Yeremia 2:25 - BAIBLO ALOO NGMAMI KLƆUKLƆU Ɔ

²⁵ I de mo ke, Israel, kpa mawu kpahi a se nyɛɛmi, bɔ nɛ pee nɛ o nane nɛ ko ba gbo, nɛ kuma ba gbe mo. Se o de ke, ‘Dɛbi! I be ye se kpalee; i suɔ ma se mawuhi, nɛ ma se mawuhi a se lɛ ma nyɛɛ.’ ”

Yeremia 2:25 ပူးပေါင်းရင်းမြစ်များ

Mose V, 32:16

A kɛ mawuhi nɛ a li ye e tsui, nɛ a ngɔ ní hiemi nihi kɛ wo e mi mi la.

Yeremia 18:12

Ke o de mɛ ja a, a ma he nɔ ke, ‘Dɛbi! Nɔ́ nɛ wa tsui suɔ ɔ, lɔ ɔ wa maa pee. Wa maa wa tue, nɛ wa maa pee yayami bɔ nɛ wa suɔ.’ ”

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Romabi 8:24

Wa ngɔ wa hɛ ngɔ fɔ Mawu nɔ, lɔ ɔ he nɛ a he wa yi wami ɔ nɛ. Se ke nɔ́ nɛ wa ngɔ wa hɛ kɛ fɔ nɔ ɔ su wa dɛ momo ɔ, lɛɛ lɔ ɔ pi hɛ kɛ nɔ fɔmi nitsɛ. Nɔ́ nɛ wa nine su nɔ momo ɔ, anɛ wa hyɛɔ blɔ ekohu lo?

Kɔmɔ Yemi 4:4

Kuma gbe bimwɔwi; a ngɛ a nya mi lɔe kɛ ngɛ nyu hlae. Jokuɛwi ngɛ pɛɛ kpae ke a ha mɛ niye ní; se nɔ ko nɔ ko ha we mɛ.

Yeremia 14:10

Bɔ nɛ Yawɛ ngɛ dee ngɛ nimli nɛ ɔmɛ a he ji nɛ ɔ nɛ: “A suɔ kaa a maa je ye blɔ ɔmɛ a nɔ kɛ ya kpa ngɛ he nɛ a suɔ. Enɛ ɔ he je ɔ, i sume mɛ. Ma kai yayamihi nɛ a pee ɔ, nɛ ma gbla a tue.”

Yeremia 13:22

Ke o bi o he ke, “Mɛni he je ní nɛ ɔmɛ tsuo ba ye nɔ” ɔ, heto ɔ ji, o he yayami babauu ɔ he je nɛ he nyɛli ba pee mo kikɛ nɛ ɔ kaa yo nɛ nyumu kpa e he bo, nɛ e bɔ lɛ ahlua a nɛ.

Yesaya 57:10

Nyɛ gbaa nyɛ he nya babauu kɛ kpaa si; pɔ hu tɔɛ nyɛ nɛ nyɛ ma kpa. Nyɛ susuɔ kaa nyɛ amaga amɛ haa nyɛ he wami, lɔ ɔ he ɔ, nyɛ ngmɛɛ we a he.

Yesaya 2:6

Mawu lee, o kua o ma, Yakob nina a, ejakaa klaali babauu nɛ je beleku je kɛ Filistia ba futu mɛ. Ma se bi a kusumi níhi o ma a ngɛ pee.

Kronika II, 28:22

Kikɛmɛ a Matsɛ Ahaz nɛ ɔ, benɛ e yi ba fi wawɛɛ nitsɛ po, e pee yayami babauu kɛ si Yawɛ pe kekle ɔ.

Mose V, 28:48

Lɔ ɔ he ɔ, nyɛ ma sɔmɔ nyɛ he nyɛli ɔmɛ nɛ Yawɛ ma ha nɛ a te si kɛ wo nyɛ ɔ. Hwɔ kɛ kuma maa ye nyɛ; nyɛ maa hɛɛ nyɛ he gu, nɛ nɔ́ tsuaa nɔ́ maa hia nyɛ. Nyɛ he nyɛli maa wa nyɛ yi mi wawɛɛ kɛ yaa si a ma kpata nyɛ hɛ mi pɛsɛpɛsɛ.

Luka 16:24

Kɛkɛ nɛ niatsɛ ɔ kɛ ngmlaa de ke, ‘Tsaatsɛ Abraham lee! I ngɛ nɔ́ nae tsɔ ngɛ la nɛ ɔ mi! Lɔ ɔ he ɔ, naa mi mɔbɔ oo, naa mi mɔbɔ! Mao tsɔ Lazaro nɛ e ngɔ e nine nguɛ nya ya sɔ nyu mi, nɛ e kɛ ba jɔɔ ye lilɛ he ha mi oo, i kpa mo pɛɛ!’

