Yeremia 2:36 - BAIBLO ALOO NGMAMI KLƆUKLƆU Ɔ

³⁶ Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Yeremia 2:36 ပူးပေါင်းရင်းမြစ်များ

Yeremia 31:22

Nyɛ ma nɛ nyɛ be hemi kɛ yemi! Kɛ yaa si mɛni be lɛ nyɛ yi mi maa pee nyɛ enyɔɔnyɔ? I bɔ nɔ́ he ko kɛ wo je ɔ mi; yo mohu maa bu nyumu he.”

Hosea 5:13

“Benɛ Israel na kaa e hiɔ ɔ nya ba wa, nɛ Yuda hu na kaa e plaa wawɛɛ nitsɛ ɔ, Israel ho Asiria matsɛ ɔ ngɔ ya ya bi yemi kɛ buami. Se e nyɛ we nɛ e tsa hiɔ ɔ ha Israel, nɛ pa amɛ hu e nyɛ we nɛ e pee nɔ́ ko ngɛ a he.

Hosea 12:1

“Daa nyɔ kɛ pia a, yi wu tso níhi, kɛ níhi nɛ a he be se nami sɔuu Israel ma a ngɛ pee. A sisiɔ nɔ, nɛ a pueɔ muɔ si. A kɛ Asiria ngɛ huɛ bɔe, nɛ Egipt lɛɛ a kɛ lɛ yeɔ nu jua.”

Yeremia 2:23

O ma de ke o ble we o he lo? O ma de ke o ja we Baalhi hyɛ lo? Hyɛ bɔ nɛ o pee yayami ngɛ kɔ̃ ɔ mi; hyɛ nɔ́ nɛ o pee. O pee kaa afukpɔngɔ yo nɛ he mi jɔɛ lɛ, nɛ ngɛ kpae kɛ ngɛ yae kɛ ngɛ bae.

Kronika II, 28:16

Pee se ɔ, Edom bi ɔmɛ ba tua Yuda ekohu, nɛ a nuu ta nyɔguɛhi babauu kɛ ho. Enɛ ɔ he je ɔ, Matsɛ Ahaz tsɔ ya de Asiria matsɛ, Tiglat Pileser ke e ba je ngmlaa ha lɛ.

Hosea 14:3

Asiria be nyɛe ma he wa yi wami. Wa be wa he ngɔe kɛ fɔ ta okpɔngɔhi a nɔ. Wa be wa amaga amɛ dee hu ke mɛ ji wa Mawu. Yawɛ, mo nɛ o naa awusahi mɔbɔ.”

Hosea 10:6

Niinɛ, amaga a nitsɛ lɛɛ a maa ngɔ kɛ ya Asiria kɛ ya ke matsɛ ngua a. Israel bi a hɛ mi ma pue si, nɛ zo maa gbe mɛ saminya ngɛ amaga nɛ a puɛ ɔ he.

Hosea 7:11

Israel ngɛ kaa beleku lahuɛ nɛ ngɛ tee kɛ ngɛ yae kɛ ngɛ bae; e be juɛmi. Ke o ke o hyɛɛ ɔ, Israel bi ji nɛ nɛ a yaa bi yemi kɛ buami ngɛ Egipt; pee se kɛkɛ a pue Asiria blɔ.

Ezekiel 29:7

Benɛ a pɛtɛ he ɔ, e ku, nɛ e plaa a konɔ tsuo. A ke a ma kpasa lɛ ɔ, e ku nɛ e ha a nanehi hluã.

Kɔmɔ Yemi 5:6

Wa ngɔ wa he ya bɔ Egipt, kɛ Asiria bi a he, konɛ wa ná ngma nɛ waa ye nɛ waa tɔ.

Kɔmɔ Yemi 4:17

Wa hyɛ yemi kɛ buami blɔ hluu kɛ ya si pɔ tɔ wa hɛngmɛ he, nɛ e ko hu bɛ. Wa mlɛ kaa je ma ko maa je ngmlaa ha wɔ lo, se lɛ tsuo pee yaka; nɔ ko nɔ ko bɛ nɛ e ba je ngmlaa ha wɔ.

Yeremia 37:7

ma ya de Zedekia ke, “Farao ɔ tabo ɔ nɛ ba piɛ o he ɔ maa kpale a se kɛ ya mɛ nitsɛmɛ a zugba nɔ ngɛ Egipt.

Yeremia 2:33

Nyɛɛ hyɛ bɔ nɛ nyɛ toɔ ga kɛ hlaa yo! Yi yaholi kpanakuhi po maa kase ní kɛ je nyɛ ngɔ.

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Yesaya 20:5

Nihi nɛ ngɔ a hɛ ngɔ fɔ Sudan nɔ, nɛ a fĩa fɔ Egipt nɔ ɔ, a hɛ mi maa pee mɛ yaa, nɛ a hɛ kɛ nɔ fɔmi tsuo maa ta.

Yeremia 46:12

Je ma amɛ nu kaa nyɛ hɛ mi pue si; nɔ tsuaa nɔ nu ngmlaa nɛ nyɛ ngɛ kpae ɔ. Katsɛmɛ ɔmɛ ngɛ a sibi tɛe, nɛ a ngɛ si nɔɔe.

Ezekiel 16:28

“O ya bɔ ajuama kɛ kpa zugba a tsuo nɔ kɛ ya su Asiria bi ɔmɛ a ngɔ tɔɔ. O kɛ mɛ bɔ ajuama basaa, se lɔ ɔ tete po sui o nya.

Yeremia 22:20

Yerusalem ma, nyɛɛ ya nɛ nyɛ ya kpa bubuubui ngɛ Lebanon. Nyɛɛ ya Bashan nɛ nyɛ ya kpa bubuubui ngɛ lejɛ ɔ. Nyɛ ya kpa kuu ngɛ Moab yo ɔmɛ a nɔ, ejakaa a kpata nyɛ huɛmɛ ɔmɛ tsuo a hɛ mi.

Yeremia 22:22

Kɔɔhiɔ maa muɔɔ nyɛ hɛ mi nyɛɛli ɔmɛ tsuo kɛ ho; a maa nuu nyɛ huɛmɛ ɔmɛ nyɔguɛ; a maa bɔ nyɛ ma amɛ ahlua ngɛ ní yayamihi tsuo nɛ nyɛ pee ɔ a he.