Yeremia 2:20 - BAIBLO ALOO NGMAMI KLƆUKLƆU Ɔ

²⁰ Nyɔmtsɛ Yawɛ ke, “Israel, blema lokoo lɛ o je o he kɛ je ye he wami sisi; o de ke o be mi jae hu fɛɛ. O kpla si ha amagahi ngɛ yoku tsuaa yoku nɛ ya hiɔwe nɔ, kɛ tso tsua tso nɛ bɔ kusuu sisi.

Yeremia 2:20 ပူးပေါင်းရင်းမြစ်များ

Mose V, 12:2

Hehi nɛ je ma amɛ nɛ nyɛ yaa fie ɔ jaa a mawu ɔmɛ ngɛ, ngɛ yo gaga amɛ a nɔ, yoku ɔmɛ a nɔ, kɛ tso kusuu ɔmɛ a sisi ɔ, nyɛ kpata a hɛ mi.

Mose III, 26:13

Imi ji Yawɛ, nyɛ Mawu nɛ je nyɛ kɛ je Egipt zugba a nɔ, konɛ nyɛ ko pee nyɔguɛhi hu ɔ nɛ. I je nyɛ kɛ je yi mi wami sisi, nɛ i ha nyɛ ye nyɛ he.”

Yeremia 17:2

Nyɛ bimɛ ɔmɛ jaa amagahi, kɛ yo mawu Ashera amaga amɛ ngɛ bɔ sami la tɛ ɔmɛ a nɔ ngɛ tso kusuu tsuaa tso kusuu sisi, kɛ yoku ɔmɛ

Hosea 3:3

I de lɛ ke lɛ nɔ kake too nɛ hi si; e ko pee yakayaka; e ko ya nyɛɛ nyumu kpahi a se. Kɛkɛ ɔ, imi hu i kɛ lɛ maa hi si.

Yeremia 30:8

Yawɛ Tabohiatsɛ ɔ ke, “Jamɛ a ligbi ɔ, ma ku kuɛpã tsohi nɛ ngɛ a kuɛ ɔ, nɛ ma tsɔ kɔsɔkɔsɔ ɔmɛ. Nɛ a be ni kpahi sɔmɔe hu.

Yesaya 1:21

Ma nɛ sa a, e yeɔ anɔkuale ɔ, jehanɛ lɛɛ hyɛ, e ngɛ e ní pee kaa yaholɔ! Sa be ko ɔ, nimli nɛ peeɔ nɔ́ nɛ da nɛ a hyi ma a mi tɔ, se jehanɛ lɛɛ awi yeli sɔuu lɛ piɛ ngɛ ma a mi.

Nahum 1:13

Ma ha nɛ Asiria nɔ yemi ɔ se maa po, nɛ ma kplɔ kɔsɔkɔsɔ ɔmɛ ngɛ nyɛ he.”

Ezekiel 23:5

Ohola je ye se ya puɛ gba. E kɛ ni nɛmɛ nɛ je Asiria mohu ya pee e suɔli.

Ezekiel 20:28

I ngɔ mɛ kɛ ba zugba nɛ i wo si kaa ma ha mɛ ɔ nɔ. Se he tsuaa he nɛ a na yoku gojoo, aloo tso nɛ bɔ kusuu ngɛ ɔ, kɛkɛ a ya sã bɔ ngɛ lejɛ ɔ. A sã bɔhi nɛ jee via, kɛ wai bɔ hulɔ; a pee ní nɛ ɔmɛ kɛ wo ye mi mi la.

Ezekiel 16:41

A maa sã o we ɔmɛ, nɛ a maa gbla o tue ngɛ yihi babauu a hɛ mi. Ajuama nɛ o ngɛ bɔe basaa a, ma ha nɛ o kpa, nɛ o be o suɔli ɔmɛ hiɔ woe hu.

