Yeremia 22:9 - BAIBLO ALOO NGMAMI KLƆUKLƆU Ɔ

⁹ Kɛkɛ ɔ, a ma he nɔ ke i ye nyɛ sane nɛ ɔ, ejakaa somi nɛ imi, nyɛ Mawu ɔ, i kɛ nyɛ so ɔ, nyɛ yi nɔ; nyɛ ya nyɛɛ mawu kpahi mohu a se, nɛ nyɛ sɔmɔ mɛ.”

Yeremia 22:9 ပူးပေါင်းရင်းမြစ်များ

Kronika II, 34:25

A kua mi, nɛ a sã bɔhi kɛ ha mawu kpahi, nɛ a kɛ níhi nɛ a pee nɛ ɔ tsuo wo ye mi mi la. Ye mi mi fu Yerusalem wawɛɛ nitsɛ, nɛ nɔ́ ko be hie peemi ngɛ he.

Matsɛmɛ II, 22:17

A kua mi, nɛ a ya sã tsopa kɛ e he via kɛ ha mawu kpahi. A kɛ níhi nɛ a pee nɛ ɔ tsuo wo ye mi mi la wawɛɛ nitsɛ, nɛ e nya be si bae.

Yeremia 50:7

Nɔ tsuaa nɔ nɛ maa na mɛ ɔ ma tua mɛ. Nɔ́ nɛ a he nyɛli ɔmɛ deɔ ji ‘Wɔɔ lɛɛ wa tɔ we. Mɛ lɛ a pee yayami kɛ si Yawɛ, Mawu dami sane yelɔ ɔ nɛ a nɛmɛ ɔmɛ ngɔ a hɛ ngɔ fɔ e nɔ ɔ.’

Matsɛmɛ I, 9:8

We nɛ ɔ maa pee we doku, nɛ nɔ tsuaa nɔ nɛ bee ɔ he mi ma jɔ̃, nɛ e nya maa kpɛ e he; nɛ e ma bi ke, ‘Mɛni he je nɛ Yawɛ pee zugba nɛ ɔ, kɛ we nɛ ɔ kikɛ nɛ ɔ?’

Yeremia 9:13

Yawɛ he nɔ ke, “Nɔ́ nɛ he je nɛ kikɛmɛ a nɔ́ nɛ ɔ ba ji mlaa nɛ i wo ye ma mi bi ɔmɛ ɔ, a yi nɔ. A bui mi, nɛ nɔ́ nɛ i de mɛ ke a pee ɔ hu, a pee we.

Yeremia 11:3

nɔ tsuaa nɔ nɛ be somi munyu nɛ ɔmɛ tue bue ɔ, imi, Yawɛ Israel Mawu ɔ ma gbiɛ lɛ.

Yeremia 16:11

Ke a bi mo ja a, de mɛ ke, Yawɛ ke, ‘Nyɛ nɛmɛ ɔmɛ je ye se nɛ a ya ja mawu kpahi, nɛ a sɔmɔ mɛ. A kua mi, nɛ ye mlaa amɛ hu a yi nɔ.

Ezekiel 5:15

“Ke ye mi mi fu, nɛ ye hɛ dɔ, nɛ i gbla nyɛ tue kikɛ ɔ, je ma amɛ nɛ bɔle nyɛ ɔ tsuo maa ye gbeye; a maa hie nyɛ, nɛ a maa ye nyɛ he fɛu.

Ezekiel 12:16

Se kɛ̃ ɔ, ma ha a ti nihi bɔɔ ko maa piɛ; mɛɛ lɛɛ ta, kɛ hwɔ, kɛ gbenɔ hiɔ be mɛ gbee. Kɛkɛ ɔ, a maa jaje ní hiemi ní ɔmɛ nɛ a pee ngɛ je ma amɛ a mi ɔ, nɛ a ma de ke a tɔ̃. Kɛkɛ ɔ, a maa le kaa imi ji Yawɛ.”

Ezekiel 14:23

Ke nyɛ na a jemi bami, kɛ a ní peepee ɔ, nyɛ maa le kaa i pee we ní nɛ ɔmɛ ngɛ lejɛ ɔ yaka.” Nyɔmtsɛ Yawɛ lɛ de.

Ezekiel 39:23

Je ma amɛ hu maa le kaa imi lɛ i ha Israel bi ɔmɛ ya hi ma se kaa nyɔguɛhi, ejakaa a pee yayami kɛ si mi. I kua mɛ, i ha a he nyɛli ba ye a nɔ ngɛ ta mi, nɛ a gbe mɛ.

Mose V, 29:24

Ke e ba mi ja a, je ɔ tsuo ma bi si ke, ‘Mɛni he je nɛ Yawɛ pee e zugba a kikɛ nɛ ɔ?

Yeremia 11:10

Yayamihi nɛ a nɛmɛ ɔmɛ pee ɔ, a kpale ya pee jamɛ a yayami ɔmɛ. A nɛmɛ ɔmɛ kplɛɛ we kaa a maa bu mi tue, nɛ a ya ja mawu kpahi. Israel ma a, kɛ Yuda ma a tsuo yi somi nɛ i kɛ a nɛmɛ ɔmɛ so ɔ nɔ.