Luka 15:22

Se e tsɛ ɔ de sɔmɔli ɔmɛ ke, ‘Nyɛ ya je tade klɔii saminyayoo ɔ kɛ ba wo lɛ esɔ. Nyɛɛ wo e nine nguɛ ga, kɛ e nane tokota.

Hosea 2:3

Ke pi ja a, ma kpa bo ngɛ e he, nɛ e he maa fɔ si paslapaa kaa bɔ nɛ a fɔ lɛ ɔ. Ma ha e maa pee kaa zugba gbigbli nɛ bɛ ní; nɛ nyu kuma maa gbe lɛ.

Yeremia 44:17

Níhi tsuo nɛ wa de ke wa maa pee ɔ, lɔ ɔmɛ wa maa pee. Wa maa sã tsopa kɛ e he via kɛ ha wa yo mawu ɔ nɛ ji hiɔwe manyɛ ɔ, nɛ wa maa sã wai bɔ ha lɛ kaa bɔ nɛ waa kɛ wa nɛmɛ ɔmɛ, wa matsɛ ɔ, kɛ wa ma nimeli ɔmɛ pee be ko ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ. Jamɛ a be ɔ mi ɔ, wa ngɛ niye ní babauu; wa plɔke, nɛ haomi ko be wa nɔ.

Yeremia 2:31

Nyɛ Israel ma, nyɛɛ bu nɔ́ nɛ imi, Yawɛ i ngɛ dee ɔ tue. Anɛ i kɛ nyɛ ye sane nɛ dɛ lo? Anɛ i pee kaa nga kplanaa, aloo zugba nɛ e nɔ wo diblii kpii ha nyɛ lo? Mɛni he je mɔ nɛ nyɛ deɔ ke, ‘Jehanɛ lɛɛ wa ye wa he, wa pa be Mawu ngɔ yae hu?’ ɔ.

Yeremia 13:21

Nihi nɛ mo nitsɛ o tsɔse mɛ nɛ o kɛ mɛ ngɛ kaa huɛmɛ ɔ, ke a wo mɛ nɔkɔtɔma ngɛ o nɔ ɔ, kɛ o ma de kɛɛ? Anɛ o he mi be mo kɔɔe kaa yo nɛ nu kɔɔmi nɛ e miɔ nɛ e ma fɔ lo?

Yeremia 22:20

Yerusalem ma, nyɛɛ ya nɛ nyɛ ya kpa bubuubui ngɛ Lebanon. Nyɛɛ ya Bashan nɛ nyɛ ya kpa bubuubui ngɛ lejɛ ɔ. Nyɛ ya kpa kuu ngɛ Moab yo ɔmɛ a nɔ, ejakaa a kpata nyɛ huɛmɛ ɔmɛ tsuo a hɛ mi.

Kɔmɔ Yemi 1:2

Ya sɔuu e ngɛ foe nyɔnyɔɔnyɔ tsuo; nɛ vo nyu ngɛ e hɛngmɛ mi jee kɛ ngɛ si kplee. E suɔli ɔmɛ hu a ti nɔ ko nɔ ko be nɛ maa jɔɔ e bua. E huɛmɛ ɔmɛ tsuo kpa ngɛ e se, nɛ a ba pee e he nyɛli.

Ezekiel 20:32

Nyɛ pee nyɛ yi mi momo ke nyɛ suɔ kaa nyɛ maa pee nyɛ he kaa je ma kpa amɛ. Nyɛ maa pee kaa nihi nɛ ngɛ zugba kpahi a nɔ nɛ a jaa tso kɛ tɛ ɔ. Dɛbi, dɛbi! E be mi bae ja kɔkɔɔkɔ.

Malaki 3:14

Ɛ̃ɛ̃, nyɛ deɔ ke, ‘Mawu jami he be se nami; ke wa ye Yawɛ Tabohiatsɛ ɔ mlaa amɛ a nɔ, nɛ wa pee mɔbɔmɔbɔ kaa nihi nɛ a he yayami ngɛ mɛ dɔe ɔ, mɛni se wa ma na?

Kronika II, 28:23

E sãã bɔhi kɛ haa Siria mawu ɔmɛ nɛ ba ye e nɔ kunimi ɔ. E deɔ ke, “Siria mawu ɔmɛ piɛɔ Siria matsɛmɛ ɔmɛ a he. Lɔ ɔ he ɔ, ke i sã bɔ kɛ ha mɛ ɔ, a maa piɛ imi hu ye he.” Nɔ́ nɛ ɔ kɛ haomi ba e kɛ e ma a tsuo nɔ.

Yeremia 22:21

Benɛ nyɛ ná nyɛ he ɔ, Yawɛ kɛ nyɛ tu munyu, se nyɛ kua lɛ tue bumi. Kɛ je nyɛ nihe mi ɔ, nɔ́ nɛ nyɛ peeɔ ji kaa nyɛ bui Yawɛ tue.