Yeremia 2:6 - BAIBLO ALOO NGMAMI KLƆUKLƆU Ɔ

⁶ A bi we ke, ‘Jije Yawɛ ngɛ?’ Pohu, imi lɛ i je mɛ kɛ je Egipt zugba a nɔ; imi lɛ i kpaka mɛ kɛ gu nga kplanaa a nɔ, zugba kɛ e mi muɔhi kɛ e mi diblii kpii, zugba nɛ nyu be nɔ, nɛ nɔmlɔ adesa ko be nɔ, nɛ nɔ ko hu gui nɔ.

Yeremia 2:6 ပူးပေါင်းရင်းမြစ်များ

Matsɛmɛ II, 2:14

E kɛ Eliya tade ɔ fia nyu ɔ mi, nɛ e bi ke, “Jije Yawɛ, Eliya Mawu ɔ ngɛ?” E ngɔ tade ɔ kɛ fia nyu ɔ mi ekohu, nɛ nyu ɔ mi gba kɛ ya hiɛ kɛ hiɛ; nɛ e nyɛɛ kɛ be.

Hiob 3:5

Ha nɛ e pee mɔbɔ ligbi, nɛ je ɔ mi nɛ wo diblii kpii. Ha nɛ bɔku tuu ba ha pu ɔ hɛ mi.

Hiob 35:10

Se Mawu nɛ bɔ mɛ ɔ, nɔ nɛ baa a yi nyɔ mi tete po ɔ, lɛɛ nɔ ko hla we e se blɔ.

La 23:4

Ke i nyɛɛ diblii kpii mi po, i yi gbeye; ejakaa mo Yawɛ, o ngɛ ye kasa nya haa. O to tsɔ̃mi tso ɔ, kɛ o dɛma tso ɔ ji níhi nɛ woɔ mi he wami.

La 77:5

Ye juɛmi ya su blema lokoo, nɛ i kai jehahi nɛ be kɛ ho.

Mose II, 20:2

“Imi ji Yawɛ, o Mawu ɔ nɛ je mo kɛ je Egipt zugba a nɔ kɛ je nyɔguɛ yemi mi ɔ nɛ.

Yesaya 63:9

kɛ je a haomi tsuo kulaa mi. Pi bɔfo ko nɛ e tsɔ, se lɛ nitsɛ lɛ e he a yi wami. E suɔmi, kɛ e mɔbɔ nami he je ɔ, e kpɔ mɛ, nɛ e hɛɛ mɛ saminya ngɛ blema be ɔmɛ tsuo a mi.

Yesaya 64:7

Nɔ ko nɔ ko be nɛ faa kue ha mo; nɛ nɔ ko nɔ ko ba bi we yemi kɛ buami kɛ ji o ngɔ. O ngɔ o hɛ mi kɛ laa wɔ. Wa yayami ɔmɛ ha nɛ o kua wɔ.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.

Yeremia 2:2

ma fiɛ ha nɔ tsuaa nɔ ngɛ Yerusalem ke, “I kai kaa be nɛ nyɛ ngɛ nihe mi ɔ, nyɛ ye mi anɔkuale, nɛ nyɛ je nyɛ suɔmi kpo kɛ tsɔɔ mi kaa bɔ nɛ ayɛflo suɔ e huno ɔ; nyɛ nyɛɛ ye se kɛ ya gu nga kplanaa nɔ ngɛ zugba nɛ a du we ní ngɛ nɔ ɔ nɔ.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Yeremia 5:12

Yawɛ ma mi bi ɔmɛ sisi mɛ nitsɛmɛ a he, nɛ a de ke, “Yawɛ loo! Mɛni e ma nyɛ maa pee? Haomi ko haomi ko be wa nɔ bae fɛɛ! Ta, loo hwɔ hu be bae.”

Yeremia 5:2

Nyɛ ngɔɔ Yawɛ biɛ kɛ kaa kita, se nyɛ ní peemi níhi slo.

Yeremia 51:43

Babilon ma amɛ plɛ pee níhi nɛ a hiee; zugba a pee kaa nga kplanaa nɛ nyu be nɔ. Nɔ ko nɔ ko be lejɛ ɔ, nɛ nɔ ko hu ba bi ngɛ lejɛ ɔ.

Hosea 12:13

Yawɛ ha nɛ gbalɔ ko ya je e ma Israel kɛ je Egipt. Gbalɔ nɛ ɔ tsɔɔ mɛ blɔ, nɛ e hyɛ a nɔ.

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Amos 2:10

Imi lɛ i je nyɛ kɛ je Egipt bi ɔmɛ a zugba a nɔ ɔ nɛ. I kpaka nyɛ kɛ gu nga a nɔ jeha nyingmi eywiɛ, nɛ i ngɔ Amor bi ɔmɛ a zugba a kɛ ha nyɛ, nɛ e ba pee nyɛ nɔ́.

Mateo 4:16

Nihi nɛ hi diblii mi ɔ ba na la nguaa. Ni nɛmɛ nɛ hi gbenɔ zugba, kɛ gbenɔ hɔ̃ mi ɔ, la je ha mɛ.”

Mose V, 1:19

“Kaa bɔ nɛ Yawɛ, wa Mawu ɔ fa wɔ ɔ, wa hia kɛ je Sinai yo ɔ he, kɛ gu nga kplanaa nɛ nɔ ngɛ gbeye ɔ nɔ, kɛ ya be ngɛ Amor bi ɔmɛ a yo zugba amɛ a nɔ.

Mose V, 32:10

“E na lɛ ngɛ nga kplanaa a nɔ, he nɛ nɔ ko nɔ ko be. E bu e he, nɛ e hyɛ e nɔ saminya kaa bɔ nɛ nɔ hyɛɛ e bi kpakpa nɛ e suɔ lɛ nɔ.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Manyadali 6:13

Gideon de lɛ ke, “I kpa mo pɛɛ, ke Yawɛ kɛ wɔ ngɛ niinɛ ɔ, mɛni he je lɛ ní nɛ ɔmɛ tsuo ba wa nɔ mɔ? Nyakpɛ níhi tsuo nɛ wa nɛmɛ ɔmɛ gba wɔ ke Yawɛ pee ha mɛ ɔ, jije a ngɛ? Pi lɛ nɛ e kpaka mɛ kɛ je Egipt kɛ ba a? Amlɔ nɛ ɔ lɛɛ Yawɛ sake wɔ ngɔ fɔ he; e ngɔ wɔ kɛ wo Midian bi ɔmɛ a dɛ mi.”