Yeremia 22:17 - BAIBLO ALOO NGMAMI KLƆUKLƆU Ɔ

¹⁷ Se moo lɛɛ o susumi pɛ ji bɔ nɛ o maa pee kɛ sisi nihi nɛ o kpɔ a níhi yaka. O pueɔ nihi nɛ pee we nɔ́ ko a muɔ si; o yeɔ o ma a amimi, nɛ o waa mɛ yi mi. Yawɛ lɛ de.

Yeremia 22:17 ပူးပေါင်းရင်းမြစ်များ

2 Petro 2:14

A hɛngmɛ hyɛ we nɔ́ kpa ko kaa ja yihi yaholi pɛ. Pɔ tɔɛ mɛ kɛ yayami peemi. A sisiɔ nihi nɛ gbɔjɔ, nɛ a naa a he blɔ. A kase jiklɔɔ peemi, nɛ a le saminya. Mawu gbiɛ mɛ pɛ!

Ezekiel 19:6

Benɛ e ba wa a, e kɛ jata kpa amɛ nyɛɛɔ kɛ yaa kɛ baa. Lɛ hu e ba kase de, nɛ nimlihi tete po e nuɔ nɛ e yeɔ.

Yeremia 22:3

‘Imi Yawɛ, i wo nyɛ mlaa ke nyɛɛ ye dami sane, nɛ nyɛɛ pee nɔ́ nɛ da. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Nyɛ ko wa nibwɔhi, awusahi, kɛ yalɔyihi yi mi; nɛ nyɛ ko pue nɔ nɛ pee we nɔ́ ko ɔ muɔ si ngɛ he klɔuklɔu nɛ ɔ.

Matsɛmɛ II, 24:4

titli ɔ, kaa e pue nihi babauu nɛ pee we nɔ́ yayami ko a muɔ si ngɛ Yerusalem. Yawɛ kɛ nɔ́ nɛ Manase pee nɛ ɔ pɛ́ lɛ.

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

La 10:3

Yayami peelɔ fĩaa kɛ fɔɔ níhi nɛ e tsui suɔ a nɔ. Nɔmlɔ nɛ hɛ kɔɔ nɔ́ nɔ ɔ, e gbiɛɛ Yawɛ, nɛ e kuaa lɛ.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.

Kolosebi 3:5

Lɔ ɔ he ɔ, je nɛ ɔ mi akɔnɔ níhi nɛ haoɔ nyɛ, yo kɛ nyumu yakayaka fiɛmi, mu ní tsumi, mi mi la, akɔnɔ yaya, kɛ hɛ tsumi nɛ ngɛ kaa amaga jami ɔ, nyɛɛ gbe.

1 Korintobi 6:10

loo juli, loo hɛ tsuli, loo dã tɔli, loo nihi a biɛ puɛli, loo ojo fiali a nine be Mawu matsɛ yemi ɔ nɔ sue kɔkɔɔkɔ.

Romabi 1:29

A peeɔ yi wu tso ní, kɛ yayami slɔɔtoslɔɔtohi. A jeɔ hunga, a pueɔ muɔ si, a pɛɔ, a sisiɔ nɔ, nɛ a toɔ a sibi a he ga yaya;

Zefania 3:3

Tsɔli ɔmɛ ngɛ kaa jatahi nɛ ngɛ huãe. Kojoli ɔmɛ hu ngɛ kaa ogbeteehi nɛ hwɔ gbe mɛ; gbɔkuɛ ɔ, a yeɔ ní tsuatsuaatsua, nɛ ke je na a, a si we nɔ́ ko nɔ́ ko.

Hiob 31:7

Ke i je blɔ kpakpa a nɔ kɛ ya nyɛɛ níhi nɛ ye tsui suɔ a se, nɛ i kɛ nɔ́ nɛ ɔ peemi ble ye he ɔ,

Kronika II, 36:8

Yehoyakim he sane kpahi, musu nɛ e bɔ, kɛ yayami nɛ e pee ɔ, a ngma ngɛ Israel kɛ Yuda Matsɛmɛ ɔmɛ a Blema Sanehi Womi ɔ mi. Yehoyakim bi Yehoyakin ba ye matsɛ ngɛ e se.

Matsɛmɛ I, 21:19

De lɛ ke imi Yawɛ, i ngɛ lɛ bie ke, ‘Nɛ o gbe nyumu ɔ, o ma pa ngɔ e weto ní ɔ kɛ pee o nɔ lo?’ De lɛ ke bɔ nɛ i de ji nɛ ɔ nɛ: ‘He nɛ gbe ɔmɛ lɔ Nabot muɔ ngɛ ɔ, lejɛ ɔ nɔuu a ma lɔ mo hu o muɔ ngɛ!’ ”

Yoshua 7:21

i na Babilonia bo kpakpa ko, kɛ sika hiɔ kilo enyɔ, kɛ sika tsu kpɔ kake nɛ ngmɛɛ kilo fa ngɛ ta yibu ní ɔmɛ a mi; ye hɛ kɔ ní ɔmɛ a nɔ, nɛ i muɔ mɛ. I pu mɛ ngɛ ye bo tsu ɔ mi, nɛ sika hiɔ ɔ ngɛ ní ɔmɛ a sisi.”

