Yeremia 21:11 - BAIBLO ALOO NGMAMI KLƆUKLƆU Ɔ

^11-12 Yawɛ de mi ke ma ngɔ sɛ gbi nɛ ɔ ya ha Yuda matsɛ we ɔ nɛ ji David nina a ke, “Nyɛɛ bu nɔ́ nɛ imi Yawɛ, i ngɛ dee ɔ tue. Nyɛɛ ye dami sane daa ligbi. Nyɛ je nɔ nɛ a ngɛ lɛ amimi yee ɔ kɛ je amimi yelɔ ɔ dɛ mi. Ke nyɛ pee we ja a, yayami nɛ nyɛ ngɛ pee ɔ ma ha nɛ ye mi mi maa wo la wawɛɛ nitsɛ, nɛ nɔ́ ko nɔ́ ko be hie peemi ngɛ he.

Yeremia 21:11 ပူးပေါင်းရင်းမြစ်များ

Yeremia 17:20

De Yuda matsɛmɛ ɔmɛ, ma mi bi ɔmɛ, nɔ tsuaa nɔ nɛ ngɛ Yerusalem nɛ guɔ kikɛmɛ a agbo nɛ ɔmɛ a mi ɔ ke a bu nɔ́ nɛ i ngɛ dee ɔ tue.

Mika 3:1

Nyɛ Israel ma a nɔ yeli, nyɛɛ bu tue! Nyɛ blɔ nya ji kaa nyɛɛ ye dami sane,

Yeremia 13:18

Yawɛ de mi ke, “De matsɛ ɔ kɛ e nyɛ ɔ ke, a ba a he si, ejakaa a jlasi saminyawiiwi ɔmɛ je a yi nɔ si.

Yeremia 22:1

Yawɛ de mi ke ma ya Yuda matsɛ we ɔ, nɛ ma ya de Yuda matsɛ ɔ nɛ hii si ngɛ David sɛ ɔ nɔ ɔ, e tsɔli ɔmɛ, kɛ ma a nɛ guu agbo nɛ ɔmɛ a mi ɔ ke, “Bɔ nɛ lɛ, Yawɛ ɔ de ji nɛ ɔ nɛ:

Yeremia 22:18

Lɔ ɔ he ɔ, bɔ nɛ Yawɛ ngɛ dee ngɛ Yuda matsɛ, Yehoyakim, Yosia binyumu ɔ he ji nɛ ɔ nɛ: “Ke e gbo ɔ, nɔ ko nɔ ko be kɔmɔ yee ha lɛ; nɔ ko nɔ ko be dee ke, ‘Ye nyɛmi due! Due!’ Nɔ ko nɔ ko be ya foe ha lɛ ke, ‘Ye nyɔmtsɛ! Ye matsɛ!’