Yeremia 23:16 - BAIBLO ALOO NGMAMI KLƆUKLƆU Ɔ

¹⁶ Yawɛ Tabohiatsɛ ɔ de Yerusalem ma mi bi ɔmɛ ke, “Nyɛ ko bu munyuhi nɛ gbali ɔmɛ ngɛ tue ɔ tue; sisimi a ngɛ nyɛ sisie ɔ nɛ. Ninahi nɛ a jeɔ kɛ tsɔɔ nyɛ ɔ, mɛ nitsɛmɛ a yi mi e je; pi imi Yawɛ ye nya mi munyuhi ji lɔ ɔmɛ.

Yeremia 23:16 ပူးပေါင်းရင်းမြစ်များ

Yeremia 14:14

Se Yawɛ he nɔ ke, “Lakpa gbami gbali ɔmɛ ngɛ gbae ngɛ ye biɛ mi ɔ nɛ; i tsɔ we mɛ, i fa we mɛ, nɛ i kɛ mɛ tu we munyu ko hulɔ. Ninahi nɛ a ngɛ a he munyu tue ɔ, pi ye ngɔ nɛ a je; klaami nɛ a ngɛ klaae ɔ, yakayaka níhi nɛ mɛ nitsɛmɛ a susu ji lɔ ɔmɛ.

Ezekiel 13:6

Yakayaka ninahi a naa, nɛ lakpa sɔuu a yeɔ. A deɔ ke Yawɛ sɛ gbi a hɛɛ ɔ nɛ, pohu i tsɔ we mɛ. Se kɛ̃ ɔ, a hyɛɛ blɔ kaa níhi nɛ a de ɔ maa ba mi.

Mateo 7:15

“Nyɛɛ hyɛ saminya ngɛ lakpa gbali a he. Ke a ba nyɛ ngɔ ɔ, a naa mɛ kaa jijɔ, se anɔkuale mi ɔ, a ngɛ kaa ogbeteehi;

Ezekiel 13:3

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Musu tloo gbali kuasiahi nɛ peeɔ mɛ nitsɛmɛ a suɔmi nya ní, nɛ nɔ́ nɛ a nɛ́ hu a gbaa.

1 Yohane 4:1

Ye nyɛmimɛ nɛ i suɔ, nyɛ ko he nɔ tsuaa nɔ ko kɛkɛ nɛ deɔ ke e ná Mawu mumi ɔ nyɛɛ ye. Se mohu nyɛɛ ka nɔ tsuaa nɔ nɛ nyɛɛ hyɛ kaa mumi nɛ e ngɛ ɔ je Mawu ngɔ lo. Ejakaa je ɔ hyi tɔ kɛ lakpa gbali sɔuu.

Yeremia 23:21

Yawɛ ke, “I tsɔ we gbali nɛ ɔmɛ, se kɛ̃ a he sɔ kɛ ya fiɛ. I ha we mɛ sɛ gbi ko, se kɛ̃ a gba ngɛ ye biɛ mi.

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

Mika 2:11

“Gbalɔ nɛ ma nɛ ɔ suɔ ji lakpatsɛ kɛ nɔ sisilɔ; nɔ nɛ ma de mɛ ke, ‘Ma gba nɛ wai kɛ da nɛ nya wa nɛ ba ha nyɛ.’

Yeremia 23:26

Mɛni be gbali nɛ ɔmɛ maa ye lakpa kɛ yaa si? A deɔ níhi nɛ be mi nɛ a kɛ sisiɔ ye ma a.

Ezekiel 22:28

Gbali ɔmɛ laa yayamihi a nɔ kaa bɔ nɛ a kɛ kalo saa gbogbo he. Lakpa ninahi a naa, nɛ a gbami ɔmɛ hu lakpa sɔuu. A deɔ ke Nyɔmtsɛ Yawɛ lɛ tsɔ mɛ, be mi nɛ imi Yawɛ, i de we mɛ nɔ́ ko kulaa.

