Yeremia 2:8 - BAIBLO ALOO NGMAMI KLƆUKLƆU Ɔ

⁸ Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Yeremia 2:8 ပူးပေါင်းရင်းမြစ်များ

Matsɛmɛ I, 18:22

Lɔ ɔ se ɔ, Eliya de ke, “Imi nɔ kake too ji Yawɛ gbalɔ nɛ piɛ, se Baal gbali ɔmɛ lɛɛ a hiɛmi ji nimli lafa eywiɛ kɛ nyingmi enuɔ.

Matsɛmɛ I, 18:29

A hɛɛ mi kikɛ nɛ ɔ kɛ munyu tumi basabasa hluu kɛ ya si pu plɛplɛ; se heto ko bɛ, nɛ gbi ko hu pɛ́.

Matsɛmɛ I, 18:40

Eliya fa ke, “Nyɛɛ nuu Baal gbali ɔmɛ; nyɛ ko ha nɛ a ti nɔ kake ngmelu nɛ tu fo!” Ma a nuu mɛ tsuo, nɛ Eliya nyɛɛ a hɛ mi kɛ kple yoku ɔ kɛ ho Kishon pa a nya ya, nɛ e ya gbe mɛ ngɛ lejɛ ɔ.

Hiob 35:10

Se Mawu nɛ bɔ mɛ ɔ, nɔ nɛ baa a yi nyɔ mi tete po ɔ, lɛɛ nɔ ko hla we e se blɔ.

Yesaya 28:7

Gbali ɔmɛ, kɛ osɔfo ɔmɛ pohu tɔɔ dã, nɛ a tataa si. Wai kɛ dã nɛ nya wa fuu tsɔ nɛ a nuu ɔ, haa a hii si tɛe basabasa. Gbali ɔmɛ tɔɔ dã kpɔtɔɔ; lɔ ɔ he ɔ, ninahi nɛ Mawu haa mɛ ɔ, a nui sisi. Osɔfo ɔmɛ hu tɔɔ dã kpɔtɔɔ ja nɔuu; mɛ hu sanehi nɛ a kɛ ba haa mɛ ɔ, a nyɛ we nɛ a hyɛɛ mi.

Yesaya 29:10

Yawɛ ha mahe vii nɔ nyɛ nɔ, nɛ nyɛ hwɔ mahe kulaa. Nyɛ gbali ɔmɛ ɔ, Mawu kɛ nɔ́ bu a hɛ mi, nɛ e ha a yi nɔ.

Yesaya 30:5

Yuda bi ɔmɛ ma pia a he; benɛ a ngɛ blɔ hyɛe kaa Egipt ma ba piɛ a he ɔ, zo kɛ hɛ mi si puemi mohu ji nɔ́ nɛ maa je mi kɛ ba.”

Yeremia 10:21

I he nɔ ke, “Wa nɔ yeli ɔmɛ be juɛmi; a bi we Yawɛ ga womi. Enɛ ɔ he je ɔ, a yɛ́ nɔ; nɛ wa ma mi bi ɔmɛ tsuo gbɛ fĩa.

Yeremia 12:10

Ma nɔ yeli babauu ba puɛ ye wai ngmɔ ɔ; a ba naa ye ngmɔ ɔ nɔ, nɛ ye zugba saminyayoo ɔ plɛ pee nga kplanaa.

Yeremia 16:19

Yawɛ mo ji ye he bulɔ; mo lɛ o haa mi he wami. Ke haomi ba ye nɔ hu, mo ji nɔ nɛ piɛɔ ye he. Je mahi maa je je mi nyagbe he ɔmɛ kɛ ba o ngɔ, nɛ a ma ba de mo ke, “Gbosi ní nɛ wa nɛmɛ ɔmɛ na pɛ ji lakpa mawuhi, kɛ amagahi nɛ se nami ko be a he.

Yeremia 18:18

Kɛkɛ nɛ ma a de ke, “Nyɛ ha nɛ waa to Yeremia he ga. Daa nɛ ɔ, wa ma na osɔfohi nɛ maa tsɔɔ wɔ ní. Wa ma na ní leli nɛ maa wo wɔ ga, kɛ gbali nɛ ma ha wɔ Mawu sɛ gbi. Ke wa to ga nɛ ɔ, pi lɔ ɔ nɛ ma ha nɛ ní nɛ ɔmɛ a se maa po. Nyɛ ha nɛ waa po sane ngɔ fɔ e nɔ, nɛ waa jɔɔ e munyu ɔmɛ tue bumi.”

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Yeremia 2:6

A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”

Yeremia 5:31

Gbali ɔmɛ a sɛ gbi ɔ, lakpa sɔuu; nɔ́ nɛ mɛɛ a fa osɔfo ɔmɛ ke a pee ɔ, lɔ ɔ osɔfo ɔmɛ peeɔ. Nɛ ye ma a hu suɔ ja. Se nyagbe ɔ, kɛ a maa pee kɛɛ?”

