Yeremia 23:32 - BAIBLO ALOO NGMAMI KLƆUKLƆU Ɔ

³² Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

Yeremia 23:32 ပူးပေါင်းရင်းမြစ်များ

Zefania 3:4

Gbali ɔmɛ ɔ, biɛ kɛkɛ lɛ tsɛɛ mɛ; lakpatsɛmɛ sɔuu ji mɛ. Osɔfo ɔmɛ plɛɔ mlaa amɛ a hɛ mi kɛ buɔ si bɔ nɛ maa da mɛ, nɛ a bleɔ níhi nɛ a ngɛ klɔuklɔu ɔ.

Kɔmɔ Yemi 2:14

O gbali ɔmɛ be nɔ́ kpakpa ko nɛ a ma de mo; lakpa pɛ a yeɔ mo. A fiɛɔ kɛ sisiɔ mo. A je we o tɔmi kpo kɛ tsɔɔ mo. A ha nɛ o susu kaa e hia we nɛ o tsake o tsui.

Yeremia 7:8

“Nyɛɛ hyɛ, lakpa munyuhi nɛ a he be se nami ɔ, nyɛɛ lɛɛ lɔ ɔmɛ nyɛ heɔ yeɔ.

Kpojemi 19:20

A nu lohwe awi yelɔ ɔ, kɛ lakpa gbalɔ ɔ nɛ pee nyakpɛ níhi ngɛ e hɛ mi ɔ tsuo. E pee nyakpɛ ní ɔmɛ kɛ sisi nihi nɛ a kɛ lohwe ɔ kadi mɛ ɔ, kɛ ni nɛmɛ nɛ jaa lohwe ɔ we amaga a. A hɛ lohwe ɔ, kɛ lakpa gbalɔ ɔ tsuo ngɔ fɔ taku kɛ e mi la nɛ ngɛ tsoe gegeege ɔ mi hɛ ngmengmle.

Mateo 15:14

Nyɛ ko hao nyɛ he ngɛ a he kulaa! Hɛ yuyuili nɛ ngɛ hɛ yuyuili blɔ tsɔɔe ji mɛ. Ke hɛ yuyuilɔ ngɛ hɛ yuyuilɔ blɔ tsɔɔe ɔ, mɛ ni enyɔ ɔmɛ tsuo a maa nɔ muɔ mi.”

Yeremia 29:31

ma tsɔ nɛ a ngɔ sɛ gbi nɛ ɔ nɛ kɔɔ Shemaya he ɔ ya ha nihi tsuo nɛ a nuu mɛ kɛ ho ɔ ke, “Imi Yawɛ, ma gbla Shemaya kɛ e nina tsuo a tue. I tsɔ we lɛ, se e kɛ nyɛ ba tu munyu kaa nɔ́ nɛ gbalɔ ji lɛ; nɛ e ha nɛ nyɛ he e lakpa munyu ɔmɛ ye. E nina ko nina ko be nyɛ kpɛti hie. Ní kpakpahi nɛ ma ba pee kɛ ha ye ma a hwɔɔ se ɔ, e be je mi hie kɛ yaa si jamɛ a be ɔ nɛ e ba na kɛ e hɛngmɛ; ejakaa e de ye ma a ke a tsɔ atuã kɛ wo mi. Imi, Yawɛ lɛ i de.”

Yeremia 23:25

Munyuhi nɛ lakpa gbali ɔmɛ tuɔ ngɛ ye biɛ mi ɔ, i nu lɛ tsuo pɛpɛɛpɛ. A deɔ ke imi lɛ i ha mɛ sɛ gbi ngɛ nlami mi.

Yeremia 23:16

Yawɛ Tabohiatsɛ ɔ de Yerusalem ma mi bi ɔmɛ ke, “Nyɛ ko bu munyuhi nɛ gbali ɔmɛ ngɛ tue ɔ tue; sisimi a ngɛ nyɛ sisie ɔ nɛ. Ninahi nɛ a jeɔ kɛ tsɔɔ nyɛ ɔ, mɛ nitsɛmɛ a yi mi e je; pi imi Yawɛ ye nya mi munyuhi ji lɔ ɔmɛ.

Yesaya 3:12

Jokuɛwi lɛ ngɛ ye ma a haoe, nɛ yihi lɛ ngɛ a nɔ yee. Ye ma, o nɔ hyɛli ɔmɛ haa o tlaa blɔ, nɛ a tɔ̃tɔ̃ɔ̃ o nane.

Mose V, 18:20

Se ke gbalɔ ko te si nɛ e gba ngɛ ye biɛ mi, nɛ pi imi nɛ i fa lɛ ɔ, á gbe lɛ; á gbe gbalɔ saisaa nɛ gbaa ngɛ mawu kpahi a biɛ mi ɔ jã kɛ̃.’

2 Korintobi 1:17

Blɔɔ nɛ i tsake ye yi mi tomi ɔ, anɛ yi mi flɛflɛ i kɛ pee lo? Ke i ngɛ ye yi mi toe ɔ, anɛ i peeɔ ye ní kaa yaka nɔ ko kɛkɛ nɛ deɔ “Ee” kɛ “Dɛbi” be kake too lo?

Hiob 13:4

Nyɛɛ lɛɛ pe nyɛ poɔ sane deɔ; nyɛ tsuo nyɛ ngɛ kaa tsopatsɛmɛ nɛ a he be se nami.

Yesaya 9:15

Nikɔtɔmahi, kɛ nihi nɛ a buu mɛ ji yi ɔ nɛ; nɛ lakpa gbali ɔmɛ ji hlemi ɔ nɛ.

Yeremia 23:13

I na Samaria gbali ɔmɛ a he yayami ɔ; a gba ngɛ Baal biɛ mi, nɛ a ha nɛ ye ma, Israel nane kpata.

Yeremia 23:31

Jehanɛ, gbali nɛ mɛ nitsɛmɛ a munyu lɛ a tuɔ, se kɛ̃ a deɔ ke imi ye ngɔ lɛ a naa sɛ gbi ɔ kɛ jee ɔ, mɛ hu i kɛ mɛ ná.

Kɔmɔ Yemi 3:37

Ke pi Nyɔmtsɛ ɔ he wami nya a, mɛnɔ ma nyɛ ma de nɔ́ ko nɛ e ba mi?

Zakaria 10:2

Amaga amɛ de we nɔ́ ko nɛ juɛmi ngɛ mi; klaali ɔmɛ lɛɛ lakpa munyuhi sɔuu a tuɔ. Ni komɛ hu tsɔɔ nlamihi a sisi, nɛ a kɛ sisiɔ nyɛ kɛ woɔ nyɛ bua kɛkɛ. Enɛ ɔ ha nɛ ma a tsuo ngɛ lalaalo woe kaa tohi, nɛ a ngɛ nɔ́ nae, ejakaa a be hyɛlɔ.