Yeremia 20:4 - BAIBLO ALOO NGMAMI KLƆUKLƆU Ɔ

⁴ Yawɛ nitsɛ ke, ‘Ma ha o ma plɛ pee bubui ha mo nitsɛ o he, kɛ o huɛmɛ ɔmɛ tsuo. He nyɛli maa gbe o huɛmɛ ɔmɛ ngɔ pue si kɛ klaate, nɛ o maa na paa kɛ o hɛngmɛ. Ma ngɔ Yuda bi ɔmɛ tsuo ngɔ wo Babilonia matsɛ ɔ dɛ; e maa nuu ni komɛ nyɔguɛ kɛ ho e ma mi ya, nɛ e ma ya gbe mɛ ngɛ lejɛ ɔ.

Yeremia 20:4 ပူးပေါင်းရင်းမြစ်များ

Yeremia 29:21

“Kolaya bi Ahab, kɛ Maaseya bi Zedekia nɛ a ngɛ lakpa gbami gbae ngɛ ye biɛ mi kɛ ngɛ nyɛ hae ɔ, bɔ nɛ Yawɛ Tabohiatsɛ, Israel Mawu ɔ de ngɛ a he ji nɛ ɔ nɛ. E ke e maa ngɔ mɛ kɛ wo Babilonia matsɛ, Nebukadnezar dɛ, nɛ Nebukadnezar maa gbe mɛ ngɛ nyɛ hɛ mi.

Yeremia 25:9

‘Ma tsɔ nɛ a ya kpee omleyi je ma amɛ tsuo, kɛ Babilonia matsɛ Nebukadnezar, ye tsɔlɔ ɔ kɛ ba. Ma ngɔ mɛ kɛ ba, nɛ a kɛ Yuda zugba a, kɛ ma mi bi ɔmɛ, kɛ je mahi tsuo nɛ bɔle mɛ ɔ ma ba hwu ta. Ma kpata zugba nɛ ɔ, kɛ mahi nɛ bɔle lɛ ɔ a hɛ mi pɛsɛpɛsɛ; a ma plɛ pee gbeye nɔ́, muɔ nɔ́, kɛ he fɛu yemi nɔ́ kɛ ya neneene. Imi, Yawɛ lɛ i de.

Yeremia 52:27

Babilonia matsɛ ɔ fia mɛ ní, nɛ e gbe mɛ ngɛ Ribla, ngɛ Hamat zugba a nɔ. Bɔ nɛ a pee kɛ ngɔ Yuda bi ɔmɛ nyɔguɛ kɛ je a zugba a nɔ ji nɛ ɔ nɛ.

Yeremia 19:15

“Bɔ nɛ Yawɛ Tabohiatsɛ, Israel Mawu ɔ de ji nɛ ɔ nɛ: ‘Kaa bɔ nɛ i de to ɔ, i kɛ haomi nɛ nya wa maa ba ma nɛ ɔ, kɛ mahi tsuo nɛ bɔle lɛ ɔ a nɔ. Ma pee nɔ́ nɛ ɔ, ejakaa nyɛ tue wa, nɛ nyɛ nui ye munyu ɔmɛ.’ ”

Yeremia 6:25

Wa be nyɛe maa je kpo kɛ ya nga a nɔ, loo waa nyɛɛ ngɛ gbɛjegbɛ ɔmɛ a nɔ hu. Ejakaa he nyɛli ɔmɛ hɛɛ klaate, nɛ he tsuaa he pee gbeyegbeye.”

La 73:19

Ee, a hɛ mi ma kpata si kake too; a nyagbe maa pee gbeye.

Matsɛmɛ II, 25:7

A gbe Zedekia binyumu ɔmɛ ngɛ e hɛ mi. Lɛ nitsɛ lɛɛ a ta e hɛngmɛhi, nɛ a bɔ lɛ pã; nɛ a ngɔ lɛ kɛ ho Babilon ya.

Samuel I, 2:33

Se kɛ̃, ma ha o nina ko yi ma na wami, nɛ e ma sɔmɔ mi kaa osɔfo. Lɛɛ e hɛ ma yu nɛ e maa hao, se ni nɛmɛ nɛ piɛ ɔ lɛɛ a kɛ klaate maa gbe mɛ tsuo.

Yeremia 13:10

Nimli yiwutsotsɛmɛ nɛ ɔmɛ kua mi tue bumi. A wa tue, nɛ a pee nɔ́ nɛ a suɔ; a ya ja mawu kpahi, nɛ a sɔmɔ mɛ. Enɛ ɔmɛ a he je ɔ, ma ha nɛ a maa pee kaa bɔjuɛ nɛ ɔ nɛ he be se nami ko hu ɔ.

Yeremia 13:19

A sa Yuda leneyi je ma amɛ a yi; nɔ ko nɔ ko be nɛ maa je ngmlaa ha mɛ. A nuu Yuda bi ɔmɛ tsuo nyɔguɛ kɛ ho.”

Yeremia 20:6

Nɛ mo Pashur! A maa nuu mo hu o kɛ o we mi bimɛ tsuo nyɔguɛ kɛ ya Babilonia. Lejɛ ɔ o ma ya gbo ngɛ, nɛ lejɛ ɔ ji he nɛ a maa pu mo, kɛ o huɛmɛ ɔmɛ tsuo nɛ o gba lakpa gbami ha mɛ ɔ ngɛ.’ ”

Yeremia 46:5

Yawɛ bi ke, “Se mɛni i ngɛ hyɛe ɔ? Sawale nu Egipt tabo ɔ, nɛ a gbee senyasenya kɛ ma. A ye a ta buli kpanaa amɛ a nɔ; a kɛ gbenɔ kɛ kã tu fo kɛ ma kitikiti, nɛ a plɛ we nɛ a hyɛ a se.

Yeremia 52:24

Nebuzaradan, tatsɛ ɔ ngɔ osɔfo nɔkɔtɔma Seraya e se yelɔ, osɔfo Zefania, kɛ Yawɛ we buli etɛ ɔmɛ hu nyɔguɛ.