Yeremia 7:8

“Nyɛɛ hyɛ, lakpa munyuhi nɛ a he be se nami ɔ, nyɛɛ lɛɛ lɔ ɔmɛ nyɛ heɔ yeɔ.

Yeremia 9:14

A wa tue, nɛ a ya pee mɛ nitsɛmɛ a suɔmi nya níhi mohu. A ya ja Baal amaga amɛ kaa bɔ nɛ a nɛmɛ ɔmɛ tsɔɔ mɛ ke a pee ɔ.

Ezekiel 22:26

Osɔfo ɔmɛ plɛɔ ye mlaa a hɛ mi buɔ si, nɛ a bleɔ ye ní klɔuklɔu ɔmɛ. A li slɔɔto nɛ ngɛ nɔ́ klɔuklɔu, kɛ nɔ́ gu a kpɛti. A tsɔɔ we ni ɔmɛ slɔɔto nɛ ngɛ nɔ́ nɛ he tsɔ, kɛ nɔ́ nɛ he tsɔ we a kpɛti. A kuɔ a hɛ ngɔ fɔɔ Hejɔɔmi ligbi ɔ nɔ. Lɔ ɔ he ɔ, Israel bi ɔmɛ bui mi fɛɛ.

Ezekiel 34:2

E ke, “Nɔmlɔ adesa, gbaa kɛ si Israel nɔ yeli ɔmɛ. De mɛ ke bɔ nɛ imi Nyɔmtsɛ Yawɛ, i ngɛ mɛ dee ji nɛ ɔ nɛ. Musu tloo nyɛ Israel to hyɛli! Nyɛ nitsɛmɛ nyɛ he pɛ nyɛ ngɛ lɛe; nyɛ hyɛ we to ɔmɛ a nɔ! Anɛ pi to ɔmɛ mohu nɛ to hyɛlɔ hyɛɛ lo?

Hosea 4:6

Ye ma a hɛ mi ma kpata, ejakaa a li nɔ. Ee, nyɛ osɔfo ɔmɛ, nyɛ kua nile, lɔ ɔ he ɔ, imi hu ma kua nyɛ. Akɛnɛ nyɛ hɛ je ye mlaa amɛ a nɔ he je ɔ, imi hu ye hɛ maa je nyɛ binyumu ɔmɛ a nɔ.

Habakuk 2:18

Mɛni se nami ngɛ amaga he? E ji nɔ́ ko kɛkɛ nɛ nɔmlɔ adesa pee, nɛ lakpa pɛ e toɔ. Mɛni se nami ngɛ he ha nɔ nɛ pee lɛ ɔ, kaa e maa ngɔ e hɛ kɛ fɔ e nɔ; mawu nɛ nyɛ we munyu tete po nɛ e tuɔ ɔ!

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Luka 11:52

“Nyɛ mlaa tsɔɔli, musu tloo nyɛ! Safe nɛ bliɔ sinya nɛ yaa nile we ɔ, nyɛ ngɔ kɛ to; nyɛ nitsɛmɛ nyɛ yɛ lejɛ ɔ, nɛ nihi nɛ hlaa kaa a maa ya hu nyɛ tsiɔ mɛ blɔ!”

Yohane 16:3

Nihi maa pee nyɛ ní nɛ ɔmɛ, ejakaa a li Tsɛ ɔ; nɛ a li imi hulɔ.

Yohane 8:55

Imi le lɛ, se nyɛɛ lɛɛ nyɛ li lɛ. Ke i de ke i li lɛ ɔ, lɛɛ lakpatsɛ ji mi kaa nyɛ nɔuu. Se i le lɛ, nɛ i buɔ lɛ tue.

2 Korintobi 4:2

Wa kpa laami mi zo ní tsumi; wa yi kutupɔ, nɛ Mawu munyu ɔ hu wa tsakee we hɛ mi. Wa fiɛɔ Mawu sɛ gbi ɔ paa ngɛ ma hɛ mi, nɛ wa bɔɔ mɔde kaa nihi nɛ a ná wa he juɛmi kpakpa ngɛ Mawu hɛ mi.

Mose V, 33:10

A maa tsɔɔ Israel bi ɔmɛ o mlaa a, konɛ a ye nɔ. A maa sã bɔ ɔmɛ ngɛ o bɔ sami la tɛ ɔ nɔ.

Samuel I, 12:21

Nyɛ ko ya nyɛɛ yaka níhi nɛ a he be se nami, nɛ a be nyɛ yi wami nyɛe ma he ɔ a se; ejakaa yaka níhi kɛkɛ ji mɛ.

Samuel I, 2:12

Eli binyumu ɔmɛ ɔ, yakayaka nimli ji mɛ; a bui Yawɛ,