Yeremia 22:14 - BAIBLO ALOO NGMAMI KLƆUKLƆU Ɔ

¹⁴ Nɔmlɔ nɛ deɔ ke, “Ma ma mɔ nguaa kɛ e mi hiɔwe tsu agboagbohi”; kɛkɛ nɛ e jeɔ saflɛhi ngɛ tsu ɔmɛ a mi, nɛ e kaa seda tso kɛ woɔ gbogbo ɔmɛ a he, nɛ e saa we ɔ he tsopa tsu saminyayoo ɔ, musu tloo lɛ!

Yeremia 22:14 ပူးပေါင်းရင်းမြစ်များ

Samuel II, 7:2

David de gbalɔ Natan ke, “Hyɛ kaa imi lɛɛ i ngɛ we nɛ a ma kɛ seda mi, be mi nɛ Mawu somi daka a lɛɛ bo tsu mi lɛ e ngɛ!”

Hagai 1:4

“Ye ma, anɛ e sa kaa nyɛɛ hi wehi nɛ a ma saminyawiiwi a mi, be mi nɛ imi nitsɛ ye we ɔ ku kɛ pueɔ si lo?

Malaki 1:4

Ke Esau nina Edom bi ma de ke, “A ywia wa ma amɛ lɛɛ, se wa maa ma mɛ ekohu” ɔ, Yawɛ Tabohiatsɛ ɔ ma he nɔ ke, “Ha nɛ a dla nɛ a ma; ke a ma a, ma ku ngɔ pue si ekohu kɛ yaa si a maa wo mɛ biɛ ke ‘Zugba nɛ a peeɔ yi wu tso ní ngɛ nɔ, kɛ ma nɛ Yawɛ mi mi fu mɛ kɛ yaa neneene.’ ”

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Yesaya 9:9

Israel bi tsuo nɛ ngɛ Samaria ma a mi ɔ, a ti nɔ tsuaa nɔ ma na maa le kaa lɛ nɛ e tsu nɔ́ nɛ ɔ nɛ. Amlɔ nɛ ɔ lɛɛ, a ngɛ a he nɔ woe; a ngɛ pupuupu pee. A ngɛ dee ke,

Lahi 1:17

he nɛ seda tso ngua amɛ ngɛ ɔ; nɛ sɛsɛo tso ɔmɛ maa ha wa yi nɔ.

Abɛ Womi 24:27

Ke o maa po we ɔ, hu o ngmɔ ɔ kekle, nɛ o na nɔ́ ko kɛ je mi kɛ to, loko o po we ɔ.

Abɛ Womi 17:19

Nɔ nɛ suɔ nɛ e tɔ̃ nɔ nɔ be tsuaa be ɔ, pɛ wolɔ ji lɛ; nɛ nɔ nɛ fĩaa hu, hɛ mi kpatami e ngɛ hlae ɔ nɛ.

Kronika II, 3:5

A ka seda tso kɛ wo gbogbo ɔmɛ a he ngɛ tsu nguaa a mi; a kɛ sika tsu ngmingmiingmi ha he, nɛ a tɛni tãhi kɛ kɔsɔkɔsɔhi kɛ wo mi.

Ezekiel 23:14

“Oholiba yahomi ɔ nya wa nɛ e hí nɔ́ ko nɔ́ ko peemi. Benɛ e na Babilonia ma ní tsuli a foni nɛ a tɛni ngɛ gbogbo he, bɔ nɛ a ngɔ nɔ́ tsu kɛ pee, nɛ mlɛ mi fimi níhi ngɛ a mlɛ mi, kɛ yi fimi duku gagaaga saminyawiiwi ngɛ a yi mi ɔ, e pee lɛ fɛu tsɔ.

Amos 6:8

Yawɛ Tabohiatsɛ Mawu ɔ ka e he kita ke, “Israel bi ɔmɛ a he nɔ womi ɔ, i hiee; a mɔ nguangua amɛ hu, i sume. Ma ngɔ a matsɛ ma a, kɛ e mi níhi tsuo kɛ ha a he nyɛli.”