Ezekiel 16:31

O pee jami hehi ngɛ blɔ ɔmɛ tsuo a mi kɛ ha o he. E slo mo ngɛ yaholi kpa amɛ a he; ejakaa moo lɛɛ o he we sika.

Ezekiel 16:28

“O ya bɔ ajuama kɛ kpa zugba a tsuo nɔ kɛ ya su Asiria bi ɔmɛ a ngɔ tɔɔ. O kɛ mɛ bɔ ajuama basaa, se lɔ ɔ tete po sui o nya.

Yesaya 14:25

Ma kpata Asiria bi ɔmɛ a hɛ mi ngɛ ye ma Israel zugba a nɔ, nɛ ma naa a nɔ ngɛ ye yo ɔmɛ a nɔ. Ma je ye ma a kuɛ kɛ je kuɛpã tso nɛ Asiria bi ɔmɛ kɛ wo lɛ ɔ mi; nɛ tlomi nɛ a ha ye ma a tloo ɔ hu, ma je ngɛ a nɔ.

Yesaya 10:27

Jamɛ a be ɔ, ma je Asiria tlomi ɔ kɛ je nyɛ nɔ, nɛ ma ku kuɛpã tso ɔ nɛ e kɛ wo nyɛ kuɛ ɔ.”

Yesaya 9:4

Ejakaa lohwe kuɛpã tso nɛ jiɔ kaa tlomi ngɛ a nɔ, kɛ to tsɔ̃mi tso nɛ a kɛ fiaa a konɔ kɛ wa mɛ yi mi ɔ, o ku a mi kaa bɔ nɛ blema a o pee Midian bi ɔmɛ ɔ.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

Matsɛmɛ I, 12:32

Jehanɛ, Yeroboam ngɔ nyɔhiɔ kpaanyɔne ɔ we ligbi nɛ ji nyɔngma kɛ enuɔ ɔ ngɔ pee nyami ligbi kaa bɔ nɛ e ngɛ ngɛ Yuda a. E ya sãã bɔ ngɛ bɔ sami la tɛ ɔ nɔ ngɛ Betel kɛ haa sika tsu na bi ɔmɛ nɛ e puɛ ɔ. E ngɔ osɔfo ɔmɛ hu ya to jami he ɔmɛ nɛ e ma ngɛ Betel ɔ.

Samuel I, 12:10

Kɛkɛ nɛ a fa kue ha Yawɛ, nɛ a de ke, ‘Wa pee yayami, ejakaa wa je Yawɛ se nɛ wa ya ja Baal amaga amɛ, kɛ yo wɔ Ashtarot ɔ hu e we amaga amɛ. Mo kpɔ wɔ kɛ je wa he nyɛli ɔmɛ a dɛ mi, nɛ wa ma sɔmɔ mo!’

Yoshua 24:26

Yoshua ngma mlaa nɛ ɔmɛ kɛ wo Mawu mlaa womi ɔ mi. Lɔ ɔ se ɔ, e ngɔ tɛ agbo ko ngɔ ma tso ngua a sisi ngɛ Yawɛ he klɔuklɔu ɔ.

Yoshua 24:24

Ma a de Yoshua ke, “Wa ma sɔmɔ Yawɛ, wa Mawu ɔ. Wa maa ye e mlaa amɛ a nɔ.”

Yoshua 1:16

A ha Yoshua heto ke, “Nɔ́ tsuaa nɔ́ nɛ o fa wɔ ke waa pee ɔ, wa maa pee, nɛ he tsuaa he nɛ o tsɔ wɔ ɔ, wa maa ya.

Mose V, 26:17

Mwɔnɛ ligbi nɛ ɔ, e je o nya mi nɛ o de ke Yawɛ ji o Mawu. O wo si kaa o maa bu lɛ tue; o wo si kaa o maa ye e mlaa amɛ tsuo a nɔ; nɛ o wo si hu kaa nɔ́ tsuaa nɔ́ nɛ e fa mo ke o pee ɔ, o maa pee.

