Yeremia 22:28 - BAIBLO ALOO NGMAMI KLƆUKLƆU Ɔ

²⁸ I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 22:28 ပူးပေါင်းရင်းမြစ်များ

Hosea 8:8

Israel yi ta pɛ! Israel pee kaa buɛ kokoe ngɛ ma amɛ a kpɛti; e he be se nami.

La 31:12

Nɔ tsuaa nɔ hɛ je ye nɔ; nɔ ko nɔ ko kaii we mi hu. I pee kaa nɔ nɛ gbo, aloo buɛ nɛ ywia.

Yeremia 48:38

Ngɛ tsuhi a yi mi, kɛ blɔhi a nɔ ngɛ Moab zugba a nɔ ɔ, nɔ́ nɛ o maa nu kɛkɛ ji kɔmɔ yemi, ejakaa i ha nɛ Moab pee kaa buɛ nɛ ywia wɔtsɔwɔtsɔ nɛ nɔ ko sume hu.

Hosea 13:15

Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.

Yeremia 22:30

“A gbiɛ nyumu nɛ ɔ gbidigbidi, e be bimɛ nae kɔkɔɔkɔ; e be nɔ yae gblegbleegble e wami be ɔ tsuo. E be nina nae nɛ ma ba ye tsɛ ngɛ David se, ngɛ Yuda zugba a nɔ. Imi, Yawɛ lɛ i de.”

Yeremia 17:4

Zugba a nɛ i ha nyɛ ɔ maa je nyɛ dɛ, nɛ ma ha nɛ nyɛ ma sɔmɔ nyɛ he nyɛli ngɛ zugba nɛ nyɛ li nɔ. Ejakaa ye mi mi nɛ fu ɔ ngɛ kaa la nɛ a slɛ nɛ maa hi tsoe daa.”

Yeremia 15:1

Kɛkɛ nɛ Yawɛ de mi ke, “Ke Mose kɛ Samuel ba da ye hɛ mi nɛ a fa kue ha mi tete po, i be nimli nɛ ɔmɛ mɔbɔ nae. Fie mɛ kɛ je ye hɛ mi hiɛmɛ nɛ ɔ nɛ a ho.

Yeremia 14:18

Ke i je kpo kɛ ya nga nɔ ɔ, i naa nihi nɛ a gbe mɛ ngɛ ta mi ngɔ pue si. Ke i ya ma amɛ a mi hu i naa nihi nɛ hwɔ gbe mɛ ngɔ pue si. Se gbali ɔmɛ, kɛ osɔfo ɔmɛ lɛɛ kpami kɛkɛ a hii kpae ngɛ zugba nɛ a li nɔ.”

Samuel II, 5:21

Filisti bi ɔmɛ je a wɔ ɔmɛ a he ngɛ lejɛ ɔ, nɛ David kɛ e we bi ɔmɛ ba muɔ kɛ ho.

Kronika II, 21:20

Yehoram ye jeha nyingmi etɛ kɛ enyɔ benɛ e bɔni tsɛ yemi, nɛ e hi Yerusalem kɛ ye matsɛ jeha kpaanyɔ. Benɛ e gbo ɔ, nɔ ko nɔ ko yi lɛ kɔmɔ. A pu lɛ ngɛ David ma a mi mohu, se a pu we lɛ ngɛ matsɛmɛ ɔmɛ a gɔ ɔ mi.

Yeremia 22:27

Nyɛ hɛ ma ya ja ngɛ lejɛ ɔ, nɛ nyɛ maa suɔ kaa nyɛɛ na zugba nɛ ɔ ekohu; se nyɛ be kpalee kɛ ba hu gblegbleegble.”

Yeremia 37:1

Babilonia matsɛ, Nebukadnezar wo Zedekia, Yosia bi ɔ Yuda matsɛ ngɛ Yehoyakim bi Yehoyakin nane mi.

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 24:1

Yawɛ je nina ko ngɔ tsɔɔ mi be ko. I na kusii enyɔ kɛ a mi ngmɔkɔ nɛ maa si ngɛ Yawɛ we ɔ hɛ mi. Jamɛ a be ɔ mi ɔ, Babilonia matsɛ, Nebukadnezar nuu nimli nɛ ɔmɛ nyɔguɛ kɛ je Yerusalem kɛ ho Babilonia ya momo: Yuda matsɛ, Yehoyakin, Yehoyakim bi ɔ, Yuda ma nimeli, ga ní tsuli, kɛ sɔli.