Yeremia 23:20 - BAIBLO ALOO NGMAMI KLƆUKLƆU Ɔ

²⁰ Yawɛ mi mi fumi nɛ nya wa wawɛɛ nɛ ɔ se be poe kɛ yaa si e maa pee nɔ́ tsuaa nɔ́ nɛ e to ke e maa pee ɔ kɛ gbe nya. Be komɛ a se loko e ma a maa nu nɔ́ nɛ ɔ sisi saminya.”

Yeremia 23:20 ပူးပေါင်းရင်းမြစ်များ

Yesaya 55:11

Munyuhi nɛ i tuɔ ɔ, ja a maa pee. Munyu tsuaa munyu nɛ jeɔ ye nya a, nɔ́ nɛ i ke e pee ɔ, ja e pee loko e maa kpale kɛ ba. Nɔ́ tsuaa nɔ́ nɛ i to ke e ba mi ɔ maa ba mi kokooko.

Zakaria 1:6

Mlaahi nɛ i wo nyɛ nɛmɛ ɔmɛ, kɛ kɔkɔ nɛ i bɔ mɛ kɛ gu ye tsɔli nɛ ji gbali ɔmɛ a nɔ ɔ, tse a na mi nɔ́! Kɛkɛ nɛ jehanɛ a tsake a tsui, nɛ a de ke, Yawɛ Tabohiatsɛ ɔ gbla a tue bɔ nɛ sa mɛ ngɛ a ní peemi ɔmɛ a he kaa bɔ nɛ e to e yi mi ke e ma pee ɔ.”

Yesaya 14:24

Yawɛ Tabohiatsɛ ɔ ka kita ke, “Nɔ́ nɛ i to kaa ma pee ɔ maa ba mi ja. Nɔ́ nɛ i to ye yi mi kaa ma tsu ɔ, ma tsu kokooko.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Mose I, 49:1

Jehanɛ Yakob tsɔ ya de e bimɛ ɔmɛ ke, “Nyɛ ba bua nyɛ he nya nɛ ma de nyɛ nɔ́ nɛ maa ba nyɛ nɔ hwɔɔ se.

Matsɛmɛ II, 23:26

Se kɛ̃ ɔ, Yawɛ mi mi fu Yuda wawɛɛ nitsɛ ngɛ níhi nɛ Manase pee ɔ a he; nɛ kɛ ba si jamɛ a be ɔ, e mi mi fumi ɔ nya bɛ si.

Matsɛmɛ I, 8:47

moo bu o ma mi bi ɔmɛ a kue fami ɔ tue. Ke benɛ a ngɛ jamɛ a zugba a nɔ ɔ, a pia a he, nɛ a tsake a tsui, nɛ a jaje a he yayami ngɔ ha mo ɔ, moo bu a kue fami ɔ tue.

Mose V, 4:30

Ke nyɛ ngɛ amanehlu mi, nɛ ní nɛ ɔmɛ tsuo ba nyɛ nɔ ɔ, lɔ ɔ loko nyɛ maa kpale kɛ ba Yawɛ, nyɛ Mawu ɔ ngɔ, nɛ nyɛ maa bu lɛ tue.

Matsɛmɛ II, 23:27

Yawɛ de ke, “Ma kpata Yuda hɛ mi kaa bɔ nɛ i pee Israel ɔ; nɛ ma kua Yerusalem, ma nɛ i hla a, kɛ we ɔ nɛ i de ke lejɛ ɔ ji he nɛ i to nɛ a ja mi ngɛ ɔ.”

Yeremia 4:28

Zugba a maa ye kɔmɔ, nɛ hiɔwe ma yu tuu. Yawɛ lɛ de, nɛ e be e nya se kpalee. E to e yi mi momo, nɛ e be tsakee hu.

Yeremia 51:12

Nyɛ wo aflaangaa amɛ a nɔ kɛ pee okadi nɛ a kɛ ma tua Babilon gbogbo ɔmɛ. Nyɛɛ hla buli kpakpahi, nɛ nyɛ ha nɛ a ya da a blɔ hehi! Nyɛ ha nɛ ka woli ɔmɛ nɛ a dla a he!” Bɔ nɛ Yawɛ to kaa e maa pee Babilonia bi ɔmɛ ɔ, ja e pee ɔ nɛ.

Ezekiel 21:5

Nɔ tsuaa nɔ maa le kaa imi Yawɛ nitsɛ lɛ i hia klaate kɛ je e kpo ɔ mi, nɛ i be lɛ se kpalee kɛ wo e kpo ɔ mi hu.

Ezekiel 21:10

A duɔ klaate ɔ nya, konɛ a kɛ kpata nihi a hɛ mi; a sa he, konɛ e kpɛ nylamnylam kaa oslabai. Ye ma a be nyɛe ma nyá, ejakaa a bui ye munyu ɔmɛ; a tue nɛ i gbla wawɛɛ ɔ tsuo pee yaka.