Yeremia 22:18 - BAIBLO ALOO NGMAMI KLƆUKLƆU Ɔ

¹⁸ Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’

Yeremia 22:18 ပူးပေါင်းရင်းမြစ်များ

Yeremia 16:6

Niatsɛmɛ, kɛ ohiatsɛmɛ tsuo ma gbo ngɛ zugba nɛ ɔ nɔ; se nɔ ko be mɛ pue, nɛ nɔ ko be kɔmɔ yee ha mɛ. Nɔ ko nɔ ko be blɔ jee nɛ e maa plaa e he, loo e maa po huɛ kɛ tsɔɔ kaa e ngɛ kɔmɔ yee.

Matsɛmɛ I, 13:30

E pu lɛ ngɛ lɛ nitsɛ e yɔkɔ mi, nɛ e kɛ e binyumu ɔmɛ ye lɛ kɔmɔ ke, “Ye nyɛmi, due! Ye nyɛmi, due!”

Yeremia 22:10

Yuda ma, nyɛ ko fo ya ha Matsɛ Yosia; nyɛ ko ye e gbenɔ ɔ he kɔmɔ. Nyɛɛ wo yana kɛ ha e binyumu Yoahaz mohu; ejakaa nɛ a ngɔ lɛ kɛ yaa nɛ ɔ, e be kpalee kɛ ba hu gblegbleegble; zugba nɛ a fɔ lɛ ngɛ nɔ ɔ, e be nae hu.

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 34:5

O ma gbo ngɛ tue mi jɔmi mi. Nɛ kaa bɔ nɛ a sã tsopa kɛ e he via kɛ pu o nɛmɛ, nɛ ji matsɛmɛ ɔmɛ nɛ nyɛɛ o hɛ mi ɔ, ja nɔuu a maa sã tsopa kɛ e he via kɛ ha mo. A maa wo yana, nɛ a ma de ke, ‘Nɛnɛ! Due! Due!’ Imi, Yawɛ lɛ i de.”

Kronika II, 35:25

Gbalɔ Yeremia hu po kɔmɔ yemi la ko ngɛ Matsɛ Yosia he. Nɛ kɛ je jamɛ a be ɔ kɛ ba si mwɔnɛ ligbi nɛ ɔ, lali ɔmɛ tsuo, nyumuhi kɛ yihi laa la nɛ ɔ nɛ a kɛ kaiɔ e gbenɔ ɔ. Nɔ́ nɛ ɔ ba plɛ pee kusumi ngɛ Israel. La nɛ ɔ piɛ kɔmɔ yemi asilɛhi nɛ a bua nya a a he.

Samuel II, 1:26

“Ye nyɛmi Yonatan, i ngɛ mo kɔmɔ yee; o suɔ mi saminya! Suɔmi nɛ o je kpo ngɔ ha mi ɔ, e nya wa pe yihi a suɔmi po!

Matsɛmɛ II, 23:6

E je amaga a nɛ a puɛ ngɔ ha yo mawu ɔ nɛ a tsɛɛ Ashera a kɛ je Yawɛ we ɔ, nɛ e ya sã lɛ ngɛ Kidron kɔ̃ ɔ mi ngɛ Yerusalem ma a nya. E wɛɛ jakati ɔ nɛ piɛ ɔ bukɔbukɔ kaa la zu, nɛ e ngɔ kɛ ya fĩa gɔ ɔ mi.

Matsɛmɛ II, 23:36

Yehoyakim ye jeha nyingmi enyɔ kɛ enuɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E nyɛ biɛ ji Zebida. Pedaya nɛ je Ruma a biyo ji lɛ.

Matsɛmɛ II, 24:6

Yehoyakim ba gbo, nɛ e binyumu Yehoyakin ba ye matsɛ ngɛ e se.

Kronika II, 36:5

Yehoyakim ye jeha nyingmi enyɔ kɛ enuɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E pee yayami kɛ si Yawɛ, e Mawu ɔ.

Yeremia 22:12

He nɛ a nu lɛ nyɔguɛ kɛ ho ɔ, lejɛ ɔ e ma ya gbo ngɛ; zugba nɛ ɔ lɛɛ e be nae hu gblegbleegble.”

Kronika I, 3:15

Yosia ngɛ binyumuhi eywiɛ. A biɛhi ngɛ a wami nya ji Yohonam, Yehoyakim, Zedekia, Yoahaz.

Yeremia 21:11

Yawɛ de mi ke ma ngɔ sɛ gbi nɛ ɔ ya ha Yuda matsɛ we ɔ nɛ ji David nina a ke, “Nyɛɛ bu nɔ́ nɛ imi Yawɛ, i ngɛ dee ɔ tue. Nyɛɛ ye dami sane daa ligbi. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Ke nyɛ pee we ja a, yayami nɛ nyɛ ngɛ pee ɔ ma ha nɛ ye mi mi maa wo la wawɛɛ nitsɛ, nɛ nɔ́ ko nɔ́ ko be hie peemi ngɛ he.

Yeremia 36:30

Lɔ ɔ he ɔ, bɔ nɛ imi Yawɛ, i ngɛ mo, Yuda matsɛ, Yehoyakim dee ji nɛ ɔ nɛ: ‘O nina ko nina ko be Matsɛ David sɛ ɔ nɔ hie gblegbleegble. Ke o gbo ɔ, a ma sake o gbogboe ɔ kɛ fɔ he; piani ɔ, pu maa tsoo lɛ, nɛ nyɔ mi ɔ, kɔɔhiɔ nɛ mi jɔ yluduu maa fia lɛ.