Yeremia 23:31 - BAIBLO ALOO NGMAMI KLƆUKLƆU Ɔ

³¹ Jehanɛ, gbali nɛ mɛ nitsɛmɛ a munyu lɛ a tuɔ, se kɛ̃ a deɔ ke imi ye ngɔ lɛ a naa sɛ gbi ɔ kɛ jee ɔ, mɛ hu i kɛ mɛ ná.

Yeremia 23:31 ပူးပေါင်းရင်းမြစ်များ

Yeremia 23:17

Daa nɛ ɔ, bɔ nɛ a deɔ ni nɛmɛ nɛ sume nɛ a buɔ ye munyu ɔ tue ji, ‘Nyɛ ko ye tsui tete! Nɔ́ tsuaa nɔ́ maa hi.’ Tue wali ɔmɛ lɛɛ bɔ nɛ a deɔ mɛ ji, ‘Haomi ko haomi ko be nyɛ nɔ bae fɛɛ.’ ”

Yesaya 30:10

A deɔ gbali ɔmɛ ke, “Nyɛ ko na ní; nyɛɛ gba ní kpakpahi mohu ha wɔ. Nyɛɛ kɛ wɔ nɛ tu munyu nɛ maa ngɔ ngɛ wa tue mi; ke sisimi munyuhi pohu wa suɔ.

Kronika II, 18:5

Kɛkɛ nɛ Ahab ya kpee gbali maa pee nimli lafa eywiɛ kɛ ba, nɛ e bi mɛ ke, “Anɛ ma ya nɛ ma ya tua Ramot nɛ ngɛ Gilead ɔ, aloo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Mika 2:11

“Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

Yeremia 23:30

Lɔ ɔ he ɔ, gbali nɛ juɔ ye sɛ gbi kɛ jeɔ a sibi a dɛ nɛ a fiɛɛ ɔ, i kɛ mɛ ná.

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

Mose V, 18:20

Se ke gbalɔ ko te si nɛ e gba ngɛ ye biɛ mi, nɛ pi imi nɛ i fa lɛ ɔ, á gbe lɛ; á gbe gbalɔ saisaa nɛ gbaa ngɛ mawu kpahi a biɛ mi ɔ jã kɛ̃.’

Matsɛmɛ I, 22:11

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ, pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Enɛ ɔmɛ ji níhi nɛ o kɛ ma tsitsɛɛ Siria bi ɔmɛ kɛ ya se kɛ yaa si o ma kpata a hɛ mi pɛsɛpɛsɛ.’ ”

Yeremia 28:15

I bɔ gbalɔ Hanania amaniɛ nɛ ɔ, nɛ i ya nɔ nɛ i de lɛ ke, “Hanania, bu tue! Yawɛ tsɔ we mo fɛɛ, nɛ o ha nɛ ma nɛ ɔ he lakpa munyu ɔmɛ ye.

Yeremia 28:17

Nɛ gbalɔ Hanania gbo jamɛ a jeha a mi nɔuu, ngɛ nyɔhiɔ nɛ ji kpaago ɔ mi.