Yeremia 2:27 - BAIBLO ALOO NGMAMI KLƆUKLƆU Ɔ

²⁷ A ma pue nyɛ tsuo pɛpɛɛpɛ nyɛ hɛ mi si, nyɛ ni nɛmɛ nɛ nyɛ tsɛɔ tso ke nyɛ tsɛ, nɛ nyɛ deɔ ke nyɛ nyɛ ji tɛ sa a. Nɔ́ nɛ ɔ maa ba mi, ejakaa nyɛ tsɔ ye hɛ mi atuã, be mi nɛ e sa kaa nyɛ ba nyɛɛ ye se mohu. Se ke haomi ba nyɛ nɔ lɛɛ nyɛ deɔ ke ma ba he nyɛ yi wami.

Yeremia 2:27 ပူးပေါင်းရင်းမြစ်များ

Yesaya 26:16

Yawɛ, o gbla o ma a tue; nɛ benɛ e fi mɛ ɔ, a fa kue kɛ tsɛ mo.

Hosea 7:14

Ke a ngɛ kue fae ha mi ɔ, e ji a tsui mi; awe sɔuu a hii nyae ngɛ sa mi. Ke a ngɛ sɔlee nɛ ma ha mɛ blɛfo kɛ dã a, a kɛ nɔ́ poɔ a he basabasa kaa wɔ jali. Atuã tsɔli!

Hosea 5:15

“Ma ngmɛɛ ye ma a he, konɛ a na nɔ́ wawɛɛ. Kɛkɛ ɔ, a ma pia a he ngɛ a yayami ɔmɛ a he, nɛ a ma hla ye se blɔ. Ke a yi fi ɔ, a ma ba kpa mi pɛɛ.”

Ezekiel 23:35

Bɔ nɛ Nyɔmtsɛ Yawɛ ngɛ mo dee ji nɛ ɔ nɛ: “O hɛ je ye nɔ, nɛ o plɛ se ngɔ wo mi; lɔ ɔ he ɔ, o maa na o yahomi, kɛ o we ajuama bɔmi ɔ mi nɔ́.”

Ezekiel 8:16

Lɔ ɔ he ɔ, e kɛ mi ba Yawɛ we ɔ kue ɔ nɛ ngɛ mi mi je ɔ mi. Nyumuhi maa pee nyingmi enyɔ kɛ enuɔ daa si ngɛ kue ɔ, kɛ bɔ sami la tɛ ɔ a kpɛti. A plɛ a se kɛ wo Yawɛ we ɔ; a ngɔ a hɛ mi kɛ kpee beleku je, nɛ a ngɛ pu nɛ te si kɛ ma a jae.

Yeremia 32:33

A plɛ a se ngɔ wo mi, nɛ a kua a tsui tsakemi. I gbo dengme kɛ tsɔɔ mɛ ní be babauu, se a bui tue fɛɛ; nɔ́ ko hu a kase we.

Yeremia 22:23

Nyɛ ngɛ tue mi jɔmi si himi mi ngɛ seda tsohi nɛ a kɛ je Lebanon kɛ ba a a mi. Se kɛ̃, haomi kɛ he hiami maa ba nyɛ nɔ kaa yo nɛ nu kɔɔmi; nyɛ ní maa pee mɔbɔ wawɛɛ nitsɛ.

Yeremia 18:17

Kaa bɔ nɛ ahlabata kɔɔhiɔ muɔɔ bunyuku ɔ, jã pɛ ma gbɛ ye ma a ngɔ fĩa ngɛ a he nyɛli ɔmɛ a hɛ mi. Ke haomi ba a nɔ ɔ, ma plɛ ye se ngɔ wo mɛ; i be yee kɛ bua mɛ.”

Yeremia 10:8

Mɛ tsuo pɛpɛɛpɛ a biɛ, nɛ a jeɔ kuasia. Amagahi nɛ a kɛ tso pee ɔ, mɛni a ma nyɛ maa kase kɛ je a dɛ?

Yeremia 2:24

O ngɛ kaa nga mi teji yo nɛ nu nyumu he fu; mɛnɔ ma nyɛ maa tsi e nya? E hia we kaa nyumu nɛ hao e he kɛ ya hla lɛ; ke fiɛmi be ɔ su kɛkɛ o maa na lɛ.

Yeremia 3:9

E kɛ yahomi ble zugba a, nɛ nɔ́ nɛ ɔ si we lɛ kpu. E juɛmi ji ke e ya ja tso kɛ tɛ ɔ, tsa pi nɔ́ ko kulaa ji lɔ ɔ.

Yeremia 30:7

Ligbi ko ma nɛ ngɛ gbeye; ligbi nɛ ɔ eko bɛ hyɛ. E ji amanehlu be kɛ ha Yakob nina, ye ma a, se kɛ̃ ɔ, a yi ma na wami.”

Yeremia 37:3

Matsɛ Zedekia tsɔ Yehukal, Shelemia bi ɔ, kɛ osɔfo Zefania, Maaseya bi ɔ kɛ ba ye ngɔ ke a ba de mi nɛ ma kpa Yawɛ, wa Mawu ɔ pɛɛ ha wa ma a.

Daniel 9:7

Nyɔmtsɛ, dalɔ ji mo. Wɔɔ lɛɛ zo kpɔtɔɔ gbe wɔ kaa bɔ nɛ o ngɛ wɔ hyɛe mwɔnɛ nɛ ɔ; ejakaa wɔ tsuo pɛpɛɛpɛ, Yuda bi, Yerusalem bi, kɛ Israel ma a tsuo nɛ o gbɛ ngɔ fĩa je ma amɛ a nɔ ɔ, wa ti ni nɛmɛ nɛ ngɛ kpo nya, kɛ ni nɛmɛ nɛ ngɛ lokoo ɔ, wa pee yayami kɛ si mo.

Hosea 4:12

Tso kpoku mohu ngɔ a ya ngɛ ní bie ngɛ. Dɛma tso mohu a bi ɔ ke e tsɔɔ mɛ nile. Kaa bɔ nɛ yo yaholɔ peeɔ ɔ, a je ye se nɛ a kɛ a he ya ha mawu kpahi.

Kronika II, 29:6

Wa nɛmɛ ɔmɛ yi Yawɛ, wa Mawu ɔ anɔkuale; a pee yayami kɛ si lɛ. A kua Yawɛ, nɛ e we ɔ hu a yɛ lejɛ ɔ nɛ a ya ja lɛ.

Yeremia 42:2

ba, nɛ a ba de mi ke, “Wa kpa mo pɛɛ nɛ o pee nɔ́ nɛ wa ma bi mo ɔ ha wɔ! Kpa Yawɛ, wa Mawu ɔ pɛɛ ha waa kɛ nihi tsuo nɛ a yi na wami ɔ. Be ko ɔ, wa he hiɛ babauu, se piɔ lɛɛ wɔ nihi bɔɔ pɛ lɛ piɛ, kaa bɔ nɛ mo nitsɛ o ngɛ hyɛe ɔ.