Yeremia 20:8 - BAIBLO ALOO NGMAMI KLƆUKLƆU Ɔ

⁸ Daa nɛ ɔ, munyuhi nɛ maa je ye nya a, haomi kɛ yi wu tso níhi a he e kɔɔ. Yawɛ, daa nɛ ɔ, a ngɛ mi ahlua bɔe, nɛ a ngɛ ye he fɛu yee ngɛ o munyu ɔ nɛ i ngɛ fiɛe ɔ he.

Yeremia 20:8 ပူးပေါင်းရင်းမြစ်များ

Matsɛmɛ II, 2:23

Elisha je Yeriko kɛ ho Betel ya. Benɛ e ngɛ blɔ ɔ nɔ kɛ yaa a, jokuɛwi nyumuwi komɛ je ma a mi ba ye e he fɛu. A ye e he fɛu, nɛ a de ke, “Yi kpɛti kpalokpalotsɛ, moo kuɔ kɛ ba!”

Kronika II, 36:16

Se mɛɛ lɛɛ, Mawu tsɔli ɔmɛ a he fɛu mohu a yeɔ; a bui Mawu munyu ɔ tue, nɛ e gbali ɔmɛ hu muɔ sɔuu a hii mɛ muɔe hluu kɛ ya si be nɛ Yawɛ mi mi ba fu e ma a wawɛɛ nitsɛ nɛ nɔ́ ko hi peemi ngɛ he hu.

Yesaya 57:4

Mɛnɔ he fɛu nyɛ ngɛ yee ɔ? Nyɛ lakpatsɛmɛ, yayami peeli a bimɛ, mɛnɔ he nyɛ pa nyɛ nya mi hatoo, nɛ nyɛ je nyɛ lilɛ kpo bilaa kɛ wo ɔ?

Yeremia 15:10

Akuanyɛ! Imi nɔmlɔ ɔ, i be bua jɔmi ko bua jɔmi ko kulaa! Mɛni he je ye nyɛ fɔ mi kɛ ba je nɛ ɔ mi kulaa? Nɔ tsuaa nɔ kɛ mi ngɛ nya sãe, nɛ nɔ tsuaa nɔ kɛ mi ngɛ pɛe ngɛ zugba a nɔ. I pɛ sika ha we nɔ ko, nɛ i pɛ sika ngɛ nɔ ko dɛ hulɔ; se kɛ̃ ɔ, nɔ tsuaa nɔ ngɛ mi gbiɛe.

Yeremia 15:15

Kɛkɛ nɛ i de ke, “Yawɛ, o le kaa o he lɛ i ngɛ nɔ́ nae ngɛ. O le kaa o he lɛ a ngɛ mi jɛe ngɛ. Kai mi nɛ o piɛ ye he. Nihi nɛ ngɛ mi yi mi wae ɔ, gbla a tue ha mi. Koo to o tsui si ha mɛ nɛ a ba ná ye he blɔ nɛ a gbe mi.

Yeremia 17:27

Se e sa kaa a bu mi nɛ a ye Hejɔɔmi ligbi ɔ kaa ligbi klɔuklɔu. A ko tloo tlomi ko kɛ gu Yerusalem agbo ɔmɛ a mi jamɛ a ligbi ɔ; ke a pee ja a, ma mɛ Yerusalem agbo ɔmɛ a he la. La a maa sã Yerusalem mɔ ɔmɛ, nɛ nɔ ko nɔ ko be nyɛe maa gbe.”

Yeremia 20:7

Yawɛ, o sisi mi pɛ nɛ ye yi mi plɛ. O he wa pe mi nɛ o ye ye nɔ. Nɔ tsuaa nɔ ngɛ ye he fɛu yee; daa ligbi ɔ, muɔ kɛkɛ a ngɛ mi muɔe.

Yeremia 28:8

Gbali ɔmɛ nɛ nyɛɛ i kɛ mo tsuo wa hɛ mi blema lokoo ɔ gba ke ta, hwɔ, kɛ gbenɔ hiɔ maa ba je mahi babauu, kɛ matsɛ yemi nguanguahi a nɔ.

