Yeremia 2:34 - BAIBLO ALOO NGMAMI KLƆUKLƆU Ɔ

³⁴ Ohiatsɛmɛ nɛ pee we yayami ko a muɔ ji so nɛ ngɛ nyɛ tadehi a mi; pi ojo fiali a muɔ. “Se enɛ ɔmɛ tsuo a se ɔ,

Yeremia 2:34 ပူးပေါင်းရင်းမြစ်များ

Matsɛmɛ II, 21:16

Ngɛ yayamihi nɛ Manase ha nɛ Yuda pee kɛ si Yawɛ ɔ se ɔ, e pue nihi babauu nitsɛ nɛ pee we nɔ́ ko a muɔ si; nɛ Yerusalem he tsuaa he hyi kɛ muɔ.

Matsɛmɛ II, 24:4

titli ɔ, kaa e pue nihi babauu nɛ pee we nɔ́ yayami ko a muɔ si ngɛ Yerusalem. Yawɛ kɛ nɔ́ nɛ Manase pee nɛ ɔ pɛ́ lɛ.

Mose II, 22:1

“Ke nɔ ko ya ju na nɛ e gbe, loo e jua a, a ma he lɛ na enuɔ kɛ to na kake ɔ nya; ke to ɔ, lɛɛ a ma he lɛ to eywiɛ kɛ to to kake ɔ nya. Ke a na lohwe ɔ nɛ e ju ɔ ngɛ e dɛ hɛ ngmengmle ɔ, na jio, teji jio, to jio, lohwe kake he ɔ, e wo lohwe enyɔ nya hiɔ. Ke nɔ́ ko be e dɛ ɔ, a jua lɛ kaa nyɔguɛ nɛ a kɛ wo nɔ́ nɛ e ju ɔ he hiɔ. “Nyɔ mi ke a nu julɔ nɛ ngɛ we ko mi sɛe, nɛ a fia lɛ nɔ́ nɛ a gbe ɔ, nɔ nɛ gbe lɛ ɔ yi fɔ kaa e gbe nɔmlɔ. Se ke piani nɛ e ba mi ja a, lɛɛ nɔ nɛ gbe julɔ ɔ yeɔ fɔ kaa e gbe nɔmlɔ.

Yesaya 57:5

Nyɛ nɛ nyɛ he mi akɔnɔ teɔ si, nɛ́ nyɛɛ kɛ bɔɔ ajuama ngɛ tso nguanguahi nɛ bɔ kusuu a sisi. Nyɛ ngɔɔ nyɛ bimɛ kɛ sãã bɔ ngɛ tɛ puɔhi a mi ngɛ kɔ̃ ɔmɛ a mi.

Yesaya 59:3

Nyɛ yeɔ fɔ, ejakaa nyɛ pueɔ muɔ si, nɛ nyɛ peeɔ yayamihi babauu. Yi wu tso níhi a he sɔuu nyɛ susuɔ, nɛ munyuhi nɛ jeɔ nyɛ nya a, lakpa sɔuu.

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Yeremia 19:4

Ma pee kikɛmɛ a nɔ́ nɛ ɔ, ejakaa ma a kua mi, nɛ a sã bɔhi kɛ ha mawu kpahi, nɛ a kɛ ble hiɛ ɔ. Kikɛmɛ a mawu nɛ ɔmɛ ɔ, nihi nɛ ngɛ zugba a nɔ amlɔ nɛ ɔ jio, a nɛmɛ ɔmɛ jio, Yuda matsɛmɛ ɔmɛ jio, a ti nɔ ko nɔ ko ja we hyɛ. A pue nihi babauu nɛ pee we nɔ́ ko a muɔ si ngɛ hiɛmɛ nɛ ɔ,

Yeremia 2:33

Nyɛɛ hyɛ bɔ nɛ nyɛ toɔ ga kɛ hlaa yo! Yi yaholi kpanakuhi po maa kase ní kɛ je nyɛ ngɔ.

Yeremia 6:15

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.”

Yeremia 7:31

A ya ma bɔ sami la tɛ ko ngɛ Hinom kɔ̃ ɔ mi, konɛ a sã a binyumu ɔmɛ, kɛ a biyi ɔmɛ ngɛ nɔ. A wo bɔ sami la tɛ ɔ biɛ ke Tofet. I wui mɛ mlaa ke a pee nɔ́ ko kaa kikɛ nɛ ɔ; nɔ́ nɛ ɔ bɛ ye yi mi po hyɛ.

