Yeremia 2:11 - BAIBLO ALOO NGMAMI KLƆUKLƆU Ɔ

¹¹ Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Yeremia 2:11 ပူးပေါင်းရင်းမြစ်များ

Romabi 1:23

Mawu nɛ gbo we gblee ɔ, a wui e hɛ mi nyami bɔ nɛ sa kaa a peeɔ, se mohu a ya woɔ níhi nɛ a puɛ kaa nɔmlɔ adesa nɛ gboɔ ɔ, aloo lohwe pɛlitsɛmɛ, loo lohwe nane eywiɛɛywiɛtsɛmɛ, loo lohwehi nɛ sãã si mohu a hɛ mi nyami.

Yesaya 37:19

nɛ a sã a mawu ɔmɛ. A kpata a hɛ mi, ejakaa tsa pi mawu nitsɛnitsɛhi ji mɛ; nimli a nine nya ní tsumihi, kɛ tsohi, kɛ tɛhi kɛkɛ ji mɛ.

Yeremia 16:20

Anɛ nɔmlɔ ma nyɛ maa pee mawuhi ha lɛ nitsɛ e he lo? Dɛbi! Ke e bɔ mɔde kaa mɛni po, mawu nitsɛnitsɛhi lɛɛ e be nyɛe maa pee.”

La 106:20

A ngɔ amaga nɛ a pee kaa na nɛ yeɔ nga a kɛ tsake Mawu nitsɛ hɛ mi nyami ɔ.

Mika 4:5

Je ma amɛ a ti nɔ tsuaa nɔ jaa lɛ nitsɛ e mawu. Se wɔɔ lɛɛ Yawɛ, wa Mawu ɔ, ji nɔ nɛ wa ma sɔmɔ kɛ maa ya neneene.

1 Korintobi 8:4

Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Yeremia 2:5

Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

La 115:4

Se ni ɔmɛ a we amaga amɛ lɛɛ sika hiɔ, kɛ sika tsu ji mɛ, níhi nɛ nimli adesahi ngɔ a nine kɛ pee kɛkɛ.

La 3:3

Se mo Yawɛ, o ngɛ kaa tsɛ̃i nɛ buɔ ye he daa. O woɔ mi mumi mi he wami, nɛ o woɔ ye hɛ mi nyami.

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

1 Petro 1:18

Ejakaa yakayaka si himi nɛ nyɛ nɛmɛ ɔmɛ si ha nyɛ ɔ, nyɛ le hĩɔ nɛ Mawu wo loko e kɛ kpɔ nyɛ kɛ je mi nɛ nyɛ ye nyɛ he. Pi nɔ́ ko nɛ puɛɔ kaa sika hiɔ, loo sika tsu nɛ Mawu ngɔ kɛ tsu kikɛmɛ a ní nɛ ɔ,

Galatabi 4:8

Sa a nɛ nyɛ li Mawu ɔ, nibɔ níhi nɛ pi mawuhi ji mɛ ngɛ a bɔmi su nya a ye nyɛ nyɔguɛ.

Samuel I, 4:21

E wo jokuɛ nyumuyo ɔ biɛ ke Ikabod ngɛ Mawu somi daka a nɛ a kpɔ ɔ, kɛ e ngatsɛ ɔ, kɛ e huno ɔ nɛ a gbo ɔ he. Ikabod sisi ji, “Israel hɛ mi nyami ɔ je.”

Kronika II, 13:9

Nyɛ fie Yawɛ osɔfo ɔmɛ nɛ ji Aaron nina a; nyɛ fie Levi bi ɔmɛ hulɔ. A nane mi ɔ, nyɛ wo osɔfohi kaa bɔ nɛ je ma amɛ peeɔ ɔ pɛpɛɛpɛ. Nɔ tsuaa nɔ nɛ hɛɛ na ku kake, loo agbosu kpaago kɛ ba tsukɔ e he ɔ, kɛkɛ e plɛ pee osɔfo kɛ ha nyɛ yaka mawu ɔmɛ.

Yeremia 5:7

Yawɛ bi ke, “Mɛni he je lɛ ma ngɔ ye ma a he yayami ɔmɛ kɛ pa mɛ ɔ? Ye ma a kua mi nɛ a ya ja yaka mawuhi. I lɛ ye ma a kɛ ya si a tɔ saminya, se ajuama bɔmi mohu ji nɔ́ nɛ a suɔ, nɛ yaholi a wehi a mi a naa mɛ ngɛ.

Yeremia 18:13

Yawɛ ke, “Nyɛ bi je ma amɛ tsuo kaa nɔ́ ko kaa kikɛ nɛ ɔ ba hyɛ lo. Israel ma a pee nɔ́ ko nɛ he wa wawɛɛ nitsɛ!

Ezekiel 5:7

Lɔ ɔ he ɔ, Yerusalem, bu tue; bu nɔ́ nɛ imi Nyɔmtsɛ Yawɛ, i ngɛ mo dee ɔ tue. Akɛnɛ o tue gbo pe je ma amɛ nɛ bɔle mo ɔ, nɛ ye blɔ nya tomi ɔmɛ, kɛ mlaa amɛ hu, o yi a nɔ, se mohu je ma amɛ a kusumi níhi o peeɔ ɔ,

Ezekiel 14:5

Kɛkɛ ɔ, Israel ma a tsuo nɛ a kɛ amaga jami tsɔ a he kɛ je ye he ɔ, ma ha a maa kpale kɛ ba ye ngɔ ekohu kɛ a tsui tsuo.

Mose V, 32:16

A kɛ mawuhi nɛ a li ye e tsui, nɛ a ngɔ ní hiemi nihi kɛ wo e mi mi la.

Mose V, 32:21

A kɛ a we amagahi wo ye mi mi la. A kɛ a yaka mawu ɔmɛ ye ye tsui. Lɔ ɔ he ɔ, ma ngɔ ma gu ko kɛ wo a mi mi la; ma ngɔ ma kɛ e mi kuasiahi sɔuu kɛ ye a tsui.

Matsɛmɛ I, 11:33

I ma pee nɔ́ nɛ ɔ, ejakaa Salomo kua mi, nɛ e ya ja Astarte, Sidon yo mawu ɔ; Kemosh, Moab mawu ɔ; kɛ Milkom, Amon mawu ɔ. Salomo gbo tue; e pee yayami, nɛ e yi ye mlaa amɛ, kɛ blɔ nya tomi ɔmɛ a nɔ kaa bɔ nɛ e tsɛ David pee ɔ.

Matsɛmɛ II, 1:3

Se Yawɛ bɔfo ɔ de gbalɔ Eliya nɛ je Tishbe ɔ ke e ya nɛ e kɛ Matsɛ Ahazia tsɔli ɔmɛ ya kpe, nɛ e bi mɛ ke, “Mɛni he je nyɛ yaa bi ní ngɛ Ekron mawu Baalzebub ɔ ngɔ ɔ? Anɛ Mawu be Israel lo?