Yeremia 2:26 - BAIBLO ALOO NGMAMI KLƆUKLƆU Ɔ

²⁶ Yawɛ ke, “Kaa bɔ nɛ ke a nu julɔ nɛ a pueɔ e hɛ mi si ɔ, ja nɔuu lɛ a ma pue nyɛ Israel ma a tsuo, nyɛ matsɛmɛ ɔmɛ, ganɔ ɔmɛ, nyɛ we osɔfo ɔmɛ, kɛ gbali ɔmɛ nyɛ hɛ mi si.

Yeremia 2:26 ပူးပေါင်းရင်းမြစ်များ

Yeremia 32:32

ejakaa Yuda ma a, kɛ Yerusalem bi ɔmɛ, a matsɛmɛ ɔmɛ, ma nimeli ɔmɛ, osɔfo ɔmɛ, kɛ gbali ɔmɛ pee yayamihi babauu nɛ a kɛ wo ye mi mi la.

Ezra 9:7

Kɛ je wa nɛmɛ a yi nɔ kɛ ba su mwɔnɛ ɔ, wɔ o ma a, wa pee yayami gbegbeegbe. Wa yayami ɔmɛ a he ɔ, ma je li ɔmɛ a matsɛmɛ ɔmɛ ba nuu wɔ, wa matsɛmɛ ɔmɛ, kɛ wa osɔfo ɔmɛ tsuo. A gbe wɔ, a kpɔ wa níhi ngɛ wa dɛ, nɛ a nuu wɔ kɛ ho ma se ya ngɛ pã mi kaa nyɔguɛhi. A ha wa hɛ mi pue si kulaa; nɛ wa ngɛ zo ɔ mi kɛ mwɔɔ.

Romabi 6:21

Níhi nɛ nyɛ pee, nɛ jehanɛ lɛɛ a he ngɛ nyɛ zo pee ɔ, mɛni se nyɛ na kɛ je mi? Nɔ́ nɛ jeɔ mi ji gbenɔ!

Yeremia 48:27

Tse Israel plɛ pee muɔ nɔ́ ha mo? Israel ɔ, anɛ juli a kpɛti a naa lɛ ngɛ lo? Be tsuaa be nɛ o maa tu Israel he munyu ko ɔ, o maa tuu, ma mimiɛ o yi! Pi ja lo?

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Yesaya 1:29

Nyɛ ma pia nyɛ he kaa nyɛ ya ja tso ngua amɛ, nɛ zo kpɔtɔɔ maa gbe nyɛ ngɛ abɔɔhi nɛ nyɛ po ɔ a he.

Ezekiel 16:54

Kɛkɛ ɔ, o hɛ mi nɛ pue si, kɛ zo nɛ gbe mo ngɛ níhi nɛ o pee ɔ a he ɔ, ma ha a maa wo a bua.

Ezekiel 22:26

Osɔfo ɔmɛ plɛɔ ye mlaa a hɛ mi buɔ si, nɛ a bleɔ ye ní klɔuklɔu ɔmɛ. A li slɔɔto nɛ ngɛ nɔ́ klɔuklɔu, kɛ nɔ́ gu a kpɛti. A tsɔɔ we ni ɔmɛ slɔɔto nɛ ngɛ nɔ́ nɛ he tsɔ, kɛ nɔ́ nɛ he tsɔ we a kpɛti. A kuɔ a hɛ ngɔ fɔɔ Hejɔɔmi ligbi ɔ nɔ. Lɔ ɔ he ɔ, Israel bi ɔmɛ bui mi fɛɛ.

Zakaria 5:4

Yawɛ Tabohiatsɛ ɔ ke e ma ha gbiɛmi nɛ ɔmɛ maa ba zugba a tsuo nɔ, nɛ we mi he nɛ nɔ ko maa ju ngɛ ɔ, a ma kpata we ɔ hɛ mi; nɛ we tsuaa we nɛ nɔ ko ma kã lakpa kita ngɛ mi ɔ, a ma kpata we ɔ hɛ mi kɛ e mi tso kɛ tɛ tsuo.”

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

Yesaya 44:9

Amaga puɛli ɔmɛ tsuo ji nimli guhi, nɛ amaga amɛ nɛ a buu kaa nɔ́ ko ɔ, a he be se nami ko kulaa. Nihi nɛ jaa kikɛmɛ a ní nɛ ɔmɛ ɔ, a hɛngmɛ yu; a li nɔ́ ko fɛɛ; zo maa gbe mɛ.

Yesaya 44:11

Nihi tsuo nɛ jaa kikɛmɛ a nɔ́ nɛ ɔ, zo maa gbe mɛ. Nihi nɛ puɛɔ amaga amɛ ɔ, nimli adesahi kɛkɛ ji mɛ kaa nihi nɛ jaa mɛ ɔ kɛ̃. Nyɛ ha amaga puɛli ɔmɛ kɛ e jali ɔmɛ tsuo nɛ a ba. Mɛ tsuo a tsui maa po, nɛ zo maa gbe mɛ kpɔtɔɔ.

Yeremia 4:9

Yawɛ ke, “Jamɛ a ligbi ɔ, sawale maa nu matsɛmɛ ɔmɛ, kɛ ganɔ ɔmɛ tsuo; osɔfo ɔmɛ a he mi ma jɔ̃, nɛ gbali ɔmɛ a hɛ mi maa pee mɛ yaa.”

Yeremia 22:22

Kɔɔhiɔ maa muɔɔ nyɛ hɛ mi nyɛɛli ɔmɛ tsuo kɛ ho; a maa nuu nyɛ huɛmɛ ɔmɛ nyɔguɛ; a maa bɔ nyɛ ma amɛ ahlua ngɛ ní yayamihi tsuo nɛ nyɛ pee ɔ a he.