Yeremia 23:10 - BAIBLO ALOO NGMAMI KLƆUKLƆU Ɔ

¹⁰ Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.

Yeremia 23:10 ပူးပေါင်းရင်းမြစ်များ

La 107:34

Zugba nɛ baa ní saminya a plɛ pee ngo zɔ zugba; ejakaa nihi nɛ hi lejɛ ɔ, yayami sɔuu a pee.

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Yesaya 24:6

Lɔ ɔ he ɔ, Mawu gbiɛ zugba a. Ni ɔmɛ ngɛ nɔ́ nae ngɛ yayami nɛ a pee ɔ he. Nihi babauu a hɛ mi kpata; nihi bɔɔ pɛ lɛ piɛ.

Yakobo 4:4

Nyɛ gba puɛli nɛ nyɛ yi Mawu anɔkuale! Anɛ nyɛ li kaa ke nɔ ko suɔ je ɔ, nɔ ɔ ngɛ Mawu nyɛe lo? Lɔ ɔ he ɔ, nɔ tsuaa nɔ nɛ e kɛ je ɔ bɔɔ ɔ, e peeɔ Mawu he nyɛlɔ.

Hebribi 13:4

Nyɛ ha gba si himi he nɛ tsɔ, nɛ nyumu kɛ yo nɛ a ye a sibi anɔkuale. Ejakaa Mawu maa kojo yaholi, kɛ gba puɛli.

1 Timoteo 1:10

Ni kpahi hu nɛ a woɔ mlaa ha mɛ ji nihi nɛ fiɛɔ yo kɛ nyumu yakayaka fiɛmi, nyumuhi nɛ kɛ nyumuhi hwɔɔ, nɔmlɔ juli, nihi nɛ ngɔɔ nya, nihi nɛ kaa kita kɛ yeɔ lakpa odase, kɛ nihi tsuo nɛ peeɔ níhi nɛ kɛ tsɔɔmi kpakpa a yɛ́.

Yoel 1:10

Ngmɔ ɔmɛ a hɛ mi kpata; zugba a pee mɔbɔmɔbɔ kaa nɔ́ nɛ kɔmɔ e ngɛ yee; ejakaa blɛfo ɔ hɛ mi kpata; wai tso ɔmɛ gbli, nɛ oliv tso ɔmɛ ylɔ.

Yeremia 14:2

“Yuda ngɛ kɔmɔ yee; Yuda ma amɛ ngɛ gboe; ma mi bi ɔmɛ hwɔɔ si ngɛ zugba mɔbɔmɔbɔ, nɛ bubuubui ngɛ pɛe ngɛ Yerusalem.

Yeremia 7:9

Nyɛ juɔ, nyɛ pueɔ muɔ si, nyɛ puɛɔ gba, nyɛ kaa lakpa kita, nyɛ sãã tsopa kɛ e he via kɛ haa Baal, nɛ nyɛ ya nyɛɛɔ mawu kpahi nɛ nyɛ li mɛ a se.

Mose III, 5:1

Ke a tsɛ nɔ ko ke e ba ye odase ngɛ sane yemi he, nɛ nɔ ɔ de we nɔ́ nɛ e na, loo e le ngɛ munyu ɔ he ɔ, e pee yayami; a gbla e tue.

Yesaya 5:18

Musu tloo nyɛ! Nyɛ ní yayami ɔmɛ fi nyɛ kaa kpa nɛ nyɛ nyɛ we nɛ nyɛɛ pɛne ngɛ nyɛ he.

Yeremia 9:12

I bi ke, “Yawɛ, mɛni he je a sã zugba a, nɛ e gbli nɛ e pee kaa nga kplanaa nɔ kikɛ nɛ ɔ, nɛ nɔ ko nɔ ko nyɛɛ we nɔ hu ɔ? Mɛnɔ ji ní lelɔ nɛ e maa nu nɔ́ nɛ ɔ sisi? Mɛnɔ lɛ o ngɔ sɛ gbi nɛ ɔ kɛ ha, nɛ e ma nyɛ maa fiɛ kɛ ha nihi?”

Yeremia 12:11

A kpata zugba a hɛ mi pɛsɛpɛsɛ, nɛ zugba a pee mɔbɔmɔbɔ. Zugba a tsuo plɛ pee nga kplanaa, nɛ nɔ ko nɔ ko yi he kɔmɔ.

Hosea 7:4

Dikali kɛ atuã tsɔli ji mɛ tsuo. Ninyɛ nɛ nya wa wawɛɛ nitsɛ lɛ ngɛ a mi. Ninyɛ ɔ jeɔ sisi kaa flɔɔnɔɔ mi la nɛ ngɛ tsoe tikɔɔ hluu kɛ ya suu be nɛ mamu ɔ ma fu saminya, nɛ́ abolo sãlɔ ɔ ma klɛ la a mi, konɛ e tso gegeege.

Ezra 10:18

Nihi nɛ ngɔ ma se yihi a biɛhi ji nɛ ɔmɛ. Yehozadak binyumu Yoshua kɛ e nyɛminyumu ɔmɛ: Maaseya, Eliezer, Yarib, kɛ Gedalia.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Zefania 3:4

Gbali ɔmɛ ɔ, biɛ kɛkɛ lɛ tsɛɛ mɛ; lakpatsɛmɛ sɔuu ji mɛ. Osɔfo ɔmɛ plɛɔ mlaa amɛ a hɛ mi kɛ buɔ si bɔ nɛ maa da mɛ, nɛ a bleɔ níhi nɛ a ngɛ klɔuklɔu ɔ.