Yeremia 21:6 - BAIBLO ALOO NGMAMI KLƆUKLƆU Ɔ

⁶ Ma kpata nɔ tsuaa nɔ hɛ mi ngɛ ma nɛ ɔ mi; hiɔ nɛ nya wa maa gbe nimli, kɛ lohwehi tsuo.

Yeremia 21:6 ပူးပေါင်းရင်းမြစ်များ

Zefania 1:3

nimli adesahi, pu mi lohwehi, lohwe pɛlitsɛmɛ, lohi, kɛ yiwutsotsɛmɛ tsuo pɛpɛɛpɛ. Ma kpata nimli adesahi tsuo kulaa a hɛ mi, nɛ nɔ kake ngmelu po be piɛe. Imi, Yawɛ lɛ i de.

Hosea 4:3

Enɛ ɔ he je nɛ zugba a pee mɔbɔmɔbɔ ɔ nɛ. Níhi tsuo nɛ ngɛ zugba a nɔ, nga mi lohwehi kɛ lohwe pɛlitsɛmɛ tsuo pee gbedee; nɛ pa mi lohi tete ngɛ gboe.”

Ezekiel 14:21

Bɔ nɛ Nyɔmtsɛ Yawɛ ngɛ dee ji nɛ ɔ nɛ: “Ma ha tue gblami nɛ nya wa eywiɛ nɛ ɔmɛ maa ba Yerusalem nɔ: ta, hwɔ, lohwe awi yeli, kɛ gbenɔ hiɔ. Nimlihi, kɛ lohwehi tsuo a hɛ mi ma kpata ngɛ lejɛ ɔ.

Ezekiel 14:19

“Ke i ha nɛ gbenɔ hiɔ ba jamɛ a zugba a nɔ, nɛ ye mi mi la ha a pue muɔ si, nɛ a kpata nimlihi, kɛ lohwehi tsuo a hɛ mi ɔ,

Ezekiel 14:17

“Aloo ke i ha nɛ a hwu ta ngɛ zugba a nɔ tsuo, nɛ a kpata nimlihi, kɛ lohwehi a hɛ mi ngɛ nɔ ɔ,

Ezekiel 14:13

“Nɔmlɔ adesa, ke ma ko pee yayami, nɛ e yi mi anɔkuale ɔ, tue gblami nɛ e ma na ji, ma ha nɛ e niye ní se maa po, nɛ hwɔ maa ba ma a nɔ; nimlihi kɛ lohwehi tsuo a hɛ mi ma kpata.

Yeremia 33:12

Yawɛ Tabohiatsɛ ɔ ke, “Zugba nɛ ɔ nɛ ngɛ kaa nga kplanaa nɔ, kɛ ma amɛ nɛ plɛ pee ma dokuhi nɛ nɔmlɔ adesa, loo lohwe be a mi ɔ, be ma nɛ hiɛmɛ nɛ ɔ ma ba pee lohwehi a lɛmi he, nɛ to hyɛli kɛ a lohwehi ma ba hi hiɛ ɔ ekohu.

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yesaya 6:11

I bi ke, “Nyɔmtsɛ, nɔ́ nɛ ɔ maa ya nɔ kɛ yaa si mɛni be?” E he nɔ ke, “Kɛ yaa su be nɛ ma amɛ a hɛ mi ma kpata, nɛ a maa pee ma dokuhi nɛ a be nɔ ko nɔ ko nae ngɛ we ɔmɛ a mi, nɛ zugba a nitsɛ hu nɔ maa je gu.

Luka 21:24

A kɛ klaate maa gbe ni komɛ. A maa nuu ni komɛ hu nyɔguɛ kɛ ya je ma amɛ tsuo a mi, nɛ ma je li ɔmɛ maa ngɔ Yerusalem, nɛ a maa ye ma a nɔ hluu kɛ yaa si mɛ hu a be maa su.

Mika 3:12

Lɔ ɔ he ɔ, nyɛ he ɔ, a maa pee Zion kaa ngmɔ nɛ a hu. Yerusalem maa pee ma doku, nɛ yo ɔ nɔ he nɛ Yawɛ we ɔ maa si ngɛ ɔ maa hɛ, nɛ e maa pee pú.

Ezekiel 33:29

Ke i pee zugba a tsuo pasaa nɛ e pee ma doku ngɛ yayamihi babauu nɛ a pee ɔ a he ɔ, kɛkɛ ɔ, a maa le kaa imi ji Yawɛ.”

