 Petro 1:5

Mawu ngɔ ní nɛ ɔmɛ ngɔ ha nyɛ nihi nɛ nyɛ heɔ lɛ Mawu ɔ yeɔ, nɛ́ e kɛ e he wami ɔ ngɛ nyɛ he bue ɔ. Mawu pee klaalo kaa e ma he nyɛ yi wami nyagbe be ɔ mi.

Yohane 18:9

E de enɛ ɔ, konɛ munyu ɔ nɛ e tu ke, “Tsaatsɛ, nihi nɛ o tu ngɔ wo ye dɛ mi ɔ, i ha we nɛ a ti nɔ kake ngmelu po hɛ mi nɛ kpata” a, nɛ ba mi.

Yohane 17:12

Benɛ i kɛ mɛ ngɛ ɔ, i bu a he kɛ he wami nɛ o ngɔ ha mi ɔ. A ti nɔ kake ngmelu hɛ mi kpataa we, lɛɛ ja nɔ nɛ a to kaa e hɛ mi nɛ kpata a, bɔ nɛ pee nɛ ngmami ɔ nɛ ba mi.

Mika 5:2

Yawɛ ke, “Mo Betlehem Efrata, Yuda ma amɛ a kpɛti nyafii kake kɛkɛ ji mo; se ma ha nɔ ko maa je o mi ba ye matsɛ ngɛ Israel ma a tsuo nɔ. Matsɛ nɛ ɔ weku kpa ngɛ kɛ je blema be ɔ mi tɔɔ.” Yawɛ lɛ de.

Yeremia 33:26

Ní nɛ ɔmɛ nɛ i nyɛ pee he je ɔ, somi nɛ i kɛ Yakob nina, kɛ ye tsɔlɔ David so ɔ hu ma ye nɔ sisiisi. Ma hla David nina ko nɛ e ye Abraham, Isak, kɛ Yakob a nina a nɔ. Ma na ye ma a mɔbɔ, nɛ ma ha nɛ a ma ná a he ekohu.”

Yeremia 31:10

Yawɛ ke, “Nyɛ je mahi, nyɛɛ bu mi tue nɛ nyɛɛ fiɛ ye munyu ɔmɛ ngɛ wo kpɔ ɔmɛ a nɔ tsitsaa lokoo ke, ‘Nɔ nɛ gbɛ Israel ma a ngɔ fĩa a, lɛ nɔuu e ma bua a nya ekohu, nɛ e maa hyɛ a nɔ kaa bɔ nɛ to hyɛlɔ hyɛɛ e tohi ɔ.’

Yeremia 30:10

“Ye ma, nyɛ ko ye gbeye; Israel ma, nyɛ tsui nɛ ko po. Ma kpɔ nyɛ kɛ je zugba nɔ, he nɛ a nuu nyɛ kɛ ho ngɛ tsitsaa lokoo ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Mose IV, 31:49

nɛ a ba de lɛ ke, “Wɔ o tsɔli ɔmɛ ɔ, wa kane ta buli nɛ wa hɛɛ ɔ, nɛ a kpɛti nɔ kake po laa we.

Mika 7:14

Yawɛ, moo hyɛ o ma a nɛ o hla a nɔ kaa bɔ nɛ to hyɛlɔ tsɔɔ e tohi. E ngɛ mi kaa a gbɛ ngɔ fia nga a nɔ mohu, se zugba kpakpa nɛ baa ní bɔle mɛ. Ha nɛ a ya ye Bashan kɛ Gilead zugba kpakpa amɛ a nɔ ní kaa bɔ nɛ a pee blema a.

Mose III, 26:9

Ma gbaa nyɛ, nɛ ma ha nyɛ ma fɔ bimɛ babauu. Somi nɛ i kɛ nyɛ so ɔ, ma ye nɔ.

Ezekiel 36:11

Nimli, kɛ lohwehi a he ma ba hiɛ babauu ngɛ zugba a nɔ; a ma plɔke, nɛ a ma fɔ bimɛ. Ma ha a maa hi zugba a nɔ kaa bɔ nɛ a hi nyɛ zugba a nɔ sa a. Ma ha nyɛ maa bɔ pe kekle ɔ po. Kɛkɛ ɔ, nyɛ maa le kaa imi ji Yawɛ.

Mika 4:4

Nɔ tsuaa nɔ maa hi si ngɛ he jɔmi mi ngɛ e wai tso, loo e ngmɔkɔ tso sisi, nɛ nɔ ko be nɔ ko he gbeye woe. Yawɛ, Tabohiatsɛ ɔ lɛ de.

Zefania 3:13

Israel bi nɛ maa piɛ ɔ, a be nɔ́ yayami pee; a be lakpa yee, nɛ a be nɔ sisie hulɔ. A ma plɔke, nɛ a he mi maa jɔ mɛ, nɛ nɔ ko nɔ ko be nyɛe maa wo a he gbeye.”