Yeremia 21:9 - BAIBLO ALOO NGMAMI KLƆUKLƆU Ɔ

⁹ Nɔ tsuaa nɔ nɛ maa hi ma nɛ ɔ mi ɔ, e yi maa ta; ta, loo hwɔ, loo gbenɔ hiɔ maa gbe lɛ. Se nɔ tsuaa nɔ nɛ maa je ma a mi kɛ ya Babilonia bi nɛ ba sa ma a yi ɔ a ngɔ, nɛ e ma ya nu a nane ɔ, e yi ma na wami; nɛ e maa ya we mi hɛ ngmengmle.

Yeremia 21:9 ပူးပေါင်းရင်းမြစ်များ

Yeremia 38:2

Yawɛ de ke, “Nɔ tsuaa nɔ nɛ maa hi ma a mi ɔ, ta, loo hwɔ, loo gbenɔ hiɔ maa gbe lɛ. Se nɔ nɛ maa ngɔ e he ya ha Babilonia bi ɔmɛ ɔ, a be lɛ gbee; e yi ma na wami.”

Yeremia 45:5

Moo lɛɛ ní nguahi o ngɛ hlae ha o he? Ko hla! Ejakaa ma ngɔ haomi kɛ ba adesahi tsuo a nɔ. Se moo lɛɛ he tsuaa he nɛ o maa gu ɔ, o he maa je mi. Imi, Yawɛ lɛ i de.”

Yeremia 39:18

Ma baa o yi, nɛ nɔ ko nɔ ko be mo gbee. O maa ye o he, ejakaa o ngɔ o hɛ kɛ fɔ ye nɔ. Imi, Yawɛ lɛ i de.”

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Yeremia 27:13

Mɛni he je o maa hi si nɛ ta, hwɔ, kɛ gbenɔ hiɔ nɛ gbe mo, kɛ o ma a tsuo kaa bɔ nɛ Yawɛ de to ɔ? Yawɛ de to ke je ma nɛ be Babilonia matsɛ ɔ sɔmɔe ɔ, nɔ́ nɛ maa ba a nɔ ji lɔ ɔ nɛ.

Yeremia 21:7

Se mo, Yuda matsɛ, Zedekia! Mo, kɛ o tsɔli ɔmɛ, kɛ nihi tsuo nɛ a yi ma na wami ngɛ ta, kɛ hwɔ, kɛ gbenɔ hiɔ ɔ se ɔ, nyɛɛ lɛɛ ma ngɔ nyɛ kɛ wo Babilonia matsɛ, Nebukadnezar, kɛ nyɛ he nyɛli ɔmɛ nɛ ngɛ nyɛ hlae nɛ a gbe ɔ a dɛ mi. Nebukadnezar ma kpata nyɛ tsuo pɛpɛɛpɛ nyɛ hɛ mi. E be nyɛ ti nɔ ko nɔ ko he ngmɛɛe, nɛ e be nɔ ko nɔ ko mɔbɔ nae. Imi, Yawɛ lɛ i de.”

Yeremia 24:10

Ma ha nɛ ta, hwɔ, kɛ gbenɔ hiɔ ma ba sɛ a kpɛti kɛ yaa si a ma kpata a hɛ mi pɛsɛpɛsɛ, nɛ a ti nɔ kake ngmelu po be piɛe ngɛ zugba nɛ i ngɔ ha a kɛ a nɛmɛ ɔ nɔ.”

Yeremia 27:11

Se ke je ma ko maa ba a he si ha Babilonia matsɛ ɔ, nɛ a ma sɔmɔ lɛ ɔ, ma ha nɛ a maa hi mɛ nitsɛmɛ a zugba nɔ; a ma hu zugba a, nɛ a maa hi nɔ. Imi, Yawɛ lɛ i de.”

Ezekiel 5:12

Gbenɔ hiɔ, kɛ hwɔ maa gbe ma mi bi ɔmɛ a mi dlami etɛ mi kake; mi dlami etɛ mi kake maa nɔ ngɛ klaate nya kɛ maa bɔle ma a kɛ kpe, nɛ mi dlami etɛ mi kake ɔ hu, ma gbɛ mɛ ngɔ fĩa je ɔ mi tsuo; nɛ ma hia ta kɛ nyɛɛ a se.

Yeremia 27:12

I tu munyu nɛ ɔ kɛ̃ kɛ tsɔɔ Yuda matsɛ, Zedekia ke, “Nyɛɛ ba nyɛ he si ha Babilonia matsɛ ɔ. Nyɛ sɔmɔ lɛ kɛ e ma a, nɛ nyɛ yi ma na wami.

Yeremia 38:3

Jehanɛ, a nu nɛ i de ma a ke Yawɛ de ke, “I kɛ ma nɛ ɔ ma ha Babilonia tabo ɔ, nɛ a maa ngɔ ma a.”