Ezekiel 33:27

“De mɛ ke imi Nyɔmtsɛ Yawɛ, i ngɛ ye he kita kae ke bɔ tsuaa bɔ nɛ pee ɔ, nihi nɛ ngɛ ma doku ɔmɛ a mi ɔ, a ma kpata mɛ tsuo a hɛ mi. Nihi nɛ ngɛ nga a nɔ ɔ, nga mi lohwe awi yeli maa ye mɛ. Nɛ nihi nɛ ya laa a he ngɛ yo ɔmɛ a nɔ, kɛ tɛ muɔhi a mi ɔ, gbenɔ hiɔ maa gbe mɛ.

Ezekiel 12:16

Se kɛ̃ ɔ, ma ha a ti nihi bɔɔ ko maa piɛ; mɛɛ lɛɛ ta, kɛ hwɔ, kɛ gbenɔ hiɔ be mɛ gbee. Kɛkɛ ɔ, a maa jaje ní hiemi ní ɔmɛ nɛ a pee ngɛ je ma amɛ a mi ɔ, nɛ a ma de ke a tɔ̃. Kɛkɛ ɔ, a maa le kaa imi ji Yawɛ.”

Ezekiel 7:15

A maa hia klaate kɛ nyɛɛ gbɛjegbɛ ɔmɛ a nɔ; nɛ gbenɔ hiɔ maa ba we ɔmɛ a mi. Nɔ nɛ ngɛ ta nga nɔ ɔ maa nɔ ngɛ ta a nya; nɔ nɛ ngɛ ma a mi ɔ, gbenɔ hiɔ, loo hwɔ ma kpata e hɛ mi.

Yeremia 42:22

Lɔ ɔ he ɔ, jehanɛ lɛɛ nyɛ ná nɛ nyɛɛ le klɛdɛɛ kaa he nɛ nyɛ suɔ kaa nyɛ ma ya hi ɔ, nyɛ ma ya gbo ngɛ lejɛ ɔ. Ke nyɛ ya nɔɛ ta a, lɛɛ mi mi hwɔ, loo gbenɔ hiɔ maa gbe nyɛ ngɛ lejɛ ɔ.”

Yeremia 36:29

Yawɛ de mi ke ma de Yuda matsɛ, Yehoyakim ke, “O sã womi kpo ɔ, nɛ o bi Yeremia ke mɛni he je e ngma ke Babilonia matsɛ ɔ ma ba kpata zugba nɛ ɔ hɛ mi, nɛ e maa gbe e mi nimli, kɛ lohwehi tsuo lo.

Yeremia 34:17

Enɛ ɔ he je ɔ, imi Yawɛ, i ngɛ nyɛ dee ke nyɛ gbo tue; nyɛ ha we nɛ nyɛ nyɛmimɛ, Israel fɔfɔɛ ɔmɛ nɛ a ye a he. Saminya! Imi lɛɛ ma ha nɛ nyɛɛ lɛɛ nyɛ maa ye nyɛ he mɔ! Ma ngmɛɛ nyɛ he kɛ wo gbenɔ dɛ mi, nɛ ta, hiɔ, kɛ hwɔ maa gbe nyɛ. Nɛ ma ha nɛ a gbɛ nyɛ ngɔ fĩa je ma amɛ tsuo a mi.

Yeremia 14:12

Ke a ha hwɔ tete po, i be a kue fami ɔ tue bue; nɛ ke a sã sami bɔ, kɛ niye ní bɔ ha mi hu, i be hee. Se mohu ɔ, níhi nɛ i kɛ ma kpata a hɛ mi ji ta, hwɔ, kɛ gbenɔ hiɔ.”

Yeremia 7:20

Lɔ ɔ he ɔ, imi Nyɔmtsɛ Yawɛ, ma plɛ ye mi mi fumi nɛ nya wa kaa la nɛ ngɛ tsoe plamplam nɛ hí gbemi ɔ kɛ pue we nɛ ɔ nɔ. Ye mi mi ma fu nimli, lohwehi, tsohi, kɛ ngmɔ niba ní tsuo.

Mose I, 6:7

Lɔ ɔ he ɔ, Yawɛ de ke, “Ma kpata nɔmlɔ nɛ i bɔ ɔ e hɛ mi; pi nɔmlɔ kɛkɛ, se lohwehi tsuo: nane eywiɛɛywiɛtsɛmɛ, pɛlitsɛmɛ kɛ ní nɛmɛ nɛ sãã si. E dɔ mi kaa i pee mɛ.”

Yeremia 16:4

Hiɔ yaya maa gbe mɛ. Nɔ ko be kɔmɔ yee ha mɛ, nɛ nɔ ko be mɛ pue hulɔ; a gbogboe ɔmɛ maa pee kaa kuku ngɛ zugba. Ni komɛ maa nɔ ta, nɛ hwɔ hu maa gbe ni komɛ, nɛ a nɔmlɔ tso ɔmɛ ma plɛ pee niye ní ha lohwe pɛlitsɛmɛ, kɛ pu mi lohwehi.

Yeremia 20:4

Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.