Ezekiel 13:23

Lɔ ɔ he ɔ, yakayaka nina ko be kpo jee ha nyɛ hu; nɛ nyɛ be klae hu. Ma kpɔ ye ma a kɛ je nyɛ he wami sisi, nɛ nyɛ be he wami hie ngɛ a nɔ; kɛkɛ ɔ, nyɛ maa le kaa imi ji Yawɛ.”

Ezekiel 13:16

Jamɛ a gbali ɔmɛ de Yerusalem bi ɔmɛ ke sane yobu ko kulaa be a nɔ bae; mamoo haomi mohu lɛ ma!” Nyɔmtsɛ Yawɛ lɛ de.

Yeremia 29:8

Imi Yawɛ Tabohiatsɛ, Israel Mawu ɔ, i ngɛ nyɛ dee ke, gbali, kɛ klaali nɛ ngɛ nyɛ kpɛti ɔ, nyɛ ko ha nɛ a sisi nyɛ. Nyɛ ko ha nɛ a de nyɛ níhi nɛ nyɛ nitsɛmɛ nyɛ suɔ nɛ ba mi.

Yeremia 9:20

I de ke, “Nyɛ yi ɔmɛ, nyɛɛ bu Yawɛ tue, nɛ nyɛɛ ye e munyu ɔmɛ a nɔ. Nyɛɛ tsɔɔ nyɛ biyi ɔmɛ kɔmɔ yemi, kɛ nyɛ huɛmɛ ɔmɛ ya la lami.

Yeremia 2:5

Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

Abɛ Womi 19:27

Ye bi, ke o sume nɛ a slɔ mo ɔ, nile munyuhi ma bɔ mo.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Yeremia 9:12

I bi ke, “Yawɛ, mɛni he je a sã zugba a, nɛ e gbli nɛ e pee kaa nga kplanaa nɔ kikɛ nɛ ɔ, nɛ nɔ ko nɔ ko nyɛɛ we nɔ hu ɔ? Mɛnɔ ji ní lelɔ nɛ e maa nu nɔ́ nɛ ɔ sisi? Mɛnɔ lɛ o ngɔ sɛ gbi nɛ ɔ kɛ ha, nɛ e ma nyɛ maa fiɛ kɛ ha nihi?”

Kɔmɔ Yemi 2:9

Zu ha agbo ɔmɛ a nɔ; a ku a se lami ní ɔmɛ a mi dukuduku. A nuu matsɛmɛ ɔmɛ, kɛ ganɔ ɔmɛ kɛ ho ma se ya. Nɔ ko tsɔɔ we mlaa a hu. Yawɛ je we nina kɛ ha we gbali ɔmɛ hu.

Matsɛmɛ I, 22:11

Gbali ɔmɛ a ti nɔ kake nɛ a tsɛɛ lɛ Zedekia, Kenaana binyumu ɔ, pee dade kolihi, nɛ e de Ahab ke, “Bɔ nɛ Yawɛ de ji nɛ ɔ nɛ: ‘Enɛ ɔmɛ ji níhi nɛ o kɛ ma tsitsɛɛ Siria bi ɔmɛ kɛ ya se kɛ yaa si o ma kpata a hɛ mi pɛsɛpɛsɛ.’ ”

Kronika II, 18:5

Kɛkɛ nɛ Ahab ya kpee gbali maa pee nimli lafa eywiɛ kɛ ba, nɛ e bi mɛ ke, “Anɛ ma ya nɛ ma ya tua Ramot nɛ ngɛ Gilead ɔ, aloo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

Yeremia 29:23

Nɔ́ nɛ maa ba a nɔ ji nɛ ɔ nɛ, ejakaa a pee ní yayamihi ngɛ Israel; a puɛ gba, nɛ a tu lakpa munyuhi ngɛ Yawɛ biɛ mi, pohu e fa we mɛ ke a tu jamɛ a munyu ko. Pi Yawɛ suɔmi nya ní ji nɛ ɔ; nɔ́ tsuaa nɔ́ nɛ a pee ɔ, e na, nɛ e ma nyɛ maa ye he odase. Yawɛ lɛ de.”