Yeremia 2:5 - BAIBLO ALOO NGMAMI KLƆUKLƆU Ɔ

⁵ Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

Yeremia 2:5 ပူးပေါင်းရင်းမြစ်များ

Matsɛmɛ II, 17:15

A kua e blɔ nya tomi ɔmɛ, kɛ somi nɛ e kɛ a nɛmɛ ɔmɛ so ɔ, kɛ slɔmihi nɛ e slɔ mɛ ɔ. A ya nyɛɛ yakayaka amagahi a se, nɛ mɛ nitsɛmɛ a plɛ pee yakayaka nimli. Je ma amɛ nɛ bɔle mɛ kɛ kpe, nɛ Yawɛ wo mɛ mlaa ngɛ a he ke a ko pee a níhi kaa mɛ ɔ, a ya nyɛɛ jamɛatsɛmɛ ɔmɛ mohu a se.

Romabi 1:21

A le Mawu ji nɛ, se e hɛ mi nyami nɛ sa kaa a woɔ kaa Mawu ji lɛ ɔ, a wui; nɛ a nɛ́ lɛ si hulɔ. Lɔ ɔ ji kaa nɔ́ kpakpa ko kulaa be a juɛmi mi; nɛ a kɔ we nɔ́ se, ejakaa a juɛmi mi wo diblii kpii.

Yona 2:8

Nihi nɛ jaa amagahi, nɛ ji níhi nɛ a he be se nami ɔ, a ji nihi nɛ je a Mawu ɔ nɛ sa kaa a ja lɛ ɔ se.

La 115:8

Nihi nɛ pee mɛ ɔ ngɛ kaa amaga amɛ nɔuu. Ni nɛmɛ nɛ ngɔɔ a hɛ kɛ fɔɔ a nɔ ɔ, jã kɛ̃ a ngɛ.

Yesaya 44:9

Amaga puɛli ɔmɛ tsuo ji nimli guhi, nɛ amaga amɛ nɛ a buu kaa nɔ́ ko ɔ, a he be se nami ko kulaa. Nihi nɛ jaa kikɛmɛ a ní nɛ ɔmɛ ɔ, a hɛngmɛ yu; a li nɔ́ ko fɛɛ; zo maa gbe mɛ.

Samuel I, 12:21

Nyɛ ko ya nyɛɛ yaka níhi nɛ a he be se nami, nɛ a be nyɛ yi wami nyɛe ma he ɔ a se; ejakaa yaka níhi kɛkɛ ji mɛ.

Mose V, 32:21

A kɛ a we amagahi wo ye mi mi la. A kɛ a yaka mawu ɔmɛ ye ye tsui. Lɔ ɔ he ɔ, ma ngɔ ma gu ko kɛ wo a mi mi la; ma ngɔ ma kɛ e mi kuasiahi sɔuu kɛ ye a tsui.

Ni Tsumi 14:15

“Tsaatsɛmɛ, mɛni nyɛ ngɛ pee nɛ ɔ? Wɔ hu nimli adesahi kɛkɛ ji wɔ kaa nyɛ nɔuu. Wa ngɛ sane kpakpa a fiɛe kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a ní nɛ ɔmɛ nɛ a he be se nami ɔ a he kɛ ba Mawu hɛ kalɔ ɔ ngɔ. Lɛ nɛ e bɔ hiɔwe, kɛ zugba, kɛ wo, kɛ níhi tsuo nɛ ngɛ a mi ɔ.

Yeremia 2:31

Nyɛ Israel ma, nyɛɛ bu nɔ́ nɛ imi, Yawɛ i ngɛ dee ɔ tue. Anɛ i kɛ nyɛ ye sane nɛ dɛ lo? Anɛ i pee kaa nga kplanaa, aloo zugba nɛ e nɔ wo diblii kpii ha nyɛ lo? Mɛni he je mɔ nɛ nyɛ deɔ ke, ‘Jehanɛ lɛɛ wa ye wa he, wa pa be Mawu ngɔ yae hu?’ ɔ.

Mateo 15:8

‘Nimli nɛ ɔmɛ ɔ, a nya mi munyu kɛkɛ a kɛ woɔ ye hɛ mi nyami; se a tsui mi lɛɛ, a sume mi saasaa.

Ezekiel 11:15

“Nɔmlɔ adesa, nihi nɛ ngɛ Yerusalem ɔ, bɔ nɛ a ngɛ o nyɛmimɛ ɔmɛ, kɛ nihi tsuo nɛ a nuu kɛ ho ma se ya a dee ji nɛ ɔ nɛ: ‘Nyɛ je Yawɛ he kɛ ho se ya tsɔ. Wɔ ji nihi nɛ a ngɔ zugba a kɛ ha kaa wa weto ní.’

Yeremia 14:22

Je ma amɛ a we amaga amɛ ekoeko be nɛ ma ha nɛ hiɔmi maa nɛ ha wɔ; hiɔwe tete po be nyɛe ma ha nɛ hiɔmi maa nɛ. Yawɛ, wa Mawu, o nɔ wa ngɔ wa hɛ kɛ fɔ, ejakaa mo lɛ o peeɔ ní nɛ ɔmɛ tsuo.

Yeremia 12:2

O toɔ mɛ si kaa bɔ nɛ a duɔ ní; a tsɛ̃ɛ̃ sipoku, a waa, nɛ a woɔ yiblii. A woɔ o biɛ ta ji nɛ, se a tsui be o he.

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Yesaya 29:13

Nyɔmtsɛ ɔ ke, “Ni nɛ ɔmɛ ke a ngɛ mi jae, se sisi numi ko be munyu ɔmɛ nɛ a ngɛ tue ɔ mi, ejakaa a tsui ngɛ he kpa kulaa. Nimli adesahi a mlaahi, kɛ blema sanehi nɛ a kase ngɔ wo a yi mi nɛ a deɔ kɛ a nya kɛkɛ ɔ ji nɔ́ nɛ a tsɛɛ ke jami.

Yesaya 46:12

“Nyɛ ma nɛ nyɛ tue mi ti, nɛ nyɛ susuɔ kaa kunimi yemi ngɛ se lokoo, nyɛɛ bu tue.

Yeremia 2:4

Nyɛ Yakob nina, kɛ Israel wɛtsohi tsuo, nyɛɛ bu Yawɛ sɛ gbi tue.

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Ezekiel 14:5

Kɛkɛ ɔ, Israel ma a tsuo nɛ a kɛ amaga jami tsɔ a he kɛ je ye he ɔ, ma ha a maa kpale kɛ ba ye ngɔ ekohu kɛ a tsui tsuo.