Yeremia 22:24 - BAIBLO ALOO NGMAMI KLƆUKLƆU Ɔ

²⁴ Yawɛ de Matsɛ Yehoyakin, Yuda matsɛ, Yehoyakim bi ɔ ke, “Ligbi abɔ nɛ ye hɛ ngɛ nɛ ɔ, ke mo ji womi nya sɔumi nɔ́ ngɛ ye hiɔ nine nguɛ he po, ma je mo kɛ je lejɛ ɔ,

Yeremia 22:24 ပူးပေါင်းရင်းမြစ်များ

Yeremia 37:1

Babilonia matsɛ, Nebukadnezar wo Zedekia, Yosia bi ɔ Yuda matsɛ ngɛ Yehoyakim bi Yehoyakin nane mi.

Lahi 8:6

Koo suɔ nɔ ko nɔ ko, ja imi pɛ; koo la yo ko yo ko nine mi, ja imi pɛ. Suɔmi ngɛ he wami kaa gbenɔ; akɔnɔ hu nya wa kaa gbeje. E mleɔ kaa la, nɛ e tsoɔ gegeege.

Kronika I, 3:16

Yehoyakim ngɛ binyumuhi enyɔ: Yehoyakin kɛ Zedekia.

Hagai 2:23

Jamɛ a ligbi ɔ, ma ngɔ mo, ye tsɔlɔ Zerubabel, Sheatiel bi ɔ, nɛ ma wo mo tsɛ ngɛ ye biɛ mi. Mo ji nɔ nɛ i je blɔ hla.” Yawɛ Tabohiatsɛ ɔ lɛ de.

Yeremia 22:28

I bi ke, “Anɛ Matsɛ Yehoyakin ba pee kaa buɛ nɛ ywia nɛ a sake ngɔ fɔ he nɛ nɔ ko sume hu lo? Anɛ lɔ ɔ he nɛ a nuu lɛ kɛ e bimɛ ɔmɛ kɛ ho zugba nɛ a ti nɔ ko nɔ ko li ɔ nɔ ya lo?”

Yeremia 22:6

“Yuda matsɛ we ɔ ngɛ fɛu ngɛ ye hɛ mi kaa bɔ nɛ Gilead zugba a, loo Lebanon yo ɔmɛ ngɛ ɔ. Se kɛ̃ ɔ, ma ha lejɛ ɔ maa pee we doku nɛ nɔ ko be mi.

Matsɛmɛ II, 24:12

nɛ Yuda matsɛ, Yehoyakin nyɛ ngɔ lɛ nitsɛ e he, e tsɔli ɔmɛ, e ma nimeli ɔmɛ, kɛ matsɛ we ɔ ní tsuli ɔmɛ ngɔ ha Babilonia matsɛ ɔ. Nebukadnezar yi nɔ jeha nɛ ji kpaanyɔ ɔ mi ɔ, e nu Yehoyakin nyɔguɛ,

Matsɛmɛ II, 24:15

Nebukadnezar ngɔ Yehoyakin, kɛ e nyɛ, e yi ɔmɛ, e tsɔli ɔmɛ, kɛ Yuda ma nimeli ɔmɛ nyɔguɛ kɛ ho Babilon ya.

Kronika II, 36:9

Yehoyakin ye jeha nyɔngma kɛ kpaanyɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ nyɔhiɔ etɛ kɛ ligbi nyɔngma. Lɛ hu e pee yayami kɛ si Yawɛ.

Yesaya 49:16

Yerusalem, hyɛ, i ngma o biɛ ngɛ ye dɛ mi, ye hɛ be o nɔ jee gblegbleegble.

Yeremia 28:4

Yuda matsɛ, Yehoyakin, Yehoyakim bi ɔ, kɛ Yuda ma a tsuo nɛ a nuu mɛ kɛ ho Babilonia ya a, mɛ hu ma kpale mɛ kɛ ba hiɛ ɔ ekohu. Niinɛ, Babilonia matsɛ ɔ he wami ɔ, ma he ngɛ e dɛ. Imi, Yawɛ lɛ i de.’ ”

Yeremia 29:2

Benɛ i ngma womi nɛ ɔ, jamɛ a be ɔ, nimli nɛ ɔmɛ je Yerusalem momo. Mɛ ji Matsɛ Yehoyakin, e nyɛ, matsɛ we ɔ tsɔli ɔmɛ, ma nimeli ɔmɛ nɛ ngɛ Yuda kɛ Yerusalem, ga ní tsuli ɔmɛ, kɛ sɔli ɔmɛ.

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Yeremia 24:1

Yawɛ je nina ko ngɔ tsɔɔ mi be ko. I na kusii enyɔ kɛ a mi ngmɔkɔ nɛ maa si ngɛ Yawɛ we ɔ hɛ mi. Jamɛ a be ɔ mi ɔ, Babilonia matsɛ, Nebukadnezar nuu nimli nɛ ɔmɛ nyɔguɛ kɛ je Yerusalem kɛ ho Babilonia ya momo: Yuda matsɛ, Yehoyakin, Yehoyakim bi ɔ, Yuda ma nimeli, ga ní tsuli, kɛ sɔli.