Yeremia 22:27 - BAIBLO ALOO NGMAMI KLƆUKLƆU Ɔ

²⁷ Nyɛ hɛ ma ya ja ngɛ lejɛ ɔ, nɛ nyɛ maa suɔ kaa nyɛɛ na zugba nɛ ɔ ekohu; se nyɛ be kpalee kɛ ba hu gblegbleegble.”

Yeremia 22:27 ပူးပေါင်းရင်းမြစ်များ

Yeremia 44:14

Yuda bi nɛ piɛ, nɛ a ho Egipt ya nɛ a ya hi lejɛ ɔ, a ti nɔ ko he be mi jee, nɛ nɔ ko yi be wami nae. Yuda zugba a nɛ a ko suɔ nɛ a ba hi mi ekohu ɔ, a ti nihi bɔɔ kɛkɛ lɛ a maa kpale kɛ ba lejɛ ɔ; pi mɛ tsuo.”

Yeremia 22:11

Yosia binyumu Yoahaz nɛ ba ye e tsɛ se kaa Yuda matsɛ ɔ, bɔ nɛ Yawɛ de ngɛ e he ji nɛ ɔ nɛ: “Nɛ a kɛ lɛ yaa nɛ ɔ, e be kpalee kɛ ba hiɛmɛ nɛ ɔ hu gblegbleegble.

La 86:4

Nyɔmtsɛ, ha nɛ o tsɔlɔ ɔ nɛ na bua jɔmi, ejakaa mo lɛ i faa kue kɛ haa.

Yeremia 22:26

Ma ha nɛ a maa nuu o kɛ o nyɛ nɛ fɔ mo ɔ nyɔguɛ kɛ ya ma ko mi nɛ pi lejɛ ɔ nɛ a fɔ nyɛ ngɛ. Nɛ lejɛ ɔ nyɛ ni enyɔ ɔmɛ tsuo nyɛ ma ya gbo ngɛ.

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 28:4

Yuda matsɛ, Yehoyakin, Yehoyakim bi ɔ, kɛ Yuda ma a tsuo nɛ a nuu mɛ kɛ ho Babilonia ya a, mɛ hu ma kpale mɛ kɛ ba hiɛ ɔ ekohu. Niinɛ, Babilonia matsɛ ɔ he wami ɔ, ma he ngɛ e dɛ. Imi, Yawɛ lɛ i de.’ ”

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Yeremia 22:10

Yuda ma, nyɛ ko fo ya ha Matsɛ Yosia; nyɛ ko ye e gbenɔ ɔ he kɔmɔ. Nyɛɛ wo yana kɛ ha e binyumu Yoahaz mohu; ejakaa nɛ a ngɔ lɛ kɛ yaa nɛ ɔ, e be kpalee kɛ ba hu gblegbleegble; zugba nɛ a fɔ lɛ ngɛ nɔ ɔ, e be nae hu.

Yeremia 22:12

He nɛ a nu lɛ nyɔguɛ kɛ ho ɔ, lejɛ ɔ e ma ya gbo ngɛ; zugba nɛ ɔ lɛɛ e be nae hu gblegbleegble.”