Yeremia 2:21 - BAIBLO ALOO NGMAMI KLƆUKLƆU Ɔ

²¹ O ngɛ kaa wai tso saminyayoo nɛ i du; wu kpakpa mi lɛ o puɛ kɛ je. Se hyɛ bɔ nɛ o ba plɛ pee kaa wai sasɛ nɛ he be se nami.

Yeremia 2:21 ပူးပေါင်းရင်းမြစ်များ

Yesaya 5:4

Anɛ nɔ́ ko pa ngɛ nɛ i tsu we ngɛ e he lo? Lɛɛ mɛni he je mɔ nɛ e wo yiblii nɛ dooɔ, se pi wai yiblii kpakpa nɛ i ngɛ blɔ hyɛe kaa e maa wo ɔ?

Mose II, 15:17

O ngɔ mɛ kɛ ba, nɛ o ba to mɛ si ngɛ mo nitsɛ o yo ɔ nɔ he nɛ mo Yawɛ nitsɛ o dla kɛ ha o si himi, he klɔuklɔu nɛ mo Yawɛ nitsɛ o to sisi ɔ.

Yohane 15:1

“Imi ji wai tso nitsɛ ɔ, nɛ Tsaatsɛ ji ngmɔtsɛ.

La 44:2

Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.

La 80:8

O ngɔ wai tso kɛ je Egipt kɛ ba. O fie je ma amɛ kɛ je a zugba a nɔ, nɛ o ma wai tso ɔ ngɛ lejɛ ɔ.

Mose V, 4:37

Akɛnɛ e suɔ nyɛ nɛmɛ ɔmɛ he je ɔ, e hla nyɛ, nɛ lɛ nitsɛ e kɛ e he wami kpetekpleenyɛ ɔ je nyɛ kɛ je Egipt.

Luka 20:9

Jehanɛ ɔ, Yesu bu ni ɔmɛ abɛ ko ke, “Nyumu ko pee wai ngmɔ, nɛ e ngɔ ha huli apaa yeli, nɛ e doma kɛ ho he ko ya be babauu.

Marko 12:1

Yesu ya nɔ nɛ e kɛ mɛ tu munyu ngɛ abɛhi a mi ke, “Nyumu ko pee wai ngmɔ, nɛ e du tso tsɔwi kɛ po piɛ kɛ bɔle lɛ. E tsua wai tɛ muɔ, nɛ e ma buli a mɔ ngɛ ngmɔ ɔ mi. E ngɔ wai ngmɔ ɔ kɛ ha apaa yeli, kɛkɛ nɛ e doma.

Mose V, 32:32

He nyɛli ɔmɛ puɛ kaa Sodom kɛ Gomora; a ngɛ kaa wai tso nɛ woɔ yiblii doodooe nɛ gbee nɔ,

Mateo 21:33

Yesu de mɛ ke, “Nyɛɛ bu abɛ kpa hu tue. Zugbatsɛ ko hi si. E pee wai ngmɔ, nɛ e du tso tsɔwi kɛ po piɛ wo he kɛ kpe; e tsua wai tɛ muɔ ngɛ mi, nɛ e ma buli a mɔ hu ngɛ mi. Kɛkɛ nɛ e kɛ ha ní tsuli apaa humi; nɛ e doma.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Yesaya 60:21

O ma mi bi ɔmɛ tsuo maa pee nɔ́ nɛ da. A maa hi zugba a nɔ kɛ maa ya neneene. Imi lɛ i to mɛ si. Imi lɛ i pee mɛ jã, konɛ a kɛ wo ye hɛ mi nyami.

Yesaya 41:8

“Se mo, ye tsɔlɔ Israel, mo ji ma nɛ i hla, ye huɛ Abraham nina.

Yesaya 1:21

Ma nɛ sa a, e yeɔ anɔkuale ɔ, jehanɛ lɛɛ hyɛ, e ngɛ e ní pee kaa yaholɔ! Sa be ko ɔ, nimli nɛ peeɔ nɔ́ nɛ da nɛ a hyi ma a mi tɔ, se jehanɛ lɛɛ awi yeli sɔuu lɛ piɛ ngɛ ma a mi.

Yoshua 24:31

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo lolo ɔ, a ya nɔ nɛ a sɔmɔ Yawɛ ja nɔuu.

Kɔmɔ Yemi 4:1

Hyɛ bɔ nɛ wa sika tsu ɔ pee tuu ha! Hyɛ bɔ nɛ sika tsu ngmingmiingmi ɔ tsake ha. Mawu we ɔ tɛ ɔmɛ gbɛ fĩa gbɛjegbɛ ɔmɛ a nɔ tsuo.

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Mose I, 18:19

I hla Abraham, bɔ nɛ pee nɛ e fa e bimɛ ɔmɛ kɛ e nina a nɛ a bu mi tue, nɛ a pee nɔ́ nɛ da, kɛ nɔ nɛ hi. Ke a pee ja a, nɔ́ tsuaa nɔ́ nɛ i wo lɛ si kaa ma pee ha lɛ ɔ, ma pee.”

Yesaya 27:2

Bɔ nɛ Yawɛ ma de ngɛ e wai ngmɔ saminyayoo ɔ he jamɛ a ligbi ɔ ji nɛ ɔ nɛ:

Yeremia 11:17

“Imi, Yawɛ Tabohiatsɛ ɔ, imi lɛ i to Israel kɛ Yuda si kaa bɔ nɛ a duɔ tso; se jehanɛ lɛɛ ma ha nɛ amanehlu maa ba a nɔ. Nɔ nɛ ɔ je mɛ nitsɛmɛ, ejakaa a pee yayami; a ya sã tsopa kɛ e he via kɛ ha Baal, nɛ a kɛ wo ye mi mi la.”

La 80:9

O dla zugba a saminyayoo; o ha nɛ tso ɔ tsɛ̃ sipoku kɛ ya zu mi tsitsaa, nɛ wai tso ɔ ha zugba a nɔ tsuo.

Yeremia 5:10

Ma tsɔ he nyɛli nɛ a ya poo ye ma mi bi ɔmɛ a wai tso ɔmɛ ngɔ pue si, se i be hae nɛ a kpata a hɛ mi pɛsɛpɛsɛ. Ma ha nɛ a kplɔ tso kɔni ɔmɛ, ejakaa pi imi Yawɛ, ye níhi ji mɛ.

Yeremia 11:16

Sa a, bɔ nɛ i tsɛɔ mɛ ji, ‘Oliv tso kɛ e yi mi ba kusuu saminyayoo nɛ woɔ yiblii kpakpa;’ se ma mɛ e ba amɛ a he la, nɛ ma ku tso kɔni ɔmɛ kaa bɔ nɛ ahumi tsuɔ ní ɔ.

Ezekiel 15:2

“Nɔmlɔ adesa, wai tso, loo wai tso kɔni nɛ ngɛ hue mi tso ɔmɛ a kpɛti ɔ, mɛni e kɛ pe tso kpa amɛ tsuo?