Yeremia 21:13 - BAIBLO ALOO NGMAMI KLƆUKLƆU Ɔ

¹³ Mo Yerusalem, o maa si piɔpiɔɔpiɔ ngɛ kɔ̃ ɔmɛ a mi kaa tɛ sa ngɛ nga kplanaa nɔ. Se i kɛ mo maa to ní. O deɔ ke nɔ ko be nyɛe ma ba tua mo, nɛ nɔ ko be nyɛe maa sɛ o mɔ ɔmɛ a mi.

Yeremia 21:13 ပူးပေါင်းရင်းမြစ်များ

Ezekiel 13:8

Lɔ ɔ he ɔ, Nyɔmtsɛ Yawɛ ngɛ dee ke, “Akɛnɛ yakayaka níhi nyɛ gbaa, nɛ lakpa níhi nyɛ naa he je ɔ, niinɛ, i kɛ nyɛ ná! Imi, Nyɔmtsɛ Yawɛ lɛ i de.

Kɔmɔ Yemi 4:12

Je ma amɛ, kɛ a matsɛmɛ ɔmɛ tsuo a ti nɔ ko nɔ ko he we yi kaa he nyɛlɔ ko ma nyɛ ma tua Yerusalem, nɛ e ma nyɛ sɛ ma a agbo ɔmɛ a mi.

Mika 3:11

Ma nimeli ɔmɛ heɔ nyɔ mi ní loko a buá sane he; osɔfo ɔmɛ heɔ hiɔwo loko a tsɔɔ mlaa a sisi; gbali ɔmɛ heɔ sika loko a gbaa. Se mɛ tsuo a buɔ Mawu kua pɛɛ nɛ a deɔ ke, “Yawɛ kɛ wɔ ngɛ; nɔ́ ko nɔ ko be wɔ pee!”

Yeremia 50:31

“Babilonia bi, nyɛ woɔ nyɛ he nɔ. Enɛ ɔ he je ɔ, imi Nyɔmtsɛ Yawɛ Tabohiatsɛ ɔ, i kɛ nyɛ maa to ní. Nyɛ be ɔ su; be ɔ nɛ ma gbla nyɛ tue ɔ su.

La 125:2

Bɔ nɛ yohi bɔle Yerusalem kɛ kpe ɔ, ja Yawɛ he wami ɔ bɔle e ma a kɛ kpe kɛ je be nɛ ɔ mi kɛ yaa neneene tsuo.

Yeremia 49:16

O he nɔ womi ɔ sisi mo. Nɔ ko nɔ ko pa yi mo gbeye hu kaa bɔ nɛ o susuu ɔ. O hi he ji tɛ sa amɛ a kpɛ, ngɛ yo ɔmɛ a yi mi. E ngɛ mi kaa o hi he ngɛ hiɔwe lokoo kaa kɔle hi he mohu, se kɛ̃ Yawɛ ma je mo kɛ je lejɛ ɔ, nɛ e maa ba mo si. Yawɛ lɛ de.”

Yeremia 21:5

Imi nitsɛ i kɛ nyɛ maa hwu kɛ ye he wami tsuo, kɛ mi mi la nɛ nya wa wawɛɛ nitsɛ.

Yesaya 22:1

Sɛ gbi nɛ kɔɔ nina kɔ̃ ɔ he ji nɛ ɔ nɛ. Mɛni ba? Mɛni o ma a mi bi ɔmɛ tsuo kuɔ kɛ ho a tsuhi a yi mi ya ya ngɛ pee?

Yeremia 51:25

Mo Babilonia nɛ o ngɛ kaa yoku, nɛ o ngɛ je ɔ tsuo hɛ mi kpatae, i kɛ mo na! Ma nu mo, nɛ ma kpɛne mo kɛ je tɛ sa amɛ a nɔ ba ko si, nɛ o maa pee kaa yo nɛ sã.

Yeremia 7:4

Munyuhi nɛ nihi tuɔ nɛ a kɛ sisiɔ nyɛ ɔ, nyɛ ko he ye. A deɔ nyɛ ke, ‘Yawɛ we ɔ ji nɛ ɔ nɛ! Yawɛ we ɔ ji nɛ ɔ nɛ! Yawɛ we ɔ ji nɛ ɔ nɛ!’

Mose II, 13:8

Jamɛ a ligbi ɔ, nyɛ ma de nyɛ bimɛ ɔmɛ ke nɔ́ nɛ Yawɛ pee ha wɔ be nɛ wa hia kɛ je Egipt zugba a nɔ ɔ he je nɛ wa ngɛ nɔ́ nɛ ɔ pee ɔ nɛ.

Mose II, 13:20

Nɛ a hia kɛ je Sukot, nɛ a ya to si ngɛ Etam ngɛ nga a nya.

Ezekiel 5:8

imi Nyɔmtsɛ Yawɛ hu, i kɛ mo ná. Ma gbla o tue ngɛ je ma amɛ a hɛ mi paa.

Ezekiel 21:3

imi Yawɛ, nɔ́ nɛ i ngɛ dee ji i kɛ mo ná. Ma hia ye klaate kɛ je e kpo ɔ mi, nɛ ma kpata nɔ tsuaa nɔ hɛ mi, dalɔ jio, yayami peelɔ jio.

Ezekiel 34:10

Imi Nyɔmtsɛ Yawɛ, i ke i kɛ nyɛ ná. Ma kpɔ ye to ɔmɛ ngɛ nyɛ dɛ. I be hae nɛ nyɛɛ lɛ nyɛ nitsɛmɛ nyɛ he hu. Ma kpɔ ye to ɔmɛ kɛ je nyɛ dɛ; kɛkɛ ɔ, nyɛ be mɛ nae maa ye hu.

Nahum 2:13

Yawɛ Tabohiatsɛ ɔ ke, “I kɛ mo ná! Ma sã o ta zugba lɛ ɔmɛ. Ma kpata o ta buli ɔmɛ a hɛ mi ngɛ ta mi. Níhi tsuo nɛ o kpɔ ngɛ nihi a dɛ ɔ, ma ngɔ. A be o he wami he nue hu ngɛ je ɔ mi.”

Yeremia 17:3

kɛ yo ɔmɛ tsuo a nɔ, ngɛ nga a nɔ. Ma ha nɛ nihi ma ba ha nyɛ sika kɛ juetli, ngɛ yayamihi nɛ nyɛ pee ngɛ zugba a nɔ tsuo ɔ he.