Yeremia 21:4 - BAIBLO ALOO NGMAMI KLƆUKLƆU Ɔ

⁴ a ya de Zedekia ke, bɔ nɛ Yawɛ Israel Mawu ɔ, de ji nɛ ɔ nɛ: “Babilonia matsɛ ɔ, kɛ Kaldea bi nɛ ba sa nyɛ ma a yi, nɛ nyɛɛ kɛ mɛ ngɛ ta hwue ɔ, ma ha nɛ nyɛ ta hwumi ní ɔmɛ nɛ nyɛ hɛɛ ɔ maa pee yaka ngɛ a hɛ mi. Ma bua nya kɛ ba pue ma nɛ ɔ kpɛti tutuutu.

Yeremia 21:4 ပူးပေါင်းရင်းမြစ်များ

Yeremia 32:5

A maa ngɔ Zedekia kɛ ya Babilonia, nɛ e ma ya hi lejɛ ɔ kɛ yaa si i kɛ lɛ maa to ní. Ke e kɛ Babilonia bi ɔmɛ hwu ta po e be mɛ nyɛe. Imi, Yawɛ lɛ i de.”

Yesaya 13:4

Nyɛɛ bu tue, a ngɛ hoo pee ngɛ yo ɔmɛ a nɔ; nihi babauu lɛ a ngɛ hoo pee nɛ ɔ nɛ. Niinɛ, je mahi, kɛ nɔ yemihi ngɛ a he nya buae. Yawɛ Tabohiatsɛ ɔ ngɛ e tabo ɔmɛ miae kɛ ha ta.

Yesaya 5:5

“Bɔ nɛ ma pee ye wai ngmɔ ɔ ji nɛ ɔ nɛ: ma je piɛ ɔ, nɛ́ nga mi lohwehi nɛ ba ye wai yiblii ɔ; ma ku gbogbo nɛ bɔle lɛ ɔ, nɛ a ba naa nɔ.

Zakaria 14:2

Yawɛ ma bua je ma amɛ tsuo a nya kɛ ba tua Yerusalem. A maa ngɔ ma a; a maa ha ní ngɛ we ɔmɛ a mi, nɛ a maa pee yi ɔmɛ basabasa. A maa nuu ma a mi dlami enyɔ mi kake kɛ ho ma se ya; se ni nɛmɛ nɛ maa piɛ ngɛ Yerusalem ɔ, a be a hɛ mi kpatae.

Kɔmɔ Yemi 2:7

Nyɔmtsɛ ɔ sume e bɔ sami la tɛ ɔ hu, nɛ e kua sɔlemi we ɔ. E ha he nyɛli ku mɔ ɔmɛ kɛ pue si. A hwɔ lele ngɛ Yawɛ we ɔ mi kaa bɔ nɛ wa peeɔ ke wa ngɛ nyami ligbi yee ɔ.

Kɔmɔ Yemi 2:5

Nyɔmtsɛ ɔ kpata Israel hɛ mi kaa nɔ́ nɛ e he nyɛlɔ ji lɛ. E ywia e mɔ ɔmɛ, kɛ matsɛ we ɔmɛ ngɔ pue si. E ha nɛ Yuda ma a ngɛ kɔmɔ yee babauu.

Yeremia 39:3

Benɛ a ngɔ Yerusalem ɔ, Babilonia matsɛ ɔ ma nimeli ɔmɛ tsuo ba hi si ngɛ a blɔ hehi ngɛ kpɛti agbo ɔ mi. A ti ni komɛ ji Nergal Sarezer, Samgar Nebo, Sarsekim, kɛ Nergal Sarezer kpa ko.

Mateo 22:7

Matsɛ ɔ mi mi fu, nɛ e tsɔ ta buli kɛ ho, nɛ a ya kpata jamɛ a awi yeli ɔmɛ a hɛ mi, nɛ a sã ma a.

Hosea 9:12

Ke a fɔ tete po, ma ha a ma gbo bi hluu kɛ yaa si kake ngmelu po be piɛe. Musu tloo mɛ wawɛɛ ke i kua mɛ.”

Yeremia 52:18

A muɔ buɛ ɔmɛ, sofi ɔmɛ, la gbemi ní ɔmɛ, tsopa kɛ e he via kã amɛ, kɛ akɔblee ní ɔmɛ nɛ a kɛ sɔmɔɔ ngɛ Yawɛ we ɔ hulɔ kɛ ho.

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yeremia 20:4

Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.

Yeremia 21:3

Kɛkɛ nɛ Yawɛ kɛ mi tu munyu, nɛ i de tsɔli ɔmɛ ke

Yeremia 32:3

Matsɛ Zedekia wo mi tsu ngɛ lejɛ ɔ, nɛ e po ye nya ke i kɛ Yawɛ biɛ fiɛ ke, “Ma ngɔ ma nɛ ɔ kɛ wo Babilonia matsɛ ɔ dɛ mi, e maa ngɔ ma a,

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yeremia 35:17

Lɔ ɔ he ɔ, imi Yawɛ Tabohiatsɛ, Israel Mawu ɔ, bɔ nɛ i ngɛ dee ji nɛ ɔ nɛ. Nyɛ Yuda ma, kɛ Yerusalem ma mi bi, ní yayamihi tsuo nɛ i wo si ke e maa ba nyɛ nɔ ɔ, ma ngɔ kɛ ba nyɛ nɔ jehanɛ. Ma pee nɔ́ nɛ ɔ, ejakaa i kɛ nyɛ tu munyu, se nyɛ nui; i tsɛ nyɛ, se nyɛ he we nɔ.”

Kɔmɔ Yemi 2:3

Benɛ wa he nyɛli ɔmɛ ba tua wɔ ɔ, e piɛ we wa he, mohu ɔ, e kɛ hɛdɔ nɛ nya wa ku Israel he wami kpetekpleenyɛ ɔ nya la. E gli kɛ wo wɔ kaa la nɛ ngɛ tsoe plamplam kɛ ngɛ nɔ́ tsuaa nɔ́ hɛ mi kpatae.

Ezekiel 39:3

Kɛkɛ ɔ, kɛ̃ɛ̃ nɛ ngɛ e muɔ nine mi ɔ, ma fia lɛ nɔ́ nɛ e nɔ zugba, nɛ kɛ̃ɛ̃ mi bihi nɛ ngɛ e hiɔ nine mi ɔ ma pue si.