Yeremia 2:17 - BAIBLO ALOO NGMAMI KLƆUKLƆU Ɔ

¹⁷ Israel, mɛnɔ kɛ nɔ́ nɛ ɔ ba o nɔ? Anɛ pi mo nitsɛ nɛ o pee lo? Benɛ imi, Yawɛ o Mawu ɔ, i kpaka mo kɛ ma a, anɛ o tsɔ we ye hɛ mi atuã lo?

Yeremia 2:17 ပူးပေါင်းရင်းမြစ်များ

Yeremia 4:18

Yuda, mo nitsɛ o je mi babɛ, kɛ o ni peepee lɛ ngɔ haomi nɛ ɔ kɛ ba o nɔ ɔ nɛ. E ngɛ kaa tsopa ko nɛ mo nitsɛ o nu, nɛ e doomi ɔ ya su o tsui he tɔɔ.

Yeremia 2:19

Mo nitsɛ o ní yayami ɔmɛ maa gbla o tue; o se yami ɔ ma ka o hɛ mi. O ma ba na paa kaa kuami nɛ o kua imi, Yawɛ o Mawu ɔ, kɛ ye hɛ mi atuã nɛ o tsɔ ɔ ji nɔ́ ko nɛ hí kulaa; e ngɛ kaa nɔ́ ko nɛ dooɔ kaa agba. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 2:13

Ejakaa yayami enyɔ lɛ ye ma a pee: imi, wami nyu vu ɔ, a kua mi, nɛ a ya kpɛ́ tɛ muɔhi ngɔ ha a he; pohu tɛ muɔ nɛ ɔmɛ ywia, nɛ nyu be a mi dae.

Hosea 13:9

“Israel ma, ma kpata nyɛ hɛ mi pɛsɛpɛsɛ! Nɛ, mɛnɔ ma nyɛ ma kpɔ nyɛ?

La 107:7

E ngɔ mɛ kɛ gu blɔ tlɔmɔɔ nɔ hluu kɛ ya su ma ko mi he nɛ a maa hi.

La 77:20

O ngɔ Mose kɛ Aaron ngɔ to o ma a nya, nɛ o kpaka mɛ kaa to hyɛlɔ tsɔɔ to.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

La 136:16

Lɛ nɛ e hɛɛ e ma a kɛ gu nga kplanaa a nɔ; ejakaa e suɔmi ɔ ngɛ kɛ yaa neneene!

Hiob 4:8

Nɔ́ nɛ imi i le ji kaa nihi nɛ huɔ yayami ngmɔ, nɛ a duɔ yayami wu ɔ, yayami yiblii lɛ a kpaa.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Mose V, 32:19

“Benɛ Yawɛ na nɔ́ nɛ ɔ, e mi mi wo la, nɛ e kua e ma a; ejakaa a binyumu ɔmɛ, kɛ a biyi ɔmɛ wo e mi mi la.

Mose V, 32:10

“E na lɛ ngɛ nga kplanaa a nɔ, he nɛ nɔ ko nɔ ko be. E bu e he, nɛ e hyɛ e nɔ saminya kaa bɔ nɛ nɔ hyɛɛ e bi kpakpa nɛ e suɔ lɛ nɔ.

Mose IV, 32:23

Se ke nyɛ yi nyɛ si womi ɔ nɔ ɔ, lɛɛ nyɛ na nɛ nyɛɛ le kaa nyɛ pee yayami kɛ si Yawɛ; nɛ bɔ tsuaa bɔ nɛ pee ɔ, nyɛ ma na nyɛ yayami ɔ he tue gblami.

Yeremia 5:25

Se nyɛ ní peemi ní yayami ɔmɛ tsake ní nɛ ɔmɛ; nyɛ yayami ɔmɛ ha nɛ ní kpakpa nɛ ɔmɛ bɔ nyɛ.

Yeremia 13:22

Ke o bi o he ke, “Mɛni he je ní nɛ ɔmɛ tsuo ba ye nɔ” ɔ, heto ɔ ji, o he yayami babauu ɔ he je nɛ he nyɛli ba pee mo kikɛ nɛ ɔ kaa yo nɛ nyumu kpa e he bo, nɛ e bɔ lɛ ahlua a nɛ.

Yeremia 19:4

Ma pee kikɛmɛ a nɔ́ nɛ ɔ, ejakaa ma a kua mi, nɛ a sã bɔhi kɛ ha mawu kpahi, nɛ a kɛ ble hiɛ ɔ. Kikɛmɛ a mawu nɛ ɔmɛ ɔ, nihi nɛ ngɛ zugba a nɔ amlɔ nɛ ɔ jio, a nɛmɛ ɔmɛ jio, Yuda matsɛmɛ ɔmɛ jio, a ti nɔ ko nɔ ko ja we hyɛ. A pue nihi babauu nɛ pee we nɔ́ ko a muɔ si ngɛ hiɛmɛ nɛ ɔ,

Yeremia 44:3

ejakaa ma amɛ a mi bi ɔmɛ pee yayami, nɛ a wo ye mi mi la. A sã bɔhi nɛ a kɛ sɔmɔ mawu kpahi nɛ mɛ nitsɛmɛ, loo nyɛ, loo nyɛ nɛmɛ ɔmɛ po li gblee.

Ezekiel 39:24

I kɛ mɛ to ní ngɛ mu ní tsumihi nɛ a tsu, kɛ yi wu tso níhi nɛ a pee ɔ a he; nɛ i kua mɛ.”

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Hiob 34:27

ejakaa a kpa e se nyɛɛmi, nɛ e mlaa amɛ hu a yi ekoeko nɔ.

Abɛ Womi 15:10

Nɔ nɛ pee we nɔ́ nɛ da a, a maa gbla e tue wawɛɛ; nɔ nɛ sume nɛ a ka e hɛ mi ɔ, e ma gbo.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.

Mika 1:5

Ní nɛ ɔmɛ tsuo maa ba mi, ejakaa Israel ma a pee yayami kɛ si Mawu, nɛ a tsɔ e hɛ mi atuã. Israel atuã tsɔmi ɔ, mɛnɔ kɛ ba? Ma nguaa a nɛ a tsɛɛ Samaria a, lɛ! Mɛnɔ yeɔ fɔ kaa e kɛ amaga jami ba Yuda? Yerusalem nitsɛ!