Yeremia 2:7 - BAIBLO ALOO NGMAMI KLƆUKLƆU Ɔ

⁷ I ngɔ mɛ kɛ ba zugba nɛ baa ní nɔ, konɛ a ba ye zugba a nɔ yiblii kɛ ní kpakpahi. Se benɛ a ba a, a ba ble zugba a, nɛ a ngɔ ye weto ní ngɔ pee nɔ́ nɛ a hiee.

Yeremia 2:7 ပူးပေါင်းရင်းမြစ်များ

Yeremia 16:18

Ma gbla a tue si enyɔ ngɛ a yayami ɔmɛ, kɛ a yi wu tso ní ɔmɛ a he. A ngɔ amagahi nɛ ngɛ kaa ni gbogboehi nɛ wami ko be a mi ɔ kɛ ble ye zugba a; nɛ zugba a hyi tɔ kɛ a níhi nɛ a hiee ɔ.”

Mose IV, 13:27

A de Mose ke, “Wa ya slaa zugba a nɛ o tsɔ wɔ e nɔ ɔ; niinɛ, wa na kaa e ji zugba kpakpa nɛ baa ní. Zugba a nɔ tso yiblii komɛ po ji nɛ ɔmɛ nɛ.

Ezekiel 36:17

E ke, “Nɔmlɔ adesa, benɛ Israel bi ɔmɛ ngɛ a zugba a nɔ ɔ, a ngɔ a ní peemi níhi, kɛ a blɔ yaya amɛ kɛ ble lejɛ ɔ. A je mi bami nɛ a kɛ ble a he ɔ ngɛ kaa bɔ nɛ yo nɛ ku nine nɛ e he tsɔ we ngɛ ɔ pɛpɛɛpɛ.

Yeremia 3:9

E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Yeremia 3:1

Yawɛ ke, “Ke nyumu ko fie e yo, nɛ yo ɔ je e he nɛ e ya pee nyumu kpa e yo ɔ, nyumu nɛ ɔ be he blɔ nɛ e ya ngɔɔ lɛ ekohu. Ke e pee ja a, e ble zugba a gbidii. Se Israel, moo lɛɛ o je ye he nɛ o ya ngɔ yihi babauu. Nɛ jehanɛ lɛɛ o ngɛ hlae nɛ o kpale kɛ ba ye ngɔ!

Mika 2:10

Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

Ezekiel 20:6

Jamɛ a ligbi ɔ, i ka mɛ kita ke ma je mɛ kɛ je Egipt zugba a nɔ, nɛ ma kpaka mɛ kɛ ya zugba ko nɛ i hla ha mɛ, zugba kpakpa nɛ baa ní saminya, nɛ e ngɛ fɛu pe kulaa nɔ.

Nehemia 9:25

A ngɔ ma nguahi nɛ a fia gbogbo ngɔ wo a he ɔ zugba nɛ baa ní, kɛ wehi nɛ hyi tɔ kɛ ní kpakpahi tsuo; a ngɔ nyu vuhi nɛ a tsua momo, oliv tsohi, tsohi nɛ woɔ yiblii, kɛ wai ngmɔhi. A ye ní ɔmɛ nyamanyama; a tɔ nɛ a plɔke. Ní kpakpa amɛ nɛ o ha mɛ ɔ, a nya he.

Mose V, 21:23

ko ha nɛ e hi tso ɔ nɔ nɛ je nɛ na yi. A pu lɛ jamɛ a ligbi ɔ kɛ̃; ejakaa nɔ gbogboe nɛ bɛle si ngɛ tso nɔ ɔ kɛ Mawu gbiɛmi baa zugba a nɔ. Moo pu gbogboe ɔ, bɔ nɛ pee nɛ o ko ble zugba a nɛ Yawɛ, o Mawu ɔ ngɛ mo hae ɔ.

Mose V, 6:18

Nɔ́ tsuaa nɔ́ nɛ Yawɛ de ke e da, loo e hi ɔ, nyɛɛ pee. Ke nyɛ pee ja a, e maa hi ha nyɛ, nɛ nyɛ ma nyɛ ya ngɔ zugba kpakpa a nɛ Yawɛ wo nyɛ nɛmɛ ɔmɛ si ke e ma ha mɛ ɔ;

Yeremia 3:2

Wo o yi nɔ nɛ o hyɛ yoku kpataa amɛ a nɔ. Anɛ he ko ngɛ nɛ a kɛ mo hwɔɛ ngɛ lo? O ya hiɔ si ngɛ blɔ tue kɛ hii o suɔli blɔ hyɛe. Mo nɔ kake o ya hiɔ si ja, kaa Arabia no ngɛ nga kplanaa nɔ. O kɛ yahomi, kɛ ní yayamihi peemi ble zugba a.

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.

Yeremia 32:30

Kɛ je blema teteete ɔ, yayami sɔuu lɛ Israel bi, kɛ Yuda bi ngɛ pee, nɛ a kɛ ngɛ ye mi mi la woe.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Hosea 9:3

Israel be zugba nɛ ɔ nɔ hie daa. A maa kpale kɛ ho Egipt ya, nɛ niye ní nɛ he tsɔ we ɔ, lɔ ɔ a ma ya ye ngɛ Asiria.

Mose V, 32:9

Se Yakob nina lɛɛ, Yawɛ hla lɛ kaa lɛ nitsɛ e ma.

Nehemia 9:26

“Se enɛ ɔmɛ tsuo a se ɔ, o ma a tsɔ o hɛ mi atuã, nɛ a bui mo tue; a sake o mlaa a ngɔ fɔ a tue se. A gbe gbali ɔmɛ nɛ ka a hɛ mi, nɛ de mɛ ke a kpale kɛ ba o ngɔ ɔ; kɛ nɔ a bɔ musu babauu.

Yesaya 19:25

Yawɛ Tabohiatsɛ ɔ maa gbaa mɛ ke, “A gbaa mo, ye ma, Egipt, kɛ Asiria nɛ i ngɔ ye nine kɛ bɔ, kɛ Israel, ma nɛ i hla ngɔ to kaa ye weto ní.”

Ezekiel 20:24

I pee nɔ́ nɛ ɔ, ejakaa a bui ye blɔ nya tomi ɔmɛ, nɛ ye mlaa amɛ hu, a yi nɔ; jehanɛ hu, a ble ye Hejɔɔmi ligbi ɔmɛ, nɛ a nɛmɛ ɔmɛ a we amaga amɛ mohu a suɔ wawɛɛ.

Ezekiel 23:35

Bɔ nɛ Nyɔmtsɛ Yawɛ ngɛ mo dee ji nɛ ɔ nɛ: “O hɛ je ye nɔ, nɛ o plɛ se ngɔ wo mi; lɔ ɔ he ɔ, o maa na o yahomi, kɛ o we ajuama bɔmi ɔ mi nɔ́.”