Yeremia 5:1

Yerusalem bi, nyɛɛ tu fo kɛ gu gbɛjegbɛ ɔmɛ a nɔ kɛ ya kɛ ba! Nyɛɛ po nyɛ hɛ nɛ nyɛɛ hyɛ kɛ bɔle si! Nyɛɛ kpa jua amɛ a nɔ nɛ nyɛ hla fitsofitso kaa nyɛ maa na nɔ kake ngmelu nɛ peeɔ nɔ́ nɛ da, nɔ nɛ bɔɔ mɔde kaa e maa ye Mawu anɔkuale lo? Ke nyɛ na nɔ kake ngmelu kaa ja a, lɛɛ Yawɛ maa ngɔ Yerusalem he yayami ɔmɛ kɛ pa lɛ.

Yeremia 5:6

Enɛ ɔ he je ɔ, jata maa je pu mi kɛ ba gbe mɛ; ogbetee maa je nga nɔ kɛ ba tsɔtslɔɔ a mi dukuduku, nɛ ngatsɛ ma ba wo ka ngɛ a ma amɛ a mi. Nɔ tsuaa nɔ nɛ maa je kpo ɔ, a ma tsɔtslɔɔ lɛ; ejakaa a pee yayamihi fuu, nɛ a tsɔ Mawu hɛ mi atuã si abɔ.

Yeremia 6:10

I he nɔ ke, “Ke i kɛ mɛ tu munyu nɛ i ka a hɛ mi ɔ, mɛnɔ maa bu mi tue? Ni ɔmɛ a tue wa, nɛ a sume kaa a maa bu o munyu ɔ tue. Ke o ha mi sɛ gbi nɛ i ya de mɛ ɔ, pe a muɔɔ mi; a nya we he.

Yeremia 7:9

Nyɛ juɔ, nyɛ pueɔ muɔ si, nyɛ puɛɔ gba, nyɛ kaa lakpa kita, nyɛ sãã tsopa kɛ e he via kɛ haa Baal, nɛ nyɛ ya nyɛɛɔ mawu kpahi nɛ nyɛ li mɛ a se.

Habakuk 1:3

Mɛni he je o ha i ngɛ yayami kɛ haomi hyɛe kikɛ nɛ ɔ? Kɛ pee kɛɛ nɛ o ngɛ nɔ́ nɛ dɛ nɛ ɔ hyɛe, nɛ o pui mi ɔ? Hɛ mi kpatami kɛ yi wu tso níhi bɔle mi kɛ kpe; pɛ kɛ kunɔ ngɛ he tsuaa he.

Luka 11:45

Mlaa tsɔɔli ɔmɛ a ti nɔ kake de lɛ ke, “Tsɔɔlɔ, ke o de enɛ ɔ, wɔ lɛ o ngɛ jɛe ɔ nɛ!”

Hebribi 11:26

Ngɛ Mose susumi nya a, ke a bɔ nɔ ko ahlua ngɛ Kristo ɔ he ɔ, juetli babauu nɛ ngɛ Egipt ɔ po he jua wɛ kaa lɔ ɔ, ejakaa e hɛ ngɛ hiɔwo nɛ e ma na hwɔɔ se ɔ nɔ.

Hebribi 13:13

Lɔ ɔ he ɔ, nyɛ ha nɛ waa ya e ngɔ ngɛ ma sito he ɔ se, nɛ a bɔ wɔ ahlua ngɛ lejɛ ɔ kaa bɔ nɛ a pee lɛ ɔ.

1 Petro 4:14

Ke nihi jɛ nyɛ kaa Kristo se nyɛɛli ji nyɛ ɔ, a gbaa nyɛ pɛ. Enɛ ɔ tsɔɔ kaa mumi nɛ hɛ mi ngɛ nyami, nɛ ji mumi nɛ je Mawu ngɔ ɔ kɛ nyɛ ngɛ.