Mose II, 18:21

Se ngɛ enɛ ɔmɛ a se ɔ, o kɛ o hɛngmɛ nɛ wo ma a mi nɛ o hla nihi nɛ a nine si wa kɛ ní tsumi, nihi nɛ ye ɔ Mawu gbeye, nihi nɛ yeɔ anɔkuale, nɛ a sume nyɔ mi ní. Ngɔɔ kikɛmɛ a nimli ngɔ to ma a nya. Ni komɛ nɛ a hyɛ nimli nyɔngma nɔ; ni komɛ nɛ a hyɛ nimli nyingmi enuɔ nɔ; ni komɛ nɛ a hyɛ nimli lafa nɔ, konɛ ni komɛ hu nɛ a hyɛ nimli akpe nɔ.

Abɛ Womi 24:2

Basabasa peemi kɛkɛ ji nɔ́ nɛ a suɔ; nɛ munyu yaya nɛ jeɔ a nya mi.

Yesaya 56:11

A ngɛ kaa gbehi nɛ li tɔ biɛ! Ma nɔ yeli nɛ ɔmɛ be juɛmi kokooko! Nɔ tsuaa nɔ peeɔ nɔ́ nɛ e suɔ; mɛ nitsɛmɛ a se nami pɛ a hlaa.

Yeremia 6:6

Yawɛ Tabohiatsɛ ɔ fa matsɛmɛ nɛ ɔmɛ nɛ a po tso kɛ pee kpoku kɛ bɔle Yerusalem kɛ kpe, nɛ a sa ma a yi. Yawɛ de to ke, “Ma gbla ma nɛ ɔ tue, ejakaa amimi sɔuu lɛ a ngɛ yee ngɛ ma a mi.

Yeremia 6:13

Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 8:10

Lɔ ɔ he ɔ, ma ngɔ a ngmɔ ɔmɛ kɛ ha ni nɛmɛ nɛ ma ba ye a nɔ ɔ; a yi ɔmɛ hu i kɛ ma ha nyumu kpahi. Kɛ je nimli wawihi a nɔ kɛ ya si nimli nguahi a nɔ ɔ, nɔ tsuaa nɔ hɛ dɔ kɛ ngɛ nɔ sisie nɛ e kɛ na ní. Gbali kɛ osɔfohi po ngɛ nɔ sisie.

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Ezekiel 18:12

e waa ohiatsɛmɛ kɛ dɛgutsɛmɛ yi mi, e fiaa nihi ojo, e kpale we nɔ́ nɛ a kɛ ba to awaba kɛ ha we nɔtsɛ, e jaa amagahi, e peeɔ ní hiemi níhi,

Mika 2:2

A hɛ kɔɔ nihi a zugbahi a nɔ, nɛ a kpɔɔ zugba amɛ pani nya; ke we ko nɛ muɔ a hɛ hu, a ngɔɔ faa. A kpɔɔ nihi a wehi ngɛ a dɛ, nɛ a juɔ a weto níhi.

Mika 3:10

Mawu ma, Yerusalem ɔ nɛ nyɛ ngɛ mae ɔ, muɔ si puemi kɛ yayami peemi lɛ nyɛ kɛ fia.

Samuel I, 8:3

Mɛɛ a be kaa a tsɛ ɔ; mɛɛ a ya di sika se, nɛ a heɔ nyɔ mi ní, nɛ a plɛɔ sane hɛ mi ngɔ buɔ si.

Matsɛmɛ II, 23:37

Yehoyakim ya wo e nɛmɛ ɔmɛ a nane, nɛ e pee yayami kɛ si Yawɛ.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Yeremia 19:4

Ma pee kikɛmɛ a nɔ́ nɛ ɔ, ejakaa ma a kua mi, nɛ a sã bɔhi kɛ ha mawu kpahi, nɛ a kɛ ble hiɛ ɔ. Kikɛmɛ a mawu nɛ ɔmɛ ɔ, nihi nɛ ngɛ zugba a nɔ amlɔ nɛ ɔ jio, a nɛmɛ ɔmɛ jio, Yuda matsɛmɛ ɔmɛ jio, a ti nɔ ko nɔ ko ja we hyɛ. A pue nihi babauu nɛ pee we nɔ́ ko a muɔ si ngɛ hiɛmɛ nɛ ɔ,

Ezekiel 19:7

E ku a mɔ ɔmɛ, nɛ e kpata a ma amɛ a hɛ mi. Ke e wo gbi kikɛ nɛ ɔ, sawale nuɔ nɔ tsuaa nɔ ngɛ zugba a nɔ.

Ezekiel 19:9

A ngɔ gbowehi kɛ gbla lɛ kɛ wo daka ko mi, nɛ a kɛ lɛ ya ha Babilonia matsɛ ɔ. A wo lɛ tsu ngɛ mɔ ɔ mi, konɛ a ko nu e gbi ngɛ Israel yo ɔmɛ a nɔ hu.

Ezekiel 22:6

Israel ganɔ ɔmɛ a ti nɔ tsuaa nɔ ngɔ e hɛ ngɔ fɔ lɛ nitsɛ e he wami nɔ; a pueɔ muɔ si bɔ nɛ a suɔ.