Yeremia 20:5 - BAIBLO ALOO NGMAMI KLƆUKLƆU Ɔ

⁵ Ma ha nɛ he nyɛli maa ha a níhi tsuo pɛpɛɛpɛ ngɛ ma a mi: níhi nɛ a gbo dengme kɛ na, weto ní kpakpahi, kɛ Yuda matsɛmɛ ɔmɛ a juetli; nɛ a maa muɔ kɛ ya Babilonia.

Yeremia 20:5 ပူးပေါင်းရင်းမြစ်များ

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Yesaya 39:6

be ma nɛ a ma ba muɔ o we ɔ mi nɔ́ tsuaa nɔ́, kɛ níhi nɛ o nɛmɛ ɔmɛ bua nya ngɔ to kɛ ba si mwɔnɛ ligbi nɛ ɔ kɛ ho Babilonia ya; a be nɔ́ ko nɔ́ ko sie. Yawɛ lɛ de.

Yeremia 12:12

Ní hali ba ha ní ngɛ yoku kpataa amɛ tsuo a nɔ. I ha nɛ ta ba kpata zugba a tsuo hɛ mi, nɛ nɔ ko nɔ ko be tue mi jɔmi hu.

Yeremia 15:13

Yawɛ de mi ke, “Yayami nɛ ye ma a pee ngɛ zugba a tsuo nɔ he je ɔ, ma ha nɛ he nyɛli ma ba ha a ní, kɛ a juetli kɛ je.

Yeremia 17:3

kɛ yo ɔmɛ tsuo a nɔ, ngɛ nga a nɔ. Ma ha nɛ nihi ma ba ha nyɛ sika kɛ juetli, ngɛ yayamihi nɛ nyɛ pee ngɛ zugba a nɔ tsuo ɔ he.

Yeremia 3:24

Baal jami kpata níhi tsuo pɛpɛɛpɛ nɛ wa nɛmɛ ɔmɛ gbo dengme kɛ na ha wɔ blema a, tohi, nahi, kɛ binyumuhi kɛ yihi a hɛ mi.

Yeremia 32:24

“Babilonia bi ɔmɛ fia kpoku kɛ wo ma a he konɛ a ngɔ ma a; amlɔ nɛ ɔ, a tua ma a. Ta, hwɔ, kɛ gbenɔ hiɔ ma ha nɛ a maa ngɔ ma a. O maa na kaa níhi nɛ o de ɔ tsuo ba mi.

Yeremia 39:2

Benɛ Zedekia ye jeha nyɔngma kɛ kake ngɛ sɛ ɔ nɔ ɔ, jamɛ a jeha a we nyɔhiɔ eywiɛne ɔ we ligbi nɛ ji nɛɛ ɔ, a ywia Yerusalem gbogbo ɔ nɛ a je puɔ ngɛ mi.

Yeremia 39:8

Babilonia bi ɔmɛ sã matsɛ we ɔ, kɛ ma mi bi ɔmɛ a wehi, nɛ a ku Yerusalem gbogbo ɔmɛ ngɔ pue si.

Yeremia 4:20

Haomi ɔmɛ ba nɔtonɔto kɛ ya si zugba a tsuo hɛ mi kpata. A hule wa bo tsu ɔmɛ ngɔ pue si tlukaa, nɛ a hía bo ɔmɛ a mi dukuduku.

Kɔmɔ Yemi 1:10

E he nyɛli ɔmɛ kpɔ e june ní tsuo ngɛ e dɛ. E ngɛ he nyɛli ɔmɛ hyɛe kikɛ nɛ ɔ nɛ a bu kɛ sɛ sɔlemi we ɔ mi nitsɛnitsɛ. He nɛ mlaa ngmɛ́ ma je li blɔ nɛ a ya a po, a sɛ lejɛ ɔ.

Kɔmɔ Yemi 1:7

Benɛ Yerusalem ngɛ nɔ́ nae wawɛɛ ngɛ ma se ɔ, e kai e blema si himi, kɛ ní kpakpahi tsuo nɛ e ná a. Benɛ he nyɛli ɔmɛ a nine su e nɔ ɔ, nɔ ko nɔ ko ba ji ngmlaa ha lɛ. He nyɛli ɔmɛ ye e he fɛu, nɛ a bɔ lɛ ahlua ngɛ si nɛ e nɔ ɔ he.

Kɔmɔ Yemi 4:12

Je ma amɛ, kɛ a matsɛmɛ ɔmɛ tsuo a ti nɔ ko nɔ ko he we yi kaa he nyɛlɔ ko ma nyɛ ma tua Yerusalem, nɛ e ma nyɛ sɛ ma a agbo ɔmɛ a mi.

Ezekiel 22:25

Nyɛ ganɔ ɔmɛ ya so, nɛ a pee a he kaa jata nɛ ngɛ huãe nɛ ngɛ lohwe nɛ e gbe mi tsɔtslɔɔe. A gbee nihi, nɛ a ngɔɔ a sika, kɛ a weto ní tsuo ngɛ a dɛ. Nyumuhi babauu nɛ a gbe ɔ ha yalɔyihi hu a he ba hiɛ ngɛ ma a mi.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Hosea 13:15

Ke Israel ma a ngɛ plɔkee, nɛ e pee plɔplɔɔplɔ kaa nga po, ma ha kɔɔhiɔ nɛ mi dɔ la maa fia kɛ je nga kplanaa a nɔ ngɛ beleku je kɛ ba. Kɔɔhiɔ ɔ ma ha nɛ nyu maa ta a vu ɔmɛ a mi, nɛ pa amɛ maa mii. Ma ha a juetli tsuo maa ta.