Yeremia 20:13 - BAIBLO ALOO NGMAMI KLƆUKLƆU Ɔ

¹³ Nyɛ la ha Yawɛ! Nyɛ je Yawɛ yi! Ejakaa e jeɔ nihi nɛ a ngɛ mɛ yi mi wae ɔ kɛ jeɔ yayami peeli a dɛ mi.

Yeremia 20:13 ပူးပေါင်းရင်းမြစ်များ

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

La 69:33

Ejakaa Yawɛ buɔ dɛgutsɛmɛ tue, nɛ lɛ nitsɛ e nihi nɛ a wo mɛ tsu ɔ, e hɛ ji a nɔ.

La 72:4

Matsɛ ɔ nɛ ye ohiatsɛmɛ a sane ha mɛ. E piɛ dɛgutsɛmɛ a he, se yiwutsotsɛmɛ lɛɛ e kɛ mɛ nɛ to ní.

La 34:6

Nɔ́ nalɔ nɛ ɔ fa kue ha Yawɛ; Yawɛ bu lɛ tue, nɛ e je lɛ kɛ je e haomi ɔmɛ tsuo a mi.

Yeremia 15:21

Ma je mo kɛ je yiwutsotsɛmɛ, kɛ nimli yayamihi a dɛ mi. Imi, Yawɛ lɛ i de.”

Yeremia 31:7

Yawɛ ke, “Nyɛɛ kɛ bua jɔmi nɛ la ha Israel; nyɛ hwɔ lele ha ma nɛ he wa pe je ma amɛ tsuo ɔ. Nyɛ la yi jemi la, nɛ nyɛɛ fiɛ ke, ‘Yawɛ he e ma a yi wami; Yawɛ he nihi nɛ piɛ ɔ tsuo a yi wami.’