Yeremia 20:7 - BAIBLO ALOO NGMAMI KLƆUKLƆU Ɔ

⁷ Yawɛ, o sisi mi pɛ nɛ ye yi mi plɛ. O he wa pe mi nɛ o ye ye nɔ. Nɔ tsuaa nɔ ngɛ ye he fɛu yee; daa ligbi ɔ, muɔ kɛkɛ a ngɛ mi muɔe.

Yeremia 20:7 ပူးပေါင်းရင်းမြစ်များ

Hosea 9:7

Be nɛ a maa gbla Israel ma a tue ɔ su. Be ɔ su nɛ a maa wo mɛ hiɔ. Kɛkɛ ɔ, nɔ tsuaa nɔ maa hɛli si! Nyɛ deɔ ke, “Gbalɔ nɛ ɔ biɛ lo! Nyumu ɔ nɛ na mumi ɔ nu godo!” Nyɛ deɔ enɛ ɔ, ejakaa nyɛ he yayami hiɛ babauu; nɛ nyɛ sume mi saasaa.

Kɔmɔ Yemi 3:14

I plɛ pee muɔ nɔ́ ha nihi tsuo. Be tsuaa be ɔ, imi ji a nya mi la nɛ a ngɛ lae.

Ezekiel 3:14

Yawɛ he wami ba ye nɔ wawɛɛ nitsɛ; nɛ benɛ mumi ɔ wo mi kɛ yaa a, e dɔ mi, nɛ ye bua jɔɛ kulaa.

Yeremia 20:9

Se ke i de ke, “I be Yawɛ biɛ ta woe hu, nɛ i be fiɛe ngɛ e biɛ mi hu” ɔ, o sɛ gbi ɔ peeɔ kaa la nɛ ngɛ tsoe ngɛ ye tsui mi, kɛ ye wuhi a mi. I bɔɔ mɔde saminya kaa ma tsi nya, se jehanɛ lɛɛ, i pa nyɛ we hu.

Hebribi 11:36

A ye ni komɛ a he fɛu; a fia ni komɛ kpa, nɛ ni komɛ lɛɛ a bɔ mɛ pã, nɛ a wo mɛ tsu.

1 Korintobi 9:6

Aloo i kɛ Barnaba kɛkɛ nɛ e sa kaa wa tsu ní loko waa ye ní?

Ni Tsumi 17:32

Benɛ a nu nɛ Paulo tu gbogboehi a si temi he munyu ɔ, ni komɛ ye e he fɛu, se ni komɛ hu de lɛ ke, “Nɔ́ nɛ o de nɛ ɔ, wa suɔ nɛ waa bu mo tue ekohu.”

Ni Tsumi 17:18

E kɛ ní leli a kuu nɛ ɔmɛ: Epikuro kɛ Stoike hu sãã nya. Ni komɛ bi ke, “Mɛni nyapuutsɛ nɛ ɔ ngɛ tsuae ɔ?” Ni komɛ hu de ke “E ngɛ kaa nɔ ko nɛ tuɔ ma se jemɛ a wɔhi a he munyu kɛ tsɔɔ nihi.” A de jã, ejakaa Paulo ngɛ Yesu he sane fiɛe, nɛ e ngɛ dee ke Yesu te si kɛ je gbeje nɛ e kɛ tsɔɔ kaa ni gbogboehi maa te si kɛ je gbeje.

Luka 23:11

Herode kɛ e ta buli ɔmɛ ye Yesu he fɛu, nɛ a bɔ lɛ ahlua. A wo Yesu tade klɔii saminyayoo ko, nɛ Herode ha nɛ a kpale lɛ ya ha Pilato ekohu.

Luka 16:14

Benɛ Farisi bi ɔmɛ nu ní nɛ ɔmɛ tsuo ɔ, a ye Yesu he fɛu, ejakaa a suɔ sika.

