Yeremia 20:18 - BAIBLO ALOO NGMAMI KLƆUKLƆU Ɔ

¹⁸ Mɛni he je a fɔ mi kulaa? Pe a fɔ mi nɛ ma ba na nɔ́, nɛ ma hao, nɛ zo nɛ gbe mi ye wami ligbi tsuo lo?

Yeremia 20:18 ပူးပေါင်းရင်းမြစ်များ

Hiob 3:20

Mɛni he je nimli adesahi maa hi haomi mi kɛ mwɔɔ? Mɛni he je e sa kaa nihi nɛ ngɛ aywilɛho yee ɔ a yi nɛ na wami?

Kɔmɔ Yemi 3:1

Ke a ke Mawu gbla nɔ ko tue ɔ, imi lɛɛ i le nɔ́ nɛ ji.

Hiob 14:1

Nɔmlɔ adesa wami be ngɛ kpiti kɛkɛ, se e mi haomi hiɛ babauu.

La 69:19

O le bɔ nɛ a bɔ mi ahlua, bɔ nɛ a gbe mi zo, kɛ bɔ nɛ a ha ye hɛ mi pue si. O le ye he nyɛli ɔmɛ tsuo pɛpɛɛpɛ.

Hebribi 13:13

Lɔ ɔ he ɔ, nyɛ ha nɛ waa ya e ngɔ ngɛ ma sito he ɔ se, nɛ a bɔ wɔ ahlua ngɛ lejɛ ɔ kaa bɔ nɛ a pee lɛ ɔ.

Hebribi 12:2

Nyɛ ha waa hyɛ Yesu, ejakaa e nɔ wa hemi kɛ yemi ɔ daa si ngɛ. Akɛnɛ e le bua jɔmi nɛ e ma na pee se he je ɔ, gbenɔ nɛ e ma gbo ngɛ sɛumi tso ɔ nɔ ɔ pi zo nɔ́ ko kulaa kɛ ha lɛ. Mohu ɔ, e to e tsui si kɛ na amanehlu ngɛ sɛumi tso ɔ nɔ, nɛ amlɔ nɛ ɔ, e hii si ngɛ Mawu matsɛ sɛ ɔ hiɔ nɔ.

Hebribi 11:36

A ye ni komɛ a he fɛu; a fia ni komɛ kpa, nɛ ni komɛ lɛɛ a bɔ mɛ pã, nɛ a wo mɛ tsu.

Hebribi 10:36

E hia kaa nyɛɛ to nyɛ tsui si, nɛ nyɛɛ pee Mawu suɔmi nya ní, konɛ nɔ́ nɛ e wo he si ɔ, nyɛ nine nɛ su nɔ.

2 Timoteo 1:12

nɛ lɔ ɔ he nɛ i ngɛ nɔ́ nae nɛ ɔ nɛ; se kɛ̃ ɔ, ye nine mi wui nyu; ejakaa nɔ nɛ i he ye ɔ, i le lɛ. I heɔ yeɔ kaa sane kpakpa a fiɛmi ɔ nɛ e tu ngɔ wo ye dɛ mi ɔ, e maa bu he kɛ yaa su nyagbe ligbi ɔ.

Ni Tsumi 5:41

Bɔfo ɔmɛ je kpe ngua a hɛ mi kɛ ho kɛ bua jɔmi kaa Yesu biɛ ɔ he ɔ, Mawu bu mɛ nihi nɛ sa kaa a bɔ mɛ ahlua.

Yohane 16:20

I ngɛ nyɛ dee anɔkuale mi ke, nyɛɛ lɛɛ nyɛ ma kpa ngmlaa; nyɛ maa wo yana, se je ɔ ma nya. Nyɛ maa ye kɔmɔ, se nyɛ kɔmɔ yemi ɔ ma plɛ bua jɔmi.

