Yeremia 22:19 - BAIBLO ALOO NGMAMI KLƆUKLƆU Ɔ

¹⁹ A maa pu lɛ kaa bɔ nɛ a puɔ teji; a maa gbla lɛ kɛ ho, nɛ a ma ya sake lɛ kɛ fɔ Yerusalem agbo ɔmɛ a se.”

Yeremia 22:19 ပူးပေါင်းရင်းမြစ်များ

Yeremia 36:30

Lɔ ɔ he ɔ, bɔ nɛ imi Yawɛ, i ngɛ mo, Yuda matsɛ, Yehoyakim dee ji nɛ ɔ nɛ: ‘O nina ko nina ko be Matsɛ David sɛ ɔ nɔ hie gblegbleegble. Ke o gbo ɔ, a ma sake o gbogboe ɔ kɛ fɔ he; piani ɔ, pu maa tsoo lɛ, nɛ nyɔ mi ɔ, kɔɔhiɔ nɛ mi jɔ yluduu maa fia lɛ.

Yeremia 36:6

Se ma suɔ nɛ moo lɛɛ o ya lejɛ ɔ be mi nɛ ni ɔmɛ ngɛ hwɔ hae. Yaa kane womi kpo ɔ, ngɛ lejɛ ɔ nɛ́ ma a tsuo nɛ nu nɔ́ tsuaa nɔ́ nɛ Yawɛ de mi, nɛ imi hu i tsɛ ha mo nɛ o ngma a. Kane womi kpo ɔ ngɛ lejɛ ɔ, konɛ Yuda bi nɛ je a ma amɛ a mi kɛ ba a, mɛ hu a nu.

Yeremia 15:3

Imi Yawɛ, i to kaa haomihi nɛ a nya wa eywiɛ maa ba a nɔ; ni komɛ ma gbo ngɛ ta mi; gbehi ma tsɔtslɔɔ ni komɛ; lohwe pɛlitsɛmɛ maa ye ni komɛ, nɛ ni komɛ lɛɛ pu mi lohwehi maa ye mɛ.

Kronika II, 36:6

Benɛ Yehoyakim ngɛ matsɛ yee ɔ, Babilonia matsɛ, Nebukadnezar hia ta ba tua Yuda, nɛ e nu Yehoyakim kɛ ho Babilonia ya, ngɛ pã mi.

Matsɛmɛ II, 9:35

Se benɛ a ho nɛ́ a ya pu lɛ ɔ, a nɛ e he nɔ́ ko nɔ́ ko; e yi koklodo, kɛ e nanehi, kɛ e ninehi pɛ nɛ a na.

Matsɛmɛ I, 14:10

Enɛ ɔ he je ɔ, i kɛ haomi maa ba o we ɔ nɔ, nɛ ma gbe nyumu tsuaa nyumu ngɛ we ɔ mi, nyɔguɛ jio, odehe jio. Ma kpata o we ɔ hɛ mi; a maa bɛɛ mɛ kɛ ho kaa a bɛɛɔ na fi.

Matsɛmɛ II, 23:36

Yehoyakim ye jeha nyingmi enyɔ kɛ enuɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E nyɛ biɛ ji Zebida. Pedaya nɛ je Ruma a biyo ji lɛ.

Matsɛmɛ II, 24:6

Yehoyakim ba gbo, nɛ e binyumu Yehoyakin ba ye matsɛ ngɛ e se.

Fiɛlɔ 6:3

Ke nɔ ko fɔ bimɛ lafa, nɛ e ye jeha babauu, se e yi je mi ngɔɔmi, nɛ jehanɛ se hu, benɛ e gbo ɔ, a pu we lɛ bɔ nɛ sa a, lɛɛ afani bi nɛ gbo loko a fɔ lɛ ngɛ jamɛatsɛ ɔ he.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Ezekiel 19:8

Lɔ ɔ he ɔ, je ma amɛ tsuo tsɔ lɛ klamahi kɛ bɔle lɛ kɛ kpe. A bli a ya a mi ngɔ pue e nɔ. A tsua muɔ kɛ tsɔ lɛ klama; e nɔ mi, nɛ e du.

Ezekiel 39:5

A ma gbo kɛ pue nga kplanaa a nɔ. Imi, Nyɔmtsɛ Yawɛ lɛ i de.