Mose V, 15:15

Kai kaa nyɛ hu nyɛ ya ye nyɔguɛ hyɛ ngɛ Egipt zugba a nɔ, nɛ Yawɛ, nyɛ Mawu ɔ ha nyɛ ye nyɛ he; lɔ ɔ he nɛ i ngɛ nyɛ mlaa nɛ ɔ woe mwɔnɛ ɔ nɛ.

Mose V, 5:27

Mose, moo kpale kɛ ho nɛ o ya bu nɔ́ tsuaa nɔ́ nɛ Yawɛ ma de mo ɔ tue, konɛ o ba de wɔ nɔ́ nɛ e de mo ɔ. Wa maa bu mo tue, nɛ wa maa ye nɔ.’

Mose V, 4:34

Anɛ mawu ko ka hyɛ kaa e ma ya je je ma ko kɛ je je ma kpa ko mi kɛ pee lɛ nitsɛ e ma, kaa bɔ nɛ Yawɛ, nyɛ Mawu ɔ pee ha nyɛ ngɛ Egipt ɔ lo? Nyɛ nitsɛmɛ nyɛ na kɛ nyɛ hɛngmɛ, bɔ nɛ e je e he wami, kɛ e nyɛmi kpetekpleenyɛ ɔ kpo; e kɛ gbenɔ hiɔhi, kɛ ta ba; e pee okadihi, kɛ nyakpɛ níhi; nɛ e ha gbeye ní nguanguahi ba.

Mose V, 4:20

Se nyɛɛ lɛɛ, Yawɛ kpɔ̃ nyɛ kɛ je Egipt yi mi wami wawɛɛ ɔ sisi. E je nyɛ konɛ e pee nyɛ lɛ nitsɛ e ma kulaa, kaa bɔ nɛ nyɛ ji mwɔnɛ nɛ ɔ.

Mose II, 24:3

Mose ba nɛ e ba bɔ ma a nɔ́ tsuaa nɔ́ nɛ Yawɛ de lɛ ɔ, kɛ mlaa amɛ tsuo nɛ e wo ɔ. Ma a tsuo nya sɔ nɛ a de ke, “Nɔ́ tsuaa nɔ́ nɛ Yawɛ de wɔ ke waa pee ɔ, wa maa pee.”

Mose II, 19:8

Nɛ ma a tsuo he nɔ nɛ a de ke, “Nɔ́ tsuaa nɔ́ nɛ Yawɛ de ɔ, wa maa pee.” Mose kpale ya bɔ Yawɛ bɔ nɛ ma a de ɔ.

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Kpojemi 17:1

Enɛ ɔ se ɔ, bɔfo kpaago ɔmɛ nɛ hɛɛ kplu kpaago ɔmɛ a ti nɔ kake ba de mi ke, “Ba nɛ ma tsɔɔ mo bɔ nɛ Mawu maa gbla ajuama kpanaku ɔ tue ha. Jamɛ a ma kpetekpleenyɛ ɔ nɛ a ma ngɔ fɔ pahi babauu a tue ɔ i ngɛ tsɔɔe ɔ nɛ.

Matsɛmɛ I, 14:23

Mɛ hu a po piɛhi, nɛ a puɛ amagahi ngɛ ma a mi, ngɛ yokuhi a nɔ, kɛ tsohi nɛ bɔ kusuu a sisi; amaga amɛ ekomɛ daa si ha a yo mawu ɔ nɛ a tsɛɛ lɛ Ashera a.

La 107:14

E je mɛ kɛ je diblii, kɛ mɔbɔ si himi ɔ mi, nɛ e kplɔ kɔsɔkɔsɔ ɔmɛ ngɛ a he ngɔ pue si.

