Yeremia 22:10 - BAIBLO ALOO NGMAMI KLƆUKLƆU Ɔ

¹⁰ Yuda ma, nyɛ ko fo ya ha Matsɛ Yosia; nyɛ ko ye e gbenɔ ɔ he kɔmɔ. Nyɛɛ wo yana kɛ ha e binyumu Yoahaz mohu; ejakaa nɛ a ngɔ lɛ kɛ yaa nɛ ɔ, e be kpalee kɛ ba hu gblegbleegble; zugba nɛ a fɔ lɛ ngɛ nɔ ɔ, e be nae hu.

Yeremia 22:10 ပူးပေါင်းရင်းမြစ်များ

Yeremia 22:11

Yosia binyumu Yoahaz nɛ ba ye e tsɛ se kaa Yuda matsɛ ɔ, bɔ nɛ Yawɛ de ngɛ e he ji nɛ ɔ nɛ: “Nɛ a kɛ lɛ yaa nɛ ɔ, e be kpalee kɛ ba hiɛmɛ nɛ ɔ hu gblegbleegble.

Fiɛlɔ 4:2

I susu kaa nihi nɛ gbo ɔ, a nɔ́ hi pe ni nɛmɛ nɛ a hɛ ngɛ ɔ.

Kɔmɔ Yemi 4:9

Nihi nɛ a kɛ klaate gbe mɛ ɔ, a nɔ́ hi kulaa pe nihi nɛ hwɔ gbe mɛ ɔ; sekpɛtsɛmɛ ɔmɛ lɛɛ hwɔ ye mɛ bluu kɛ ya si hwɔ ɔ gbe mɛ kakaaka.

Yesaya 57:1

Ke nɔmlɔ kpakpa gbo ɔ, nɔ ko nɔ ko susuu we he, nɛ nɔ ko nɔ ko nui sisi hulɔ kaa yayami nɛ maa ba a nya Mawu ngɛ dalɔ ɔ jee kɛ je, bɔ nɛ pee nɛ ayimayi ko kó ba ye lɛ hwɔɔ se.

Matsɛmɛ II, 22:20

Lɔ ɔ he ɔ, tue gblami nɛ i kɛ maa ba Yerusalem nɔ ɔ, moo lɛɛ o be nae kɛ o hɛngmɛ; ma ha nɛ o ma gbo, nɛ a maa pu mo ngɛ he jɔmi mi loko tue gblami nɛ ɔ maa ba.” Tsɔli ɔmɛ kpale a se, nɛ a kɛ sɛ gbi nɛ ɔ ya ha Matsɛ Yosia.

Luka 23:28

Se Yesu plɛ e hɛ mi kɛ kpee mɛ, nɛ e de mɛ ke, “Yerusalem yihi! Nyɛ ko fo ya ha mi; se mohu nyɛ fo ya ha nyɛ nitsɛmɛ nyɛ he, kɛ nyɛ bimɛ.

Yeremia 22:18

Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’

Kronika II, 36:4

Neko wo Yehoahaz nyɛminyumu Eliakim matsɛ ngɛ Yuda ma a nɔ, nɛ e tsake e biɛ Eliakim ɔ kɛ pee Yehoyakim. Se e nyɛmi Yehoahaz ɔ lɛɛ Neko ngɔ lɛ kɛ ho Egipt ya.

Yeremia 16:7

Ke nɔ ko suɔlɔ gbo ɔ, nɔ ko nɔ ko kɛ lɛ be ní yee, nɛ nɔ ko nɔ ko kɛ lɛ be ní nue kɛ wo lɛ bua. Ke nɔ ko tsɛ, loo e nyɛ tete po gbo ɔ, nɔ ko nɔ ko be kɔmɔ yee ha lɛ.

Yeremia 25:27

Jehanɛ, Yawɛ de mi ke, “De ma a ke imi Yawɛ Tabohiatsɛ, Israel Mawu ɔ, i ngɛ mɛ fae ke nɔ tsuaa nɔ nɛ nu nɔ́ nɛ ngɛ kplu ɔ mi ɔ kɛ yaa si e maa tɔ dã, nɛ e maa vie, kɛ yaa si e maa nɔ si nɛ e be nyɛe maa te si hu; ejakaa i tsɔ ta nɛ nya wa wawɛɛ nitsɛ kɛ ma a ngɔ.

Yeremia 28:4

Yuda matsɛ, Yehoyakin, Yehoyakim bi ɔ, kɛ Yuda ma a tsuo nɛ a nuu mɛ kɛ ho Babilonia ya a, mɛ hu ma kpale mɛ kɛ ba hiɛ ɔ ekohu. Niinɛ, Babilonia matsɛ ɔ he wami ɔ, ma he ngɛ e dɛ. Imi, Yawɛ lɛ i de.’ ”

Yeremia 42:18

“Yawɛ Tabohiatsɛ, Israel Mawu ɔ ke, ‘Bɔ nɛ i ngɔ ye mi mi la nɛ nya wa a kɛ kple Yerusalem ma mi bi ɔmɛ a nɔ ɔ, ja pɛ ma pee nyɛ ke nyɛ je kɛ ho Egipt ya. Nyɛ ma plɛ pee kita kami nɔ́, gbeye nɔ́, gbiɛmi nɔ́, kɛ ahlua nɔ́. Nyɛ be hiɛmɛ nɛ ɔ nae hu.’ ”

Yeremia 44:14

Yuda bi nɛ piɛ, nɛ a ho Egipt ya nɛ a ya hi lejɛ ɔ, a ti nɔ ko he be mi jee, nɛ nɔ ko yi be wami nae. Yuda zugba a nɛ a ko suɔ nɛ a ba hi mi ekohu ɔ, a ti nihi bɔɔ kɛkɛ lɛ a maa kpale kɛ ba lejɛ ɔ; pi mɛ tsuo.”

Ezekiel 24:16

E ke, “Nɔmlɔ adesa, tlukaa a, ma ha gbenɔ hiɔ ma ba fia o suɔlɔ pe kulaa a, nɛ e ma gbo. Ke e ba mi ja a, koo ye kɔmɔ; ko fo ya, nɛ koo nga vo nyu hulɔ.

Matsɛmɛ II, 23:29

Benɛ Yosia ngɛ tsɛ yee ɔ, Egipt matsɛ, Neko hia ta ya je ngmlaa ha Asiria matsɛ ngɛ Yufrate pa a nya. Matsɛ Yosia hia ta nɛ e kɛ Egipt bi ɔmɛ ya bua ngɛ Megido; nɛ e ba mi kaa Matsɛ Neko gbe lɛ ngɛ ta mi ngɛ lejɛ ɔ.

Yeremia 22:27

Nyɛ hɛ ma ya ja ngɛ lejɛ ɔ, nɛ nyɛ maa suɔ kaa nyɛɛ na zugba nɛ ɔ ekohu; se nyɛ be kpalee kɛ ba hu gblegbleegble.”