Yeremia 7:6

Nyɛ ko wa nibwɔhi, loo awusahi, loo yalɔyihi yi mi. Nyɛ ko pue nɔ ko muɔ si yaka gu ngɛ zugba nɛ ɔ nɔ. Nyɛ ko ya nyɛɛ mawu kpahi a se; ke nyɛ pee ja a, nyɛ hɛ mi ma kpata.

Yeremia 8:12

Anɛ zo gbe mɛ benɛ a tsu musu ní nɛ ɔmɛ lo? Dɛbi, zo gbi mɛ fɛɛ; nɔ́ nɛ a tsɛɛ ke zo po a li. Enɛ ɔ he je ɔ, mɛ hu a ma gbo kɛ piɛ ni nɛmɛ nɛ a maa gbe ɔ a he. Ke i gbla a tue kɛkɛ a nyagbe ji lɔ ɔ nɛ. Imi, Yawɛ lɛ i de.

Kɔmɔ Yemi 1:9

Yerusalem he yayami ɔ ngɛ fu jee gbɛɛ; se lɛ nitsɛ lɛɛ nɔ́ nɛ ma e nɔ ɔ pee we lɛ kɔmɔ ko kulaa. E si nɔmi ɔ nya wa; nɔ ko nɔ ko be nɛ maa wo lɛ bua. E jé ngmlaa ke, “Ao! Yawɛ, moo hyɛ nɛ o na mi mɔbɔ, ejakaa ye he nyɛli ɔmɛ ye kunimi!”

Kɔmɔ Yemi 4:14

A hii nyɛɛe kɛ hii yae kɛ hii bae ngɛ gbɛjegbɛ ɔmɛ a nɔ kaa hɛ yuyuili. A kɛ muɔ ble a he, lɔ ɔ he ɔ, nɔ ko nɔ ko nyɛ we nɛ e ta a tade ɔmɛ a he.

Ezekiel 20:31

Amlɔ nɛ ɔ po, nyɛ ngɔɔ nike níhi kɛ ya haa amagahi, nɛ nyɛ ngɔɔ nyɛ bimɛ ngɔ haa nɛ a sã mɛ ngɛ la mi; nyɛ jaa amagahi babauu kɛ bleɔ nyɛ he. Israel bi, enɛ ɔmɛ tsuo a se ɔ, nyɛ kpale baa ke a bi mi ní ha nyɛ. I be kplɛɛe nɛ nɔ ko ba bi mi ní ha nyɛ. Imi, Nyɔmtsɛ Yawɛ lɛ i de.

Ezekiel 22:25

Nyɛ ganɔ ɔmɛ ya so, nɛ a pee a he kaa jata nɛ ngɛ huãe nɛ ngɛ lohwe nɛ e gbe mi tsɔtslɔɔe. A gbee nihi, nɛ a ngɔɔ a sika, kɛ a weto ní tsuo ngɛ a dɛ. Nyumuhi babauu nɛ a gbe ɔ ha yalɔyihi hu a he ba hiɛ ngɛ ma a mi.

Ezekiel 23:45

Nihi nɛ peeɔ nɔ nɛ da maa bu mɛ fɔ kaa a puɛ gba, nɛ a pue muɔ si hulɔ; ejakaa a ngɔ yahomi kɛ pee a ní tsumi, nɛ a pue muɔ si.”

Ezekiel 24:7

A pue muɔ si ngɛ ma a mi. Pi zugba nɛ muɔ ɔ pue nɛ a maa ngɔ tabo zu kɛ tsi nɔ, se tɛ sa kpataa nɔ.

Ezekiel 9:9

Mawu he nɔ ke, “Israel kɛ Yuda bi ɔmɛ pee yayami agbo; fɔ nɛ a ye ɔ kle tsɔ. Zugba a nɔ tsuo hyi tɔ kɛ muɔ si puemi; nɛ Yerusalem ma a mi hu a yi dami sane. A ngɛ dee ke imi Yawɛ, i kua zugba a, nɛ i nɛ mɛ.