Yeremia 2:31

Nyɛ Israel ma, nyɛɛ bu nɔ́ nɛ imi, Yawɛ i ngɛ dee ɔ tue. Anɛ i kɛ nyɛ ye sane nɛ dɛ lo? Anɛ i pee kaa nga kplanaa, aloo zugba nɛ e nɔ wo diblii kpii ha nyɛ lo? Mɛni he je mɔ nɛ nyɛ deɔ ke, ‘Jehanɛ lɛɛ wa ye wa he, wa pa be Mawu ngɔ yae hu?’ ɔ.

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Yeremia 5:5

Ma ya nimli ngua amɛ a ngɔ, nɛ i kɛ mɛ ma ya tu munyu. Niinɛ, mɛɛ lɛɛ a le nɔ́ nɛ Yawɛ, a Mawu ɔ ngɛ hlae nɛ a pee.” Se ni nɛ ɔmɛ hu ngɛ kaa nimli gu ɔmɛ kɛ̃; mɛ hu a tsɔ Yawɛ hɛ mi atuã, nɛ a bui lɛ fɛɛ.

Yeremia 13:27

Yawɛ na nyɛ nɛ nyɛ ngɛ níhi nɛ e sume pee. E na nyɛ nɛ nyɛ ya ngɛ mawu kpahi a se nyɛɛe ngɛ nga nɔ kɛ yokuhi a nɔ. E na nyɛ nɛ nyɛ ngɛ huhui kpae kaa okpɔngɔ kuhi kɛ okpɔngɔ yihi nɛ ngɛ bɔe. Yerusalem bi, musu tloo nyɛ! Mɛni be po nyɛ he ma tsɔ?

Hosea 4:13

A ya sã bɔ ngɛ yohi a yi mi, nɛ a sã tsopa kɛ e he via hu ngɛ tso gagaahi nɛ bɔ kusuu a sisi, ngɛ yokuhi a yi mi, ejakaa lejɛ ɔ hɔ̃ ɔ mi jɔ. “Enɛ ɔ lɛ ha nɛ nyɛ biyi ɔmɛ ya peeɔ a he yaholi, nɛ nyɛ yigbayi ɔmɛ hu puɛɔ gba a nɛ.

Manyadali 2:11

Israel bi ɔmɛ pee yayami kɛ si Yawɛ nɛ a ya sɔmɔ Baalhi.

Manyadali 2:13

Akɛnɛ a je Yawɛ se, nɛ a ya sɔmɔ Baal kɛ Ashtarot he je ɔ,

Manyadali 10:6

Israel ma a pee yayami kɛ si Yawɛ ekohu. A ya sɔmɔ Baalhi, Ashtarot, kɛ Siria, Sidon, Moab, Amon, kɛ Filisti bi ɔmɛ a mawu ɔmɛ. Se Yawɛ nitsɛ lɛɛ a kua lɛ, nɛ a kpa lɛ sɔmɔmi.

La 2:3

A ke, “Nyɛ ha wa kpɔ wa he kɛ je a dɛ mi nɛ waa ye wa he.”

Hosea 1:2

Kekleekle nɛ Yawɛ kɛ Israel tu munyu kɛ gu Hosea nɔ ɔ, e de Hosea ke, “Yaa nɛ o ya ngɔ yo; yo ɔ maa pee e he yakayaka nɔmlɔ, nɛ e bimɛ maa hi kaa lɛ pɛ. Ja pɛpɛɛpɛ ye ma a pee ɔ nɛ; ye ma a kua mi; a yi mi anɔkuale.”

Hosea 9:1

Israel ma, nyɛ kpa nyami kaa bɔ nɛ je ma amɛ peeɔ ɔ. Nyɛ je nyɛ Mawu ɔ se, nɛ nyɛ yi lɛ anɔkuale. Nyɛ ngɔ nyɛ he ya mɛtɛ mawu ɔ nɛ a tsɛɛ lɛ Baal ɔ he ngɛ zugba a nɔ tsuo kaa yaholi. Ke blɛfo nya je ɔ, nyɛ ya sãã bɔ ha lɛ, nɛ nyɛ naa lɛ si.