Yeremia 20:12 - BAIBLO ALOO NGMAMI KLƆUKLƆU Ɔ

¹² Se mo, Yawɛ Tabohiatsɛ! Moo lɛɛ o hyɛɛ nimli a tsui mi kɛ a juɛmi mi; o le nihi nɛ peeɔ nɔ́ nɛ da. I tu ye sane ɔ kɛ wo o dɛ, lɔ ɔ he ɔ, gbla ye he nyɛli ɔmɛ a tue ha mi nɛ ma na kɛ ye hɛngmɛ.

Yeremia 20:12 ပူးပေါင်းရင်းမြစ်များ

Yeremia 11:20

Kɛkɛ nɛ i sɔle ke, “Yawɛ Tabohiatsɛ lee, kojolɔ nɛ yeɔ dami sane; mo nɛ o hyɛɛ nɔmlɔ adesa tsui mi kɛ e juɛmi mi fitsofitso. I to ye sane ɔ kɛ wo o dɛ; lɔ ɔ he ɔ, i ngɛ mo hyɛe konɛ o wo nimli nɛ ɔmɛ hiɔ bɔ nɛ sa mɛ.”

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 54:7

O je mi kɛ je ye haomi ɔ tsuo mi, nɛ i na bɔ nɛ o ye ye he nyɛli ɔmɛ a nɔ kunimi.

Yeremia 17:10

Imi Yawɛ, i hlaa nimli a juɛmi, nɛ i kaa a tsui. I woɔ nɔ tsuaa nɔ hiɔ ngɛ e ní peepee, kɛ e je mi babɛ he.”

La 59:10

Ye Mawu nɛ e suɔmi be nyagbe ɔ ma ba kpee mi. Ye Mawu ɔ ma ha nɛ ma na ye he nyɛli ɔmɛ nɛ a gbe mɛ kɛ pueɔ si.

La 139:23

Mawu, hyɛ ye tsui mi nɛ o le mi. Kaa mi nɛ o hyɛ, nɛ o na níhi nɛ ngɛ ye juɛmi mi.

La 7:9

Mawu nɛ yeɔ dami sane ji mo; o le nimli a tsui mi, kɛ a juɛmi mi. Ha nɛ nimli yayamihi nɛ jɔɔ yayami peemi, konɛ nimli kpakpahi lɛɛ o pee mɛ bɔ nɛ sa.

Yeremia 17:18

Ni nɛmɛ nɛ ngɛ mi yi mi wae ɔ, ha nɛ zo nɛ gbe mɛ; se imi lɛɛ ha nɛ ma ye ye he. Ha nɛ sawale nɛ nu mɛ, se imi lɛɛ koo wo ye he gbeye. Ngɔɔ haomi kɛ ba a nɔ, nɛ o kpata a hɛ mi pɛsɛpɛsɛ.

Yesaya 37:14

Matsɛ Hezekia he womi ɔ ngɛ tsɔli ɔmɛ a dɛ, nɛ e kane. Lɔ ɔ se ɔ, e ho Yawɛ we ɔ ya, nɛ e ya bli womi ɔ mi gbajaa ngɔ pue si ngɛ Yawɛ hɛ mi,

La 17:3

Ke o hyɛ ye tsui mi, ke o ba slaa mi nyɔ mi nɛ o ka mi ɔ, o be yayami ko nae ngɛ ye he. Ye munyu peeɔ anɔkuale; nɔ́ ko piɛ we he.

La 11:5

Yawɛ kaa dali. Se yayami peeli, kɛ yiwutsotsɛmɛ lɛɛ e sume mɛ kulaa.

Kpojemi 18:20

Hiɔwe! Mo nya kaa a kpata Babilon hɛ mi! Nyɛ ni klɔuklɔuhi, bɔfohi, kɛ gbali, nyɛ nya! Ejakaa Mawu bu lɛ fɔ ha nyɛ ngɛ nɔ́ nɛ e pee nyɛ ɔ he!

Kpojemi 6:10

A kpa ngmlaa wawɛɛ ke, “Nyɔmtsɛ Ope, mo nɛ o ngɛ klɔuklɔu, nɛ o yeɔ anɔkuale! Mɛni be o maa mlɛ kɛ yaa si? Ni ɔmɛ nɛ ngɛ je ɔ mi nɛ a gbe wɔ ɔ, kojo mɛ nɔuu nɛ o gbla a tue!”

Kpojemi 2:23

Ma gbe e se nyɛɛli ɔmɛ hulɔ. Kɛkɛ ɔ, asafo ɔmɛ tsuo maa na kaa imi ji nɔ nɛ le adesahi tsuo a juɛmi, kɛ a tsui mi. Ma wo nyɛ ti nɔ tsuaa nɔ hiɔ ngɛ nɔ́ nɛ e tsu ɔ he.

1 Petro 4:19

Lɔ ɔ he ɔ, ni nɛmɛ nɛ naa amanehlu, akɛnɛ lɔ ɔ ji nɔ́ nɛ Mawu to ha mɛ ɔ, a ya nɔ nɛ a pee kpakpa, nɛ a ngɔ a hɛ ngɔ fɔ a bɔlɔ ɔ nɔ kulaa. Lɛɛ ke e wo si ɔ, e yeɔ nɔ.

1 Petro 2:23

Benɛ a ngɛ lɛ jɛe ɔ, lɛɛ e jɛ we nɔ ngɔ to we nane mi. Benɛ e ngɛ amanehlu nae ɔ, e gbíɛ nɔ ko; se mohu e ngɔ e he ngɔ ha Mawu, kojolɔ ɔ nɛ yeɔ dami sane ɔ.

Yeremia 12:8

Ma nɛ i je blɔ hla a, a te si kɛ wo mi. A wo a nya nɔ ngɛ ye nɔ kaa bɔ nɛ jata huãa ngɛ pu mi ɔ; enɛ ɔ he je ɔ, imi hu i sume mɛ.

Yesaya 38:14

Ye gbi mia, he wami ko be hu. I ngɛ kɛmɛe kaa beleku lahuɛ. I hyɛ hiɔwe hluu kɛ ya si pɔ tɔ ye hɛngmɛ he. Nyɔmtsɛ, i kpa mo pɛɛ, e fi mi; jé mi kɛ je haomi nɛ ɔ mi.

La 86:4

Nyɔmtsɛ, ha nɛ o tsɔlɔ ɔ nɛ na bua jɔmi, ejakaa mo lɛ i faa kue kɛ haa.

Kronika II, 24:22

Matsɛ Yoash hɛ je si himi kpakpa nɛ Zakaria tsɛ Yehoyada kɛ lɛ hi ɔ nɔ, nɛ e gbe e binyumu Zakaria. Benɛ Zakaria miɔ nɛ e ma gbo ɔ, e de ke “Yawɛ nɛ hyɛ nɔ́ nɛ nyɛ ngɛ pee ɔ nɛ e gbla nyɛ tue!”

Samuel I, 1:15

Se Hana he nɔ ke, “Dɛbi, ye nyɔmtsɛ, i nui wai, loo dã ko nɛ nya wa. Yo nɛ e haomi kle ji mi, nɛ i kɛ ye haomi ɔ ba pue Yawɛ hɛ mi kɛ kue fami.

La 58:10

Ke a gbla yayami peelɔ tue bɔ nɛ sa lɛ ɔ, ndalɔ a ma nya, nɛ e maa nyɛɛ yayami peelɔ ɔ muɔ mi kɛ be.