Yeremia 22:13 - BAIBLO ALOO NGMAMI KLƆUKLƆU Ɔ

¹³ Nɔmlɔ nɛ guu blɔ nɛ dɛ nɔ nɛ e kɛ poo we, nɔ nɛ kɛ nɔ sisimi maa mɔ, nɔ nɛ haa nɛ e nyɛmi sɔmɔɔ lɛ yaka nɛ e wui lɛ hiɔ ɔ, musu tloo lɛ!

Yeremia 22:13 ပူးပေါင်းရင်းမြစ်များ

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Mika 3:10

Mawu ma, Yerusalem ɔ nɛ nyɛ ngɛ mae ɔ, muɔ si puemi kɛ yayami peemi lɛ nyɛ kɛ fia.

Mose III, 19:13

“Koo fia o nyɛmi ojo, nɛ koo ju e nɔ́ ko hulɔ. Ke o ya bɔ nɔ ko apaa ke e ba tsu ní ha mo ɔ, wo lɛ hiɔ loko je nɛ na nɔ.

Malaki 3:5

Yawɛ Tabohiatsɛ ɔ ke, “Ma ba nyɛ ngɔ nɛ ma ba kojo, nɛ ma gbla nimli nɛ ɔmɛ a tue amlɔ: kunya yeli, gba puɛli, lakpa odase yeli, nihi nɛ sisiɔ ní tsuli nɛ a wui mɛ hiɔ susui, kɛ ni nɛmɛ nɛ waa yalɔyihi, awusahi, kɛ nibwɔhi yi mi. Ee, ma gbla nɔ tsuaa nɔ nɛ bui mi ɔ tue.” Yawɛ Tabohiatsɛ ɔ lɛ de.

Yeremia 22:18

Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’

Kronika II, 36:4

Neko wo Yehoahaz nyɛminyumu Eliakim matsɛ ngɛ Yuda ma a nɔ, nɛ e tsake e biɛ Eliakim ɔ kɛ pee Yehoyakim. Se e nyɛmi Yehoahaz ɔ lɛɛ Neko ngɔ lɛ kɛ ho Egipt ya.

Kronika II, 36:5

Yehoyakim ye jeha nyingmi enyɔ kɛ enuɔ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ jeha nyɔngma kɛ kake. E pee yayami kɛ si Yawɛ, e Mawu ɔ.

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yeremia 17:11

Nɔ nɛ náá ní ngɛ blɔ nɛ dɛ nɔ ɔ, e ngɛ kaa bebee nɛ ya bu hlui nɔ nɛ e pɛ bi, nɛ pohu pi lɛ nɛ ngmɛ hlui ɔ. E nihe mi ɔ, e dɛ mi ma ba ta; nɛ e nyagbe be mi ɔ, e ma ba pee kuasia.

Mose V, 15:13

Se ke o ngmɛɛ e he ɔ, ko ha nɛ e ya dɛ gu.

Hiob 31:39

kaa i ye zugba a nɔ niba ní yaka nɛ i wui he hiɔ, aloo kaa i gbe zugbatsɛmɛ ɔmɛ, konɛ ye nine nɛ su a zugba amɛ a nɔ ɔ,

Habakuk 2:12

Mo nɛ o pee yayami kɛ to ma sisi, nɛ o pue muɔ si kɛ fia gbogbo ɔ, musu tloo mo!