Kɔmɔ Yemi 1:12

Kɔmɔ nɛ ma a ngɛ yee kɛ ngmlaa boboobo kɛ ngɛ nihi nɛ bee ɔ tsɔɔe ji, “Nyɛ nihi tsuo nɛ nyɛ bee, anɛ nɔ́ nɛ ɔ pee we nyɛ mɔbɔ lo? Nyɛɛ hyɛ mi ha kaa nɔ ko ye aywilɛho hyɛ kaa ye nɔ́ nɛ ɔ lo? Benɛ Yawɛ mi mi fu wawɛɛ ɔ, nɛ e ngɔ kikɛmɛ a haomi nɛ ɔ kɛ ba ye nɔ.”

Yeremia 8:18

Ye we aywilɛho ɔ nya wa tsɔ ha mi; i nyɛ we hu. Ye tsui kpa miɔ nɛ e ma tsɔ.

Yesaya 51:7

“Nyɛ nɛ nyɛ le nɔ́ nɛ da, nɛ nyɛ suɔ ye mlaa a saminya, nyɛ ko ye gbeye kaa nimli adesahi maa ye nyɛ he fɛu, loo a ma jɛ nyɛ. Ke a ngɛ nyɛ he fɛu yee ɔ, nyɛ ko ye tsui!

Yesaya 1:6

Kɛ je o yi mi kɛ ya su o nane si ɔ, pa sɔuu; he ko he ko be saminya. He komɛ kpɔ, he komɛ pee pa, pa momohi kɛ pa hehi. Pa amɛ ɔ, a tsɔɔ we; a fi we a nɔ, nɛ a to we a nɔ hulɔ.

Hiob 14:13

I na nɛ o ngɔ mi ya laa ngɛ gbeje kɛ yaa si o mi mi fumi ɔ se maa po; nɛ lɔ ɔ se ɔ, o maa to be nɛ a kɛ ma kai mi.

Hiob 5:7

Nɔmlɔ adesa nitsɛ lɛ hlaa haomi kɛ haa e he kaa bɔ nɛ la lilɛ tee kɛ yaa hiɔwe ɔ.

La 102:3

Ye wami ligbi ɔmɛ ngɛ bee kaa la su ku, nɛ ye nɔmlɔ tso ɔ dɔ la hɛii kaa flɔɔnɔɔ ɔ mi.

Yeremia 3:25

Nyɛ ha nɛ waa kɛ zo nɛ pee wa heha nɔ́ kɛ hwɔ si, ejakaa wa pee yayami kɛ si Yawɛ, wa Mawu ɔ. Wa nɛmɛ ɔmɛ pee a nɔ́, nɛ wɔ hu kɛ je wa jokuɛwi a si kɛ ba si mwɔnɛ ɔ, wa kpa we. Wa yi Yawɛ, wa Mawu ɔ mlaa amɛ a nɔ.”

Yeremia 15:10

Akuanyɛ! Imi nɔmlɔ ɔ, i be bua jɔmi ko bua jɔmi ko kulaa! Mɛni he je ye nyɛ fɔ mi kɛ ba je nɛ ɔ mi kulaa? Nɔ tsuaa nɔ kɛ mi ngɛ nya sãe, nɛ nɔ tsuaa nɔ kɛ mi ngɛ pɛe ngɛ zugba a nɔ. I pɛ sika ha we nɔ ko, nɛ i pɛ sika ngɛ nɔ ko dɛ hulɔ; se kɛ̃ ɔ, nɔ tsuaa nɔ ngɛ mi gbiɛe.

Habakuk 1:3

Mɛni he je o ha i ngɛ yayami kɛ haomi hyɛe kikɛ nɛ ɔ? Kɛ pee kɛɛ nɛ o ngɛ nɔ́ nɛ dɛ nɛ ɔ hyɛe, nɛ o pui mi ɔ? Hɛ mi kpatami kɛ yi wu tso níhi bɔle mi kɛ kpe; pɛ kɛ kunɔ ngɛ he tsuaa he.

Matsɛmɛ I, 19:4

Se lɛ nitsɛ lɛɛ e nyɛɛ ligbi mluku kake kɛ ya nga a nɔ, nɛ e ya hi si ngɛ tso ko sisi, nɛ e ná nɛ e gbo. E sɔle ke, “Yawɛ, e hiɛ; moo gbe mi jehanɛ. E hi kaa ma gbo mohu; ejakaa ye nɛmɛ nɛ sɛ hlami ɔ, i hí pi mɛ.”

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”