Yeremia 21:2 - BAIBLO ALOO NGMAMI KLƆUKLƆU Ɔ

² “Babilonia matsɛ, Nebukadnezar ba tua wɔ. Lɔ ɔ he ɔ, i kpa mo pɛɛ nɛ o bi Yawɛ ga womi ha wɔ kaa alini Yawɛ ma tsu nyakpɛ ni ha wɔ, nɛ e ma ha nɛ Nebukadnezar maa kpale e se lo.”

Yeremia 21:2 ပူးပေါင်းရင်းမြစ်များ

Mose I, 10:10

Kekleekle ɔ, Nimrod nɔ yemi he ɔmɛ ji Babilon, Erek, kɛ Akad ngɛ Babilonia zugba a nɔ.

Matsɛmɛ II, 1:3

Se Yawɛ bɔfo ɔ de gbalɔ Eliya nɛ je Tishbe ɔ ke e ya nɛ e kɛ Matsɛ Ahazia tsɔli ɔmɛ ya kpe, nɛ e bi mɛ ke, “Mɛni he je nyɛ yaa bi ní ngɛ Ekron mawu Baalzebub ɔ ngɔ ɔ? Anɛ Mawu be Israel lo?

Matsɛmɛ II, 17:24

Asiria matsɛ ɔ ya ngɔ nihi kɛ je Babilon, Kut, Ava, Hamat, kɛ Sefarvaim kɛ ba wo Samaria ma amɛ a mi ngɛ Israel bi ɔmɛ a nane mi. Mɛ hu a ngɔ Samaria ngɔ pee a nɔ, nɛ a hi ma amɛ a mi.

Kronika II, 32:21

Yawɛ tsɔ bɔfo ko nɛ e ba gbe Asiria ta buli ɔmɛ, kɛ asafoatsɛmɛ ɔmɛ tsuo ngɛ a sito he ɔ, nɛ Asiria matsɛ ɔ kɛ zo kpale kɛ ho e ma mi ya. Ligbi ko, benɛ a ngɛ e jami he ɔ, e binyumu ɔmɛ ekomɛ ya gbe lɛ kɛ klaate.

Mose II, 9:28

Nyɛ kpa Yawɛ pɛɛ! Hiɔwe simi kɛ gbiɛ ngo ngu nɛmi nɛ ɔ ba hiɛ. Ma ngmɛɛ nyɛ he nɛ nyɛɛ ho; i be nyɛ nya tsie hu.”

Yesaya 48:2

Nyɛ siɔ nyɛ gugue, nɛ nyɛ deɔ ke ma klɔuklɔu ɔ mi bi ji nyɛ; nyɛ deɔ hu ke Israel Mawu nɛ e biɛ ji Yawɛ Tabohiatsɛ ɔ nɔ nyɛ ngɔ nyɛ hɛ ngɔ fɔ.

Yeremia 15:11

Yawɛ, ha nɛ a gbiɛ mi! Anɛ i sɔmɔ we mo saminya lo? Anɛ i fa we kue ha mo ngɛ ye he nyɛli nɛ ɔmɛ a he, benɛ a ngɛ haomi kɛ fimi mi lo?

Yeremia 21:3

Kɛkɛ nɛ Yawɛ kɛ mi tu munyu, nɛ i de tsɔli ɔmɛ ke

Yeremia 32:17

“Nyɔmtsɛ Mawu, mo lɛ o kɛ o he wami kpetekpleenyɛ pee hiɔwe kɛ zugba; nɔ́ ko nɔ́ ko peemi wɛ ha mo.

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yeremia 34:1

Benɛ Babilonia matsɛ, Nebukadnezar kɛ e tabo ɔ, kɛ je mahi tsuo nɛ ngɛ e sisi ɔ ba tua Yerusalem kɛ mahi nɛ bɔle Yerusalem ɔ, i ná sɛ gbi kɛ je Yawɛ ngɔ.

Yeremia 37:17

Be ko se ɔ, Matsɛ Zedekia tsɔ nɛ a ba ngɔ mi kɛ ba e ngɔ. Nɛ e bi mi ngɛ laami mi zaa ngɛ matsɛ we ɔ mi ke, “Anɛ sɛ gbi ko je Yawɛ ngɔ lo?” I he nɔ ke, “Ee, sɛ gbi ko ba!” I ya nɔ nɛ i de lɛ ke, “A maa ngɔ mo kɛ wo Babilonia matsɛ ɔ dɛ mi.”

Yeremia 37:3

Matsɛ Zedekia tsɔ Yehukal, Shelemia bi ɔ, kɛ osɔfo Zefania, Maaseya bi ɔ kɛ ba ye ngɔ ke a ba de mi nɛ ma kpa Yawɛ, wa Mawu ɔ pɛɛ ha wa ma a.

Yeremia 37:7

ma ya de Zedekia ke, “Farao ɔ tabo ɔ nɛ ba piɛ o he ɔ maa kpale a se kɛ ya mɛ nitsɛmɛ a zugba nɔ ngɛ Egipt.

Ezekiel 7:26

Amanehlu maa nyɛɛ amanehlu se; nɛ munyu yobu maa nyɛɛ munyu yobu se; nyɛ ma hla nina kɛ je gbali ɔmɛ a ngɔ, se osɔfo ɔmɛ po mlaa maa laa mɛ kulaa; nɛ nyɛ ma nimeli ɔmɛ hu be ga kpakpa ko nyɛe maa wo.

Manyadali 20:27

Jamɛ a be ɔ mi ɔ, Mawu somi daka a ngɛ Betel;

Samuel I, 10:22

Lɔ ɔ he ɔ, a ya bi Yawɛ ke, “Jije nɔmlɔ ɔ ngɛ?” Nɛ Yawɛ de mɛ ke, “Saul ya laa e he ngɛ nito he ɔ.”

Samuel I, 28:15

Samuel bi Saul ke, “Mɛni he je o hao mi kikɛ nɛ ɔ? Mɛni he je o ba tsɛ mi?” Saul he nɔ ke, “Ye yi fi. Lɔ ɔ ji Filisti bi ɔmɛ kɛ mi ngɛ ta hwue, nɛ Mawu je ye se. Ke i tsɛ lɛ ɔ, e he we nɔ; jehanɛ hu i nui e he kɛ gui gbali ɔmɛ a nɔ, loo nlami mi. Enɛ ɔ he je nɛ i ba tsɛ mo, konɛ o tsɔɔ mi bɔ nɛ ma pee.”

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.