Yeremia 23:2 - BAIBLO ALOO NGMAMI KLƆUKLƆU Ɔ

² Ma nɔ yeli ɔmɛ nɛ sa kaa a hyɛ ma a nɔ saminya a, bɔ nɛ Yawɛ, Israel Mawu ɔ ngɛ dee ngɛ a he ji nɛ ɔ nɛ: “Nyɛ hyɛ we ye ma a nɔ fɛɛ! Nyɛ gbɛ mɛ ngɔ fĩa, nɛ nyɛ fie mɛ kɛ ho. Lɔ ɔ he ɔ, ma gbla nyɛ tue ngɛ nyɛ ní peemi ní yayami ɔmɛ a he.

Yeremia 23:2 ပူးပေါင်းရင်းမြစ်များ

Mose II, 32:34

Moo lɛɛ yaa nɛ o ya kpaka ye ma a kɛ ya he nɛ i de mo ɔ. Ye bɔfo ɔ maa nyɛɛ o hɛ mi. Se be ma nɛ ma wo ma a hiɔ ngɛ a he yayami ɔ he.”

Yeremia 10:21

I he nɔ ke, “Wa nɔ yeli ɔmɛ be juɛmi; a bi we Yawɛ ga womi. Enɛ ɔ he je ɔ, a yɛ́ nɔ; nɛ wa ma mi bi ɔmɛ tsuo gbɛ fĩa.

Yeremia 11:22

Lɔ ɔ he ɔ, Yawɛ Tabohiatsɛ ɔ de mi ke, “Ma gbla a tue kokooko! Nihewi ɔmɛ ma gbo ngɛ ta nga nɔ, nɛ a bimɛ ɔmɛ lɛɛ hwɔ maa gbe mɛ.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 13:20

Yerusalem, hyɛ! O he nyɛli ɔmɛ je omleyi je kɛ ma. O nimli kpakpa amɛ nɛ a ha mo ke o hyɛ a nɔ ɔ, jije a ngɛ?

Yeremia 13:21

Nihi nɛ mo nitsɛ o tsɔse mɛ nɛ o kɛ mɛ ngɛ kaa huɛmɛ ɔ, ke a wo mɛ nɔkɔtɔma ngɛ o nɔ ɔ, kɛ o ma de kɛɛ? Anɛ o he mi be mo kɔɔe kaa yo nɛ nu kɔɔmi nɛ e miɔ nɛ e ma fɔ lo?

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

Yeremia 23:34

Ke nimli nɛ ɔmɛ a ti nɔ ko, aloo gbalɔ ko, aloo osɔfo ko li peemi nɛ e de ke ‘Yawɛ tlomi’ ɔ, ma gbla e kɛ e we mi bimɛ a tue.

Yeremia 44:22

Mwɔnɛ ligbi nɛ ɔ, nyɛ zugba a hɛ mi kpata, nɛ nɔ ko nɔ ko be nɔ. Nyɛ zugba a plɛ pee nɔ́ ko nɛ a hiee, nɛ nihi kɛ e biɛ gbiɛɛ nɔ; ejakaa nyɛ yi wu tso ní peemi ɔmɛ, kɛ nyɛ yayami ɔmɛ ba ti Yawɛ.

Yeremia 5:29

“Anɛ e sɛ kaa i gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 5:9

Anɛ e sɛ kaa a gblaa a tue ngɛ ní nɛ ɔmɛ a he lo? Ma nɛ ngɛ kaa kikɛ nɛ ɔ, e sɛ kaa i gblaa a tue lo?

Yeremia 8:12

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ ke zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.

Ezekiel 34:5

To hyɛlɔ ko be; lɔ ɔ he ɔ, to ɔmɛ gbɛ fĩa, nɛ lohwe awi yeli ya nuu mɛ nɛ a ye.

Hosea 2:13

Ma gbla Gomer tue ngɛ níhi nɛ e pee be ko ɔ a he. Ke pee ɔ, Gomer ma dla e he saminyayoo kɛ nguɛ ní, kɛ june kpakpa, nɛ e ma ya sã tsopa kɛ e he via ha Baal. E ma dla e he saminyayoo kikɛ nɛ ɔ, nɛ e ma ya hi e pla amɛ a nɔ kpae; kɛkɛ ɔ, e hɛ maa je ye nɔ pɛsɛpɛsɛ. Ma gbla e tue ngɛ ní nɛ ɔmɛ a he. Yawɛ lɛ de.

Mika 7:4

A ti ni kpakpahi, loo ni nɛmɛ nɛ da pe kulaa po, a ngɛ kaa nga kɛkɛ; a he be se nami. Be ɔ nɛ Mawu maa gbla e ma a tue ɔ su ta; haomi kɛ he hiami, kɛ hɛ mi kpatami be ɔ su ta.

Zakaria 10:3

Yawɛ ke, “Hyɛ, ye mi mi fu to hyɛli ɔmɛ saminya; ma gbla ma nimeli ɔmɛ a tue kokooko. Yuda a, ye ma ji mɛ, nɛ imi Yawɛ Tabohiatsɛ nitsɛ ma hyɛ a nɔ. Ma ha a he maa wa saminya kaa ta okpɔngɔ.

Zakaria 11:16

Ejakaa i ngɛ to hyɛlɔ ko tsɔe kɛ ma zugba a nɔ. Tohi nɛ a hɛ mi miɔ nɛ e kpata a, a nɔ́ pee we lɛ kɔmɔ. Ní nɛmɛ nɛ laa a, e be a se blɔ hlae. Hiɔtsɛmɛ ɔmɛ hu e be mɛ tsae; nɛ ní nɛmɛ nɛ ngɛ he wami ɔ hu, e be mɛ ní hae; mohu ɔ, e maa ye ní nɛmɛ nɛ wo zɔ ɔ, nɛ e ma kpɔ a nane kokloto tete.

Mateo 25:36

I hɛɛ ye he gu, nɛ nyɛ wo mi tade. I nu hiɔ, nɛ nyɛ ba slaa mi; a wo mi tsu mi, nɛ nyɛ ba ye ngɔ.’

Mateo 25:43

Nubwɔ ji mi, se nyɛ ha we nɛ ma ba to nyɛ; i hɛɛ ye he gu, se nyɛ wui mi tade; i nu hiɔ, nɛ jehanɛ hu a wo mi tsu, se nyɛ ba slaa we mi.’

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.