Yeremia 20:2 - BAIBLO ALOO NGMAMI KLƆUKLƆU Ɔ

² Kɛkɛ nɛ Pashur ha nɛ a fia mi ní, nɛ a bɔ mi pã ngɛ Benyamin agbo ɔ yiti je ngɛ Yawɛ we ɔ mi.

Yeremia 20:2 ပူးပေါင်းရင်းမြစ်များ

Yeremia 37:13

Se benɛ i su Benyamin agbo ɔ nya a, bulɔ ko nu mi nɛ e po ye nya ke, “Babilonia bi ɔmɛ a ngɔ o tu fo kɛ yaa nɛ ɔ nɛ!” Bulɔ ɔ nɛ nu mi ɔ biɛ ji Iriya, nɛ Hanania bi Shelemia lɛɛ e bi ji lɛ.

Zakaria 14:10

Zugba a tsuo, kɛ je Geba ngɛ omleyi je kɛ yaa su Rimon ngɛ Yerusalem leneyi je ɔ maa pee kplanaa. Se Yerusalem lɛɛ bɔ nɛ e maa si gojoo ɔ, ja nɔuu e maa hi, kɛ je Benyamin agbo ɔ he kɛ ya agbo momo ɔ, kɛ Kɔ nya agbo ɔ he; jehanɛ kɛ je Hananel mɔ ɔ he kɛ ya su matsɛ dã ngami he ɔmɛ tsuo.

Kronika II, 16:10

Nɔ́ nɛ ɔ ha Asa mi mi fu gbalɔ ɔ wawɛɛ nitsɛ, nɛ e wo lɛ tsu. Jamɛ a be ɔ mi nɔuu ɔ, Asa bɔni ma mi bi ɔmɛ ekomɛ yi mi wami.

Yeremia 36:26

Kɛkɛ nɛ matsɛ ɔ fa matsɛbinyumu Yerameel, kɛ Seraya, Azriel bi ɔ, kɛ Shelemia, Abdeel bi ɔ ke a nu imi, kɛ ye womi ngmalɔ Baruk ɔ tsuo. Se Yawɛ ngɔ wɔ kɛ laa.

Yeremia 29:26

“Yawɛ wo mo osɔfo ngɛ Yehoyada nane mi konɛ o hyɛ Yawɛ we ɔ nɔ. O blɔ nya ní tsumi ji godotsɛ tsuaa godotsɛ nɛ peeɔ e he gbalɔ ɔ, o hyɛ nɛ a bɔ lɛ pã nɛ a wo e kuɛ dade kɔsɔkɔsɔ.

Kronika II, 24:21

Matsɛ Yoash kɛ ma a so ngɔ wo Zakaria he, nɛ matsɛ ɔ fa mɛ nɛ a ya fia Zakaria tɛ ngɛ Yawɛ we ɔ kue ɔ mi.

Matsɛmɛ I, 22:27

De mɛ ke i ke a wo lɛ tsu, nɛ a ha lɛ abolo, kɛ nyu bɔbɔyoo pɛ kɛ yaa si ma kpale kɛ ba kɛ manye.”

Kpojemi 17:6

I na kaa yo ɔ tɔ dã; ee, e nu ni klɔuklɔu ɔmɛ, kɛ nihi nɛ a gbe mɛ ngɛ Yesu he ɔ a muɔ, nɛ e pee kaa nɔ nɛ tɔ dã. Benɛ i na lɛ ɔ, ye nya kpɛ ye he wawɛɛ.

Kpojemi 2:10

Koo ye amanehlu nɛ ma o nɔ ɔ gbeye! Hyɛ! Abosiami miɔ nɛ e maa wo nyɛ ti ni komɛ tsu, konɛ a kɛ ka nyɛ; nɛ nyɛ maa na nɔ́ ligbi nyɔngma. Ye mi anɔkuale kɛ yaa si gbenɔ mi tete po, nɛ ma ha mo wami kaa kunimi nɛ o ye ɔ he jlasi.

Ni Tsumi 7:52

Gbali ɔmɛ nɛ hi si sa a, nyɛ nɛmɛ ɔmɛ wa mɛ yi mi. A gbe ni nɛmɛ nɛ de to ke dalɔ ɔ maa ba a. Amlɔ nɛ ɔ, lɛ nitsɛ hu nyɛ tsɔɔ e se blɔ, nɛ nyɛ gbe lɛ.

Ni Tsumi 5:40

A tsɛ bɔfo ɔmɛ kɛ ba, nɛ a ha nɛ a fia mɛ kpa. A bɔ mɛ kɔkɔ hulɔ ke a ko fiɛ kɛ Yesu biɛ hu; kɛkɛ nɛ a ngmɛɛ a he.

Ni Tsumi 5:18

kɛ wo bɔfo ɔmɛ, nɛ a ya wo mɛ tsu.

Ni Tsumi 4:3

Enɛ ɔ he je ɔ, a nu Petro kɛ Yohane; nɛ a ya wo mɛ tsu kɛ yaa su be nɛ je maa na, ejakaa jamɛ a be ɔ du bu.

Mateo 21:35

Se huli ɔmɛ nuu e tsɔli ɔmɛ; a kongo nɔ kake, nɛ a gbe nɔ kake, nɛ a fia nɔ kake tɛ.

Yeremia 26:8

Benɛ i de nɔ́ tsuaa nɔ́ nɛ Yawɛ fa mi ke ma de ɔ gbe nya a, osɔfo ɔmɛ, gbali ɔmɛ, kɛ ma a tsuo nu mi. Nɛ a de ke, “Ja o gbo!

Hiob 13:27

O ngɔ ye nanehi kɛ wo pã mi. Nɔ́ tsuaa nɔ́ nɛ i ngɛ pee ɔ, o ngɛ hyɛe; ye nane nya po o hyɛɛ fitsofitso.

Kronika II, 18:23

Kɛkɛ nɛ gbalɔ Zedekia, Kenaana binyumu ɔ ho nɛ e ya gba Mikaya hɛ mi ma, nɛ e bi lɛ ke, “Mɛni be nɛ Yawɛ mumi ɔ je ye nɔ nɛ e kɛ mo ba tu munyu?”

Hiob 33:11

E bɔ ye nane pã, nɛ e hɛ ngɛ ye he be tsuaa be.”

Matsɛmɛ I, 13:4

Benɛ Yeroboam nu ngmlaa a nɛ gbalɔ ɔ kpa ngɔ wo bɔ sami la tɛ ɔ, e wo e nine nɔ ngɛ bɔ sami la tɛ ɔ he, nɛ e fa ke, “Nyɛɛ nu lɛ!” Amlɔ ɔ, nine ɔ nɛ matsɛ ɔ wo nɔ kɛ tsɔɔ gbalɔ ɔ wlua, nɛ e nyɛ we nɛ e ba lɛ si hu.

Yeremia 26:10

Benɛ Yuda ma nimeli ɔmɛ nu sane nɛ ba a, a he sɔ kɛ je matsɛ we ɔ mi kɛ ba Yawɛ we ɔ, nɛ a ba hi si ngɛ agbo he ɔ nya.

Yeremia 37:21

Kɛkɛ nɛ Matsɛ Zedekia fa, nɛ a ya wo mi tsu ngɛ matsɛ we ɔ kue ɔ mi. Daa ligbi ɔ a jeɔ abolo sali ɔmɛ a hi he ɔ, ba haa mi abolo bɔbɔɛ kake. Nɔ́ nɛ ɔ ya nɔ hluu kɛ ya si abolo ta ma a mi tsuo.