Yeremia 23:11 - BAIBLO ALOO NGMAMI KLƆUKLƆU Ɔ

¹¹ Yawɛ ke, “Gbali ɔmɛ, kɛ osɔfo ɔmɛ tsuo li Mawu; nimli yayamihi ji mɛ. I naa mɛ nɛ a ngɛ yayami pee ngɛ ye we ɔ mi tete po.

Yeremia 23:11 ပူးပေါင်းရင်းမြစ်များ

Zefania 3:4

Gbali ɔmɛ ɔ, biɛ kɛkɛ lɛ tsɛɛ mɛ; lakpatsɛmɛ sɔuu ji mɛ. Osɔfo ɔmɛ plɛɔ mlaa amɛ a hɛ mi kɛ buɔ si bɔ nɛ maa da mɛ, nɛ a bleɔ níhi nɛ a ngɛ klɔuklɔu ɔ.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Ezekiel 23:39

Ejakaa benɛ a gbe ye bimɛ ɔmɛ ha a we amaga amɛ ɔ, a ba ye he klɔuklɔu ɔ jamɛ a ligbi ɔ nɔuu, nɛ a ba ble lejɛ ɔ!

Yeremia 32:34

We ɔ nɛ a ma nɛ a ja mi ngɛ mi ɔ tete po a ngɔ a we amagahi nɛ i hiee ɔ ya to lejɛ ɔ nɛ a kɛ ble we ɔ.

Ezekiel 8:16

Lɔ ɔ he ɔ, e kɛ mi ba Yawɛ we ɔ kue ɔ nɛ ngɛ mi mi je ɔ mi. Nyumuhi maa pee nyingmi enyɔ kɛ enuɔ daa si ngɛ kue ɔ, kɛ bɔ sami la tɛ ɔ a kpɛti. A plɛ a se kɛ wo Yawɛ we ɔ; a ngɔ a hɛ mi kɛ kpee beleku je, nɛ a ngɛ pu nɛ te si kɛ ma a jae.

Yeremia 11:15

Yawɛ ke, “Nimli nɛ i suɔ saminya a, yayami sɔuu lɛ a ngɛ pee. Anɛ a ngɛ he blɔ kaa a hii ye we ɔ mi lo? Anɛ a susu kaa ke a wo mi si babauu, nɛ a ngɔ lohwehi kɛ sã bɔ ha mi ɔ, haomi ko nɛ maa ba a nɔ ɔ, a kɛ ní nɛ ɔmɛ a peemi maa tsi jamɛ a haomi ɔ nya lo? Ke e ba mi ja a, anɛ a ma na bua jɔmi lo?

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 7:30

“Yuda bi ɔmɛ pee yayami. A ngɔ a we amagahi nɛ i hiee ɔ ba to ye we ɔ nɛ a kɛ ble we ɔ.

Kronika II, 36:14

Jehanɛ se hu, Yuda ma nimeli ɔmɛ, osɔfo ɔmɛ, kɛ ma a tsuo pee yayami kɛ si Yawɛ. A ya sɔmɔ je ma amɛ nɛ bɔle mɛ ɔ a mawu ɔmɛ, nɛ a kɛ nɔ́ nɛ ɔ ble Yawɛ we ɔ nɛ lɛ Yawɛ ɔ nitsɛ pee klɔuklɔu ngɛ Yerusalem ɔ.

Ezekiel 8:11

Israel ma nimeli nyingmi kpaago, kɛ Yaazania, Shafan bi ɔ daa si ngɛ lejɛ ɔ. A ti nɔ tsuaa nɔ hɛɛ ngɛyu kɛ e mi tsopa kɛ e he via nɛ la su ku ngɛ mi jee kɛ yaa hiɔwe.

Ezekiel 7:20

A ngɔ a he dlami ní saminyawiiwi nɛ ɔmɛ kɛ pee amagahi, níhi nɛ a hiee, kɛ níhi nɛ ngɛ tai. Enɛ ɔ he ɔ, Yawɛ ha nɛ a june ɔmɛ plɛ pee níhi nɛ he tsɔ we ha mɛ.

Yeremia 23:15

“Lɔ ɔ he ɔ, bɔ nɛ imi, Yawɛ Tabohiatsɛ ɔ i ngɛ dee ngɛ Yerusalem gbali ɔmɛ a he ji nɛ ɔ nɛ: ‘Ma ha mɛ agba nɛ a maa ye kaa niye ní, nɛ i kɛ duɔ maa wo nyu mi ha mɛ nɛ a nu. Ejakaa mɛ Yerusalem gbali ɔmɛ a he je nɛ ní yayamihi gbɛ fĩa zugba a nɔ tsuo.’ ”

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Kronika II, 33:7

E puɛ amaga ko ya ma Yawɛ ɔ we. Mawu, kɛ David, kɛ e binyumu Salomo tu we nɛ ɔ he munyu hyɛ, nɛ e de ke, “I hla we nɛ ɔ ngɛ Yerusalem kɛ je Israel wɛtso ɔmɛ tsuo a kpɛti ngɔ to kaa he nɛ sa nɛ a ja mi ngɛ daa.

Kronika II, 33:5

Jehanɛ e puɛ bɔ sami la tɛhi ngɔ ma kue enyɔ ɔmɛ nɛ ngɛ Yawɛ we ɔ a mi, konɛ a ja dodoehi ngɛ lejɛ ɔmɛ.

Yeremia 50:6

“Ye ma a ngɛ kaa tohi nɛ a hyɛli ɔmɛ ha nɛ a nane kpata ngɛ yo ɔmɛ a nɔ. A ngɛ kaa tohi nɛ a ngmɛɛ a he, nɛ a wo lalaalo ngɛ yo ɔmɛ a nɔ hluu kɛ ya si a hi he po laa mɛ.

Kɔmɔ Yemi 2:20

Yawɛ lee, hyɛ koo! Moo hyɛ nihi nɛ o ngɛ mɛ yi mi wae ɔ! Yihi ngɛ mɛ nitsɛmɛ a muklii mi bimɛ nɛ a suɔ ɔ yee! Mawu we ɔ nitsɛnitsɛ mi po a ngɛ osɔfohi, kɛ gbalihi gbee!

Ezra 10:18

Nihi nɛ ngɔ ma se yihi a biɛhi ji nɛ ɔmɛ. Yehozadak binyumu Yoshua kɛ e nyɛminyumu ɔmɛ: Maaseya, Eliezer, Yarib, kɛ Gedalia.

Ezekiel 44:10

Yawɛ de mi ke, “Levi bi nɛ a kɛ Israel ma nɛ piɛ ɔ kua mi, nɛ a ya ja amagahi ɔ, ma gbla a tue.

Zefania 3:3

Tsɔli ɔmɛ ngɛ kaa jatahi nɛ ngɛ huãe. Kojoli ɔmɛ hu ngɛ kaa ogbeteehi nɛ hwɔ gbe mɛ; gbɔkuɛ ɔ, a yeɔ ní tsuatsuaatsua, nɛ ke je na a, a si we nɔ́ ko nɔ́ ko.