Yeremia 22:11 - BAIBLO ALOO NGMAMI KLƆUKLƆU Ɔ

¹¹ Yosia binyumu Yoahaz nɛ ba ye e tsɛ se kaa Yuda matsɛ ɔ, bɔ nɛ Yawɛ de ngɛ e he ji nɛ ɔ nɛ: “Nɛ a kɛ lɛ yaa nɛ ɔ, e be kpalee kɛ ba hiɛmɛ nɛ ɔ hu gblegbleegble.

Yeremia 22:11 ပူးပေါင်းရင်းမြစ်များ

Kronika I, 3:15

Yosia ngɛ binyumuhi eywiɛ. A biɛhi ngɛ a wami nya ji Yohonam, Yehoyakim, Zedekia, Yoahaz.

Matsɛmɛ II, 23:34

Matsɛ Neko wo Yosia binyumu Eliakim matsɛ ngɛ Yosia nane mi, nɛ e tsake e biɛ kɛ pee Yehoyakim. Matsɛ Neko ngɔ Yoahaz kɛ ho Egipt ya, nɛ e ya gbo ngɛ lejɛ ɔ.

Kronika II, 34:22

Kɛkɛ nɛ Hilkia, kɛ nihi nɛ matsɛ ɔ tsɔ ɔ pue nɔ kɛ ho nɛ a ya bi gbalɔyo ɔ nɛ a tsɛɛ lɛ Hulda a ní ngɛ Yerusalem ma he ɔ mi he nɛ e hii ɔ. Hulda huno ji Tikva bi Shalum, Harhas bibi ɔ; nɛ Shalum nɛ ɔ ji nɔ nɛ hyɛɛ tadehi a nɔ ngɛ Yawɛ we ɔ. Osɔfo Hilkia kɛ tsɔli ɔmɛ ngɔ matsɛ ɔ sɛ gbi ɔ ya ha gbalɔyo ɔ.

Kronika II, 28:12

Efraim nikɔtɔma eywiɛ komɛ hu nɔ́ nɛ ta buli ɔmɛ pee ɔ ngɔɛ a nya. Mɛ ji Yehohanan binyumu Azaria, Meshilemot binyumu Berekia, Shalum binyumu Yehizkia, kɛ Hadlai binyumu Amasa.

Matsɛmɛ II, 23:31

Yoahaz ye jeha nyingmi enyɔ kɛ etɛ benɛ e bɔni tsɛ yemi ngɛ Yuda ma a nɔ. E hi Yerusalem kɛ ye matsɛ nyɔhiɔ etɛ. E nyɛ biɛ ji Hamutal. Yeremia nɛ je Libna a biyo ji lɛ.

Matsɛmɛ II, 23:30

E tsɔli ɔmɛ kɛ e gbogboe ɔ wo ta zugba lɛ mi, nɛ a ya pu lɛ ngɛ matsɛmɛ ɔmɛ a yɔkɔ ɔ mi ngɛ Yerusalem. Lɔ ɔ se ɔ, Yuda ma a hla Yosia binyumu Yoahaz, nɛ a pɔ lɛ nu nɛ a wo lɛ matsɛ ngɛ e tsɛ ɔ se.

Zefania 1:1

Sɛ gbi nɛ Yawɛ ngɔ kɛ ha Zefania, be mi nɛ Amon bi Yosia ngɛ matsɛ yee ngɛ Yuda ma a nɔ ji nɛ ɔ nɛ. Zefania tsɛ ji Kush, nɛ e nɛmɛ ji Gedalia, Amaria, kɛ Hezekia.

Matsɛmɛ II, 23:29

Benɛ Yosia ngɛ tsɛ yee ɔ, Egipt matsɛ, Neko hia ta ya je ngmlaa ha Asiria matsɛ ngɛ Yufrate pa a nya. Matsɛ Yosia hia ta nɛ e kɛ Egipt bi ɔmɛ ya bua ngɛ Megido; nɛ e ba mi kaa Matsɛ Neko gbe lɛ ngɛ ta mi ngɛ lejɛ ɔ.

Yeremia 22:27

Nyɛ hɛ ma ya ja ngɛ lejɛ ɔ, nɛ nyɛ maa suɔ kaa nyɛɛ na zugba nɛ ɔ ekohu; se nyɛ be kpalee kɛ ba hu gblegbleegble.”