Yeremia 23:3 - BAIBLO ALOO NGMAMI KLƆUKLƆU Ɔ

³ Ye ma nɛ piɛ ɔ, ma bua a nya kɛ maa je zugbahi a nɔ hehi nɛ i fie mɛ kɛ ho ɔ, nɛ i kɛ mɛ maa ba mɛ nitsɛmɛ a zugba a nɔ ekohu. A ma fɔ, nɛ a he maa hiɛ babauu.

Yeremia 23:3 ပူးပေါင်းရင်းမြစ်များ

La 106:47

Yawɛ wa Mawu! Mo kpɔ wɔ kɛ je je ma amɛ a dɛ mi, nɛ o kpale wɔ kɛ ba ekohu, konɛ waa na mo si, nɛ wa je o biɛ klɔuklɔu ɔ yi.

Yeremia 16:15

Mohu ɔ, a kɛ ye biɛ ma ka kita kaa Mawu hɛ kalɔ ɔ nɛ kpale Israel bi ɔmɛ nɛ a gbɛ fĩa a kɛ je omleyi je zugba kpahi a nɔ kɛ ba we ekohu. Lejɛ ɔmɛ ji hehi nɛ i fie mɛ kɛ ho ɔ nɛ. Ma ngɔ mɛ kɛ ba mɛ nitsɛmɛ a zugba a nɛ i ha a nɛmɛ ɔmɛ ɔ nɔ ekohu. Imi, Yawɛ le i de.”

Yeremia 29:14

nyɛ maa na mi, nɛ ma ngɔ nyɛ kɛ ba nyɛ zugba a nɔ ekohu. Je mahi, kɛ hehi tsuo nɛ i fie nyɛ kɛ ho ɔ, ma bua nyɛ nya kɛ je lejɛ ɔmɛ, nɛ ma kpale nyɛ kɛ ba hiɛmɛ nɛ ɔ nɛ i ha nɛ a nuu nyɛ kɛ je ɔ ekohu. Imi, Yawɛ lɛ i de.’

Yeremia 30:10

“Ye ma, nyɛ ko ye gbeye; Israel ma, nyɛ tsui nɛ ko po. Ma kpɔ nyɛ kɛ je zugba nɔ, he nɛ a nuu nyɛ kɛ ho ngɛ tsitsaa lokoo ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yeremia 30:3

ejakaa be ma nɛ ma pee ye ma Israel, kɛ Yuda saminya ekohu. Zugba a nɛ i ngɔ kɛ ha a nɛmɛ ɔmɛ ɔ, ma kpale mɛ kɛ ba jamɛ a zugba a nɔ ekohu, nɛ e ma ba pee a weto ní. Imi, Yawɛ lɛ i de.”

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’

Yeremia 31:8

Ma ya ngɔ mɛ kɛ je omleyi je zugba a nɔ, ma ya bua a nya kɛ je zugba a nyagbe he tɔɔ. Hɛ yuyuili, akpaketsɛmɛ, yihɔyihi, kɛ ni nɛmɛ nɛ miɔ nɛ a ma fɔ po maa piɛ a he kɛ ba. Nihi babauu nitsɛ maa kpale kɛ ba hiɛ ɔ ekohu.

Yeremia 32:37

Ma bua ma a nya kɛ je zugbahi a nɔ hehi nɛ i fie mɛ kɛ ho, benɛ ye mi mi fu mɛ ɔ, nɛ ma ngɔ mɛ kɛ ba hiɛmɛ nɛ ɔ ekohu nɛ a ba hi si ngɛ he jɔmi mi.

Yeremia 46:27

“Ye ma, nyɛ tsui nɛ ko po, Israel bi, nyɛ ko ye gbeye. Ma je nyɛ kɛ je jamɛ a ma se zugba a nɔ he nɛ a nuu nyɛ kɛ ho ɔ. Nyɛ maa kpale kɛ ba we, nɛ nyɛ ma ba hi si ngɛ tue mi jɔmi mi; nyɛ he mi maa jɔ nyɛ, nɛ nɔ ko nɔ ko be nyɛ he gbeye woe.

Yeremia 50:19

Ma kpale Israel bi ɔmɛ kɛ ba mɛ nitsɛmɛ a zugba a nɔ ekohu. A maa ye niye ní nɛ baa ngɛ Karmel yo ɔ nɔ, kɛ Bashan zugba a nɔ ɔ. A ma na ní maa ye bɔ nɛ a suɔ ngɛ Efraim kɛ Gilead zugba a nɔ.

Yeremia 8:3

Ke e ba mi ja, ma yayami nɛ ɔ mi bi nɛ a yi ma na wami ngɛ hehi nɛ ma sake mɛ ngɔ pue ɔ, a maa suɔ kaa a ma gbo mohu pe nɔ́ nɛ a maa hi je mi. Imi, Yawɛ Tabohiatsɛ ɔ lɛ i de.”

Ezekiel 11:17

“De mɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ. Ma bua a nya kɛ maa je je ma amɛ a mi hehi nɛ a gbɛ mɛ kɛ fĩa a tsuo kɛ maa ba; nɛ ma ngɔ Israel zugba a ngɔ ha mɛ ekohu.

Ezekiel 36:11

Nimli, kɛ lohwehi a he ma ba hiɛ babauu ngɛ zugba a nɔ; a ma plɔke, nɛ a ma fɔ bimɛ. Ma ha a maa hi zugba a nɔ kaa bɔ nɛ a hi nyɛ zugba a nɔ sa a. Ma ha nyɛ maa bɔ pe kekle ɔ po. Kɛkɛ ɔ, nyɛ maa le kaa imi ji Yawɛ.

Ezekiel 36:24

Ma je nyɛ kɛ je je ma amɛ a kpɛti. Ma bua nyɛ nya kɛ je he tsuaa he kɛ ba nyɛ nitsɛmɛ nyɛ zugba a nɔ ekohu.

Ezekiel 36:37

Nyɔmtsɛ Yawɛ ke, “Nɔ́ kake nɛ Israel bi ɔmɛ ma bi mi nɛ ma pee ha mɛ ji, ma ha a he nɛ hiɛ babauu kaa to kuu.

Mose III, 26:9

Ma gbaa nyɛ, nɛ ma ha nyɛ ma fɔ bimɛ babauu. Somi nɛ i kɛ nyɛ so ɔ, ma ye nɔ.

Mika 2:12

“Se nyɛ Israel ma nɛ piɛ ɔ, be ma nɛ ma bua nyɛ tsuo nyɛ nya. Ma ngɔ nyɛ kɛ ba he kake kaa tohi nɛ kpale ba a tsu mi. Nimli ma ba ha nyɛ zugba a nɔ tɔ ekohu kɛ a he ngmlaa kaa tohi babauu ngɛ a lɛmi he.”

Mika 7:12

Nyɛ ma mi bi ɔmɛ maa kpale kɛ ba nyɛ ngɔ ekohu. A maa je Asiria ngɛ bonyoku je, kɛ Egipt ngɛ leneyi je. A maa je Yufrate pa a he, kɛ wo se, kɛ yo ɔmɛ a nɔ tsitsaa lokoo kɛ ba.