Yeremia 20:10 - BAIBLO ALOO NGMAMI KLƆUKLƆU Ɔ

¹⁰ I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

Yeremia 20:10 ပူးပေါင်းရင်းမြစ်များ

Matsɛmɛ I, 19:2

Yezebel tsɔ ya de Eliya ke, “Hwɔɔ be nɛ ɔ mi ke i pee we mo kaa bɔ nɛ o pee ye gbali ɔmɛ fii, lɛɛ mawu ɔmɛ nɛ a fia mi nɔ́ nɛ a gbe.”

Matsɛmɛ I, 21:20

Benɛ Ahab na Eliya a, e bi lɛ ke, “Ye he nyɛlɔ, pe o nuu mi nɛ ɔ?” Eliya he nɔ ke, “Ee, i nuu mo. O ngɔ o he ngɔ ha yayami peemi, nɛ o pee nɔ́ nɛ dɛ ngɛ Yawɛ hɛ mi.

Matsɛmɛ I, 22:27

De mɛ ke i ke a wo lɛ tsu, nɛ a ha lɛ abolo, kɛ nyu bɔbɔyoo pɛ kɛ yaa si ma kpale kɛ ba kɛ manye.”

Matsɛmɛ I, 22:8

Ahab he nɔ ke, “Nɔ kake ngɛ; lɛ ji Imla binyumu Mikaya. Se i sume lɛ, ejakaa e gbɛ manye nɔ́ ko ha we mi hyɛ gblee, ja nɔ́ yayami pɛ.” Yehoshafat de lɛ ke, “Mo ko de ja!”

Hiob 19:19

Ye huɛmɛ kpakpahi tsuo ngɛ mi hiee; ni nɛmɛ nɛ i suɔ mɛ saminya po te si wo mi.

La 31:13

I nu nɛ nihi babauu ngɛ ye biɛ puɛe; gbeye níhi bɔle mi kɛ kpe. A ngɛ ye yi nɔ soe, konɛ a gbe mi.

La 31:14

Se imi lɛɛ i ngɔ ye hɛ kɛ fɔ mo, Yawɛ o nɔ. I de ke, “Mo pɛ ji ye Mawu”.

La 41:10

Se mo Yawɛ, moo na mi mɔbɔ! Ha ma na he wami ekohu, konɛ ma wo mɛ hiɔ ngɛ nɔ́ nɛ a pee mi ɔ he.

La 41:9

Ye huɛ nitsɛnitsɛ nɛ i heɔ lɛ yeɔ, nɛ i kɛ lɛ yeɔ ní ɔ, lɛ po e te si wo mi.

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

Abɛ Womi 10:18

Nɔ tsuaa nɔ nɛ nyɛɛ nɔ ngɛ laami mi ɔ, lakpatsɛ ji lɛ. Nɔ nɛ tuɔ nihi a he munyu kɛ puɛɔ mɛ ɔ, kuasia ji lɛ.

Yesaya 29:21

Mawu ma kpata nimli nɛ ɔmɛ hu a hɛ mi: nihi nɛ a kɛ a nya mi munyu poɔ nihi a nya kaa a tɔ mlaa, kɛ nihi nɛ tsɔɔ klama ha kojoli ngɛ kojomi he, nɛ a kɛ lakpa yemi haa nɛ a plɛɔ nɔ nɛ sane da a e sane hɛ mi kɛ buɔ si.

Yeremia 11:19

I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

Yeremia 11:21

Anatot nyumu ɔmɛ hla kaa a maa gbe mi, nɛ a de mi ke, ke i ya nɔ nɛ i fiɛ ngɛ Yawɛ biɛ mi kɛ mwɔɔ ɔ, a maa gbe mi.

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Yeremia 20:3

E nɔ jena mɔtu, benɛ Pashur je mi ngɛ pã a mi ɔ, i de lɛ ke, “Pi Pashur nɛ Yawɛ wo mo! Biɛ nɛ Yawɛ ha mo ji Magormisabib.

Yeremia 37:13

Se benɛ i su Benyamin agbo ɔ nya a, bulɔ ko nu mi nɛ e po ye nya ke, “Babilonia bi ɔmɛ a ngɔ o tu fo kɛ yaa nɛ ɔ nɛ!” Bulɔ ɔ nɛ nu mi ɔ biɛ ji Iriya, nɛ Hanania bi Shelemia lɛɛ e bi ji lɛ.

Yeremia 6:25

Wa be nyɛe maa je kpo kɛ ya nga a nɔ, loo waa nyɛɛ ngɛ gbɛjegbɛ ɔmɛ a nɔ hu. Ejakaa he nyɛli ɔmɛ hɛɛ klaate, nɛ he tsuaa he pee gbeyegbeye.”

Ezekiel 22:9

Ni komɛ yeɔ lakpa ngɛ ma a mi, bɔ nɛ pee nɛ a kpata a nyɛmimɛ a hɛ mi. Ni komɛ ya yeɔ niye ní bɔhi nɛ a sã ngɛ jami hehi; nɛ ni komɛ hu dii he lo akɔnɔ se wawɛɛ.

Daniel 6:4

Enɛ ɔ he je ɔ, amlaalo ɔmɛ, kɛ nikɔtɔma enyɔ ɔmɛ bɔ mɔde hla kaa a maa na tɔmi ko ngɛ Daniel ma nɔ yemi ní tsumi ɔ he lo. Se a nɛ nɔ́ ko nɛ a maa da nɔ kɛ po e nya. A nɛ tɔmi ko ngɛ e he; ejakaa e yeɔ anɔkuale, nɛ e pee we nɔ́ nɛ dɛ.

Luka 20:20

Lɔ ɔ he ɔ, a bɔni lɛ huɔmi. A ha ni komɛ sika, nɛ a tsɔ mɛ Yesu ngɔ. A bua pee a he kaa nihi nɛ ma lɛ munyu kɛkɛ bimi; se a juɛmi ji a yaa wo e nya tso kpɛ. Kɛkɛ ɔ, a maa ngɔ lɛ ngɔ ha Roma nikɔtɔma amɛ, konɛ a kojo lɛ, nɛ a gbe lɛ.

Ni Tsumi 24:13

Jehanɛ hu, sanehi nɛ a kɛ fɔ ye nɔ nɛ ɔ, a be nya nyɛe maa tsɔɔ kaa a ngɛ mi.

Ni Tsumi 5:33

Benɛ kpe ngua a mi bi ɔmɛ nu munyu nɛ ɔ, e wo a mi mi la wawɛɛ nitsɛ, nɛ e pee mɛ kaa a gbe bɔfo ɔmɛ.

Ni Tsumi 7:54

Benɛ kpe ngua a mi bi ɔmɛ nu kikɛmɛ a munyu nɛ ɔmɛ ɔ, a mi mi wo la wawɛɛ nitsɛ, nɛ a kpe lungu nya kɛ wo e he.