Mika 3:8

Se imi lɛɛ Yawɛ ngɔ e mumi ɔ kɛ wo ye mi tɔ. E ha mi he wami, kɛ dami sane yemi, kɛ kã nɛ ma kɛ jaje Israel ma a he yayami ɔ kɛ tsɔɔ mɛ.

Yeremia 29:26

“Yawɛ wo mo osɔfo ngɛ Yehoyada nane mi konɛ o hyɛ Yawɛ we ɔ nɔ. O blɔ nya ní tsumi ji godotsɛ tsuaa godotsɛ nɛ peeɔ e he gbalɔ ɔ, o hyɛ nɛ a bɔ lɛ pã nɛ a wo e kuɛ dade kɔsɔkɔsɔ.

Yeremia 17:16

Se Yawɛ, mo nitsɛ o le faii kaa tsa pi imi nɛ i nyɛ o nɔ ke o ha nɛ haomi nɛ ba ma nɛ ɔ nɔ. O le kaa pi imi nɛ i to kaa amanehlu be ko nɛ ba. Nɔ́ nɛ je ye nya nɛ i de ɔ, mo nitsɛ o le.

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Yeremia 15:10

Akuanyɛ! Imi nɔmlɔ ɔ, i be bua jɔmi ko bua jɔmi ko kulaa! Mɛni he je ye nyɛ fɔ mi kɛ ba je nɛ ɔ mi kulaa? Nɔ tsuaa nɔ kɛ mi ngɛ nya sãe, nɛ nɔ tsuaa nɔ kɛ mi ngɛ pɛe ngɛ zugba a nɔ. I pɛ sika ha we nɔ ko, nɛ i pɛ sika ngɛ nɔ ko dɛ hulɔ; se kɛ̃ ɔ, nɔ tsuaa nɔ ngɛ mi gbiɛe.

Matsɛmɛ II, 2:23

Elisha je Yeriko kɛ ho Betel ya. Benɛ e ngɛ blɔ ɔ nɔ kɛ yaa a, jokuɛwi nyumuwi komɛ je ma a mi ba ye e he fɛu. A ye e he fɛu, nɛ a de ke, “Yi kpɛti kpalokpalotsɛ, moo kuɔ kɛ ba!”

Hiob 12:4

I plɛ pee muɔ nɔ́ kɛ ha ye huɛmɛ; a ngɛ mi muɔe, pohu dalɔ ji mi; tɔmi be ye he. Be ko nɛ be ɔ, ke i fa kue ha Mawu ɔ, e buɔ mi tue.

La 119:51

Nihi nɛ woɔ a he nɔ ye ye he fɛu hluu, se kɛ̃ ɔ, i ngmɛɛ we o mlaa a he.

Yeremia 38:19

Se Matsɛ Zedekia de mi ke, “Wa nyɛmimɛ Hebri bi ɔmɛ nɛ tu fo kɛ ya piɛ Babilonia bi ɔmɛ a he ɔ, i ngɛ gbeye yee kaa a maa ngɔ mi kɛ wo mɛ mohu a dɛ, nɛ a maa pee mi basabasa.”

Yona 4:2

Lɔ ɔ he ɔ, e kɛ hɛdɔ fa kue ha Yawɛ nɛ e de ke, “Yawɛ, benɛ i na we ma je ye zugba a nɔ lokoo ɔ, enɛ ɔ nɛ i na nɛ i de ɔ nɛ. Enɛ ɔ he je nɛ i tu fo kɛ ho Spania ya a nɛ. Ejakaa mo Mawu ɔ, i le kaa o mi mi jɔ, o naa mɔbɔ, o toɔ o tsui si, o suɔmi tsakee we; nɛ o kɛ nɔ he yayami paa nɔ.

Hiob 30:9

Amlɔ nɛ ɔ, a ba konɛ a ba muɔ mi; i plɛ pee a nya mi la.

Yesaya 8:11

Yawɛ kɛ hɛdɔ bɔ mi kɔkɔ ke ma ko nyɛɛ ni ɔmɛ a blɔ ɔ nɔ. E ke,