Yeremia 22:15 - BAIBLO ALOO NGMAMI KLƆUKLƆU Ɔ

¹⁵ Ke o ngɔ seda kɛ po we saminyayoo nɛ ngɛ fɛu pe ni kpahi a wehi ɔ, anɛ lɔ ɔ peeɔ mo matsɛ slɔɔto ko lo? O tsɛ hi si saminya, nɛ nɔ́ tsuaa nɔ́ hi ha lɛ; e ye je mi ngɔɔmi nɛ e fiɛ e yi nɔ bɔ nɛ sa. Ejakaa e ye dami sane ngɛ nɔ́ tsuaa nɔ́ mi.

Yeremia 22:15 ပူးပေါင်းရင်းမြစ်များ

Matsɛmɛ II, 23:25

Bɔ nɛ Yosia sɔmɔ Yawɛ kɛ e tsui tsuo, kɛ e klaa tsuo, kɛ e he wami tsuo, nɛ e ye Mose mlaa amɛ tsuo a nɔ ɔ, matsɛmɛ ɔmɛ nɛ sɛ e hlami, kɛ ni nɛmɛ nɛ nyɛɛ e se ɔ, a ti nɔ ko kɛ lɛ sɔɛ.

Yesaya 3:10

Nihi nɛ peeɔ nɔ́ nɛ da a, a bua maa jɔ, nɛ a nɔ́ tsuaa nɔ́ maa ya nɔ saminya. A maa ye a dengme gbomi mi ngɔɔmi.

Fiɛlɔ 10:17

A gbaa ma nɛ a matsɛ ɔ ngɔɔ lɛ nitsɛ e juɛmi kɛ tsuɔ ní, nɛ ganɔ ɔmɛ yeɔ ní bɔ nɛ sa ngɛ be nɔ, konɛ a nimli tso ɔmɛ nɛ a na he wami; se pi kaa a maa tɔ dã.

Abɛ Womi 25:5

Ke a je nimli yayamihi kɛ je matsɛ ga woli a kpɛti ɔ, dami sane yemi yaa nɔ saminya ngɛ matsɛ ɔ nɔ yemi he ɔ.

Abɛ Womi 29:4

Matsɛ nɛ yeɔ dami sane ɔ, e ma a yaa nɔ saminya; se nɔ nɛ heɔ nike ní pani nya ngɛ e ma mi bi a dɛ ɔ, e ywiaa ma a.

Matsɛmɛ II, 22:2

Yosia ní peemi níhi sa Yawɛ hɛ mi. E ya wo e nɛ̃ David nane ngɛ nɔ́ tsuaa nɔ́ peemi mi, nɛ e ye Mawu mlaa amɛ tsuo a nɔ sisiisi.

Yeremia 42:6

Wa suɔ jio, wa sume jio, wa maa bu Yawɛ, wa Mawu ɔ nɛ wa tsɔ mo e ngɔ ɔ tue, bɔ nɛ pee nɛ e hi ha wɔ. Yawɛ, wa Mawu ɔ, wa maa bu lɛ tue.”

Abɛ Womi 21:3

Pee nɔ́ nɛ sa, kɛ nɔ́ nɛ da; lɔ ɔ saa Yawɛ hɛ mi pe nɔ nɛ a maa sã bɔ ha lɛ.

Matsɛmɛ I, 10:9

Yawɛ, o Mawu ɔ nɛ ná o he bua jɔmi, nɛ e wo mo Israel nɔ matsɛ ɔ, a je e yi. Akɛnɛ suɔmi nɛ Yawɛ suɔ Israel ɔ ngɛ kɛ yaa neneene he je ɔ, e wo mo tsɛ, konɛ o kojo, nɛ o ye dami sane.”

Samuel II, 8:15

David ye Israel ma a tsuo nɔ matsɛ; e ye dami sane kɛ ha nɔ tsuaa nɔ.

1 Korintobi 10:31

Lɔ ɔ he ɔ, nɔ́ tsuaa nɔ́ nɛ nyɛ ngɛ pee ɔ, ní nyɛ ngɛ yee jio, ní nyɛ ngɛ nue jio, nyɛɛ pee lɛ tsuo kɛ wo Mawu hɛ mi nyami.

Ni Tsumi 2:46

Daa ligbi ɔ, a ya kpee ngɛ sɔlemi we ɔ, nɛ a buaa a he nya kɛ ya kuɔ abolo ngɛ a sibi a we mi, nɛ a kɛ bua jɔmi nɛ je tsui mi faa yeɔ ní.

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Yeremia 23:5

Yawɛ ke, “Be ma nɛ ma hla dalɔ ko kɛ je David nina a a kpɛti nɛ e ba ye matsɛ. Matsɛ nɛ ɔ maa ye dami sane, nɛ e maa pee nɔ́ nɛ da ngɛ zugba a nɔ tsuo.

Yeremia 22:18

Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’

Yeremia 22:3

‘Imi Yawɛ, i wo nyɛ mlaa ke nyɛɛ ye dami sane, nɛ nyɛɛ pee nɔ́ nɛ da. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Nyɛ ko wa nibwɔhi, awusahi, kɛ yalɔyihi yi mi; nɛ nyɛ ko pue nɔ nɛ pee we nɔ́ ko ɔ muɔ si ngɛ he klɔuklɔu nɛ ɔ.

Yesaya 33:16

Jamɛatsɛ ɔ ma ná he jɔmi kaa nɔ ko nɛ ngɛ mɔ nɛ he wa saminya mi. E ma na ní maa ye, nɛ e ma na nyu maa nu.

Yesaya 9:7

E nɔ yemi ɔ ma he si, nɛ e maa bɔ; ma a ma na tue mi jɔmi daa, ejakaa e maa ye tsɛ kaa Matsɛ David nitsɛ se yelɔ. E maa pee kpakpa, nɛ e maa ye dami sane, kɛ maa je be nɛ ɔ mi kɛ yaa su je mi nyagbe. Yawɛ Tabohiatsɛ ɔ kɛ hɛdɔ ma tsu ní nɛ ɔmɛ tsuo.

Fiɛlɔ 2:24

Lɛɛ nɔ́ nɛ sa adesa peemi ji kaa e ye ní, nɛ e nu ní, nɛ e na bua jɔmi kɛ je e dengme gbomi ɔ mi. Se kɛ̃ ɔ, i na kaa enɛ ɔ hu je Mawu ngɔ.

Abɛ Womi 31:9

Tu munyu kɛ fa a he; ye dami sane. Hyɛ nɔ́ nali, kɛ dɛgutsɛmɛ a nɔ saminya.”

Abɛ Womi 20:28

Matsɛ nɛ naa mɔbɔ, nɛ e yeɔ anɔkuale ɔ, e naa tue mi jɔmi, nɛ e tsɛ yemi ɔ hu yaa nɔ saminya.

Kronika II, 34:2

E pee Yawɛ suɔmi nya ní; e ya wo e nɛ̃ David nane, nɛ e ye Mawu mlaa amɛ tsuo a nɔ sisiisi.

Kronika I, 3:15

Yosia ngɛ binyumuhi eywiɛ. A biɛhi ngɛ a wami nya ji Yohonam, Yehoyakim, Zedekia, Yoahaz.

Mose V, 4:40

Nyɛɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ, konɛ e hi ha nyɛɛ kɛ nyɛ nina. Ke nyɛ ye a nɔ ɔ, nyɛ maa hi zugba nɛ Yawɛ, nyɛ Mawu ɔ kɛ ngɛ nyɛ hae ɔ nɔ daa.”

Yeremia 7:5

“Nyɛ tsake nyɛ je mi babɛ; kɛ nyɛ ní peepee. Nyɛɛ kɛ nyɛ nyɛmimɛ nɛ hi si saminya.

Kronika II, 35:22

Se Yosia to e yi mi momo kaa e kɛ lɛ maa hwu. Nɔ́ nɛ Mawu ngɛ lɛ dee kɛ gu Matsɛ Neko nɔ ɔ, e bui fɛɛ; mohu ɔ, e tsake e he nɛ e ya gba ta kɛ ho Megido nga kplanaa a nɔ ya.

Kronika II, 35:26

Níhi tsuo nɛ Yosia pee, bɔ nɛ e sɔmɔ Yawɛ kɛ e tsui tsuo, bɔ nɛ e